Kolosai 2:18 - Biblía Axweesantá Hhohho' ar Mungú 2004

¹⁸ Mukko i deer, oo ti kilooín niinaweemiís ar al/ayma, nee adoorí ngi sa qwalaala/iyá', slám i malaykér firiiriná'. Nee tin kilooín xirfayeemisiyá' as iigu'utuuín, gár tas daara/an ar kilá' i káhh, a inslaway'ín oo tlákw. Múk adór kwí munduwa al/aáy nee qeemuuhúng guri hayoh.

Ya/abtór hho' 1977

¹⁸ Mukko i deer, oo ti kilooín niinaweemiís ar al/ayma, nee adoorí ngi sa qwalala/iyá', slám i malaykér firiiriná'. Nee tin kilooín xirfayeemisiyá' as iigu'utuuín, gár tas daara/an ar kilá' i káhh, a inslaway'ín oo tlákw. Múk adór kwí munduwa al/aáy nee tooqeemuuhúng guri hayoh.

Kolosai 2:18 Iomraidhean Croise

IIMU/UUNGW 3:13

AAKOÓ Mungú /ameenidá' gari báy, «Gaarí a milá kiíng taa tléhh?» /Ameenidá' iri ó', «Dayshamo aníng ina al/aáy, ngiri /aáy.»

YOBU 38:2

«Heewí a heemá axweesante'eé' ga gaamiís ar axweesanoó fuquraángw koomaaká?

ISAYA 57:9

Kuungá' mooyángw tsuú' oo yaariír una sleeré', di/aay una hubé' dír munguúdá' ta bay Moloki. Kuungá' ya/abuuserhúng ana ya/abité' amór saaw, sleeme ana ya/abité' ay baraá gi'i.

ESEKIELI 13:3

«Aníng Aakoó MUNGÚ a kah, ‹Tsaxwaahúng, kuungaásingaá aaruusér daktana, tidá' inslaway'ín nee iigu'utuuín eeharahar.

DANIELI 11:38

Kitangw'ine inós Munguúduú gixsadu gi xuúm gun ilaiwawaa/ kudá' aáng tam baabi'iiwós na harahhifiká, guri ilahhooár sahaábu i haniis, nee peésa nee muruú tlaxo gawdén, nee qeemuú tlaxo gawide.

FAARO 25:18

Asma inooín kuungá' nuna hayloórí leehhiyé' ar al/ayma, tunduri baál al/aymaro baraá kangwduú Peoriro, nee baraá kángw Kosbiro, dasír geeraharusmoó Midiani, tidá' taa gaás qoomár tiqtír pu/i niwa ti'ít baraá yaamaá Peoriro.»

Matayo 24:24

Asma kristo lama nee aaruusér lamuuseero ni ti'iitiyá' Inooín layu nee muruú waa/oo/amooro ngu tleehhiyá' as múk yaariír kuwa al/ayi, bir ya/aán tam mukdá' Mungú aa tsawaár sleeme.

Rumi 1:25

Asma inooín looeemaá Mungú ngina warqeesiyé' ar lama. Inooín gadaádá' taa tleéhh nee Mungú, kan ilaiwawaa/, nee kari xirfayeemiis, ala Mungú inósuú kilá', kuduú Tleehharusmo, kwaa xirfayeesiiká. Inós an kudá' ta xirfayeemisi ay alhhe'eesay wasle. Amin.

Rumi 16:18

Asma múk adór kwí Aakoorén Yesu Kristo gu sagadiyuusiiká, ala a gur'er'ín kilós kan sagadiyuus. Inooín múk hhaawuuse ngun al/aginá' ar axweesanay'ín oo tsatsaa'arén nee oo sla'atimís.

1 Korinto 13:4

Sla'aari i qiqtliín, i hhooeemaá tlehhít. Sla'aari i da/itá koondaaká, sla'aari i daara/ángw koondaaká, ti kilós xirfayeemiská.

1 Korinto 3:3

Asma tam hamí kuungá' a hotaatiindá' ar adoodár múk Qeeruú koomaaká ir hotaatin. Asma baraahunge da/i i deer, nee kaangaani. Gaarí gár i laqaaqaan a kuungá' heeuumarhúng tidár tlakweema an eeharahadá'aáke, nee an hotaatiindá'aáke ar adoodá' múk baraaká' yaamu ir hotaatin?

1 Korinto 4:18

Bahh'alé baraá tla/angwhunge ta kaahi aníng ni amorhúngií daqawká, niri daara/uumitiyé'.

1 Korinto 4:6

Hháe, diirihe aníng nee Apolo a slaqsaay dirhunge. Adoorí ana tleéhh as kuungá' kaangwí kuwa dirén wa intsahha', «Adoodá' Gooi i kat ma mawaara'.» Hee dirhunge miwa daar/án as daanduú intsaahhatusmooko oo hatlá' guri waaqaaqaa'.

1 Korinto 8:1

Daxta kángw ni oo' a kángw fu'unaydá' taa hanmamisi dír munguaá hatlá'. Atén aga qaroó xuaán adór atén sleémeero xu'uti kar koomaán daanduú kaangwihe. Ala xu'uti gár ni huwaahup dír heewo a daara/aangw. Ala sla'aari gár ni huwaahup dír heewo a kwa/asa.

1 Korinto 9:24

Ahaá, kuungá' a xuá'aáke mukdá' qwaátl baraá ti'iingo, sleémeero tan ti'ii'ín, ala heé arba/ati ga sláw a wak kilós. Kuungá' sleeme adoorír qwaatlaak as arba/ati kawa sleera'.

2 korinto 11:3

Ala aníng a daimiít as kuungá' tunduwa al/ayi baraá inslawayhunge, tam kuungá' sla'aarirhúng tidá' ur ar hhoohhoo' ar Kristo kuwa sla'a' kari geexeerá', adoodár dayshamooduú al/aymusmo aáng Hawa ngira al/aáy.

2 korinto 12:20

Asma aníng gár ni da'ayumiit a tí, án binda amorhúngií hardáh, án kuungá' adoodá' nur slaa' dooqa nu adoodá' i awaaká. Nee slám a da'ayumiít as kuungá' aníng iwa aanda' ar adoodá' kuungá' ta sla'a'aaká. A da'ayumiít dooqa án kuungá' dír ni aw a baraá gila, nee gur'e nuwa ohiin, nee xaraasleema, nee fola, nee tloqmis, nee kaantiingw, nee daara/aangw nee tlaahhi.

Efeso 4:17

Gawaá adoorihe án kuungá' nun baw, slám nun gurbu'uúm kángw kilá' wa ale ar baraá umuú Aako, ma kumiitara' tawa hota' adór múk xoordaá hatlá' ar alé. Asma inooín inslaway'ín a tawo,

Efeso 5:6

Hee munduwa al/aáy ar /ayma'aá tawo. Asma múk muruuwí tlehhiít xarasleemaá Mungú ngun i hardihiyá' asma tawa iialooeemisiiká.

DABE 29:29

«Muruú naaqo oo AAKOÓ MUNGÚ, Munguúrén, ala muruudá' taa geehhooatís a koorén nee na/iirén ay alhhe'eesay wasle, as axweesanoó dabeerí kuwa harmagahhaan.»

Filipi 3:14

A ló'wa naagamiís as amoodá' ta i qwaatlaan ngiwa i hardah, as slaasláwadá' Mungú isa ateét ar loohír Yesu ngiwa slaw, tidá' niwa hoot gawaá doorí wa ale.

Kolosai 2:23

Bir ga/eér kwaáo a adór múk sageeloén. Asma inooín malayke ngin firiiriná', nee ti kilooín niinaweemiisiyá' ar al/aymár tawo. Slám slaqooín ngin slahh'eemisiyá'. Ala tí sleémeero a gadiyér tawo, asma bira fák, aqo ilatleerír tawo ar kángw slaqo ngin boo/eemisiyá'.

Kolosai 2:4

Tí án ngina dirhúngií oó' as kahhó' hee munduwa al/aáy ar axweesanoó tawo oo lama.

Kolosai 2:8

Ti harmagahhe', hee munduwa naáxw ar axweesanaywós oo tawo oo gaa wásl oo al/ayma. Asma axweesanaydá' amór naa daáhh a amór unuú muu, a amór Kristoowooká.

1 Timoteo 1:7

Inooín ka slaa' tawa intsaahhatuusér hara'ayár Mungú. Ala inooín awa kilá' axweesanaydá' ta axweesi ku xuiiká, nee slám inslawaydá' ta aleekal/an ku tsatsahhanká.

1 Timoteo 4:1

Qeeruú hhoohhoó' oo Mungú adoorí gaa ló'wa xu'utís adór qoomaadár alhhe'eesaay binda hardát, muu ir deér oo haratlintaao ga máw. Inooín qeeremaá al/agiimá' kin iiárií qamín, nee intsaahhasár neetlaame.

2 Petro 2:14

Inooín ilaaín in tawo waseeliná' ilatleerir tsaatu'uumaro, slám i hhe'eesiaaká tlakweemaawo. Nee múk tununuú/ baraá haratlintaaooro ngun qwaareemisiyá'. Inooín a múk ló'wa peésár slaá'. Gawaá adoorihe inooín kaa lu'ús nee Mungú.

1 Yohana 2:26

Kaangwí nguna dirhúng i gooiím daanduú mukdá' kuungá' nu qwaareemisa.

Geehhoeemaá 12:9

Dayshamoodá' úr kunguri kwaáhh, dayshamooduú aáng, kudá' ta babay oo tlaákw nee Neetlaangw. Inós an kudá' muu sleémeero gu al/agagiím. Kunguri kwaáhh baraá yaamu. Malaykeerós sleeme kingiri kwaáhh dinkwa nee inós.

Geehhoeemaá 13:14

Nee inós múk baraá yaamuú wa hoót gun paslimís ar layuuwós kudá' i tlehhit dír geeraá makiito'oodár geeraá wa ale. Inós mukdá' baraá yaamuú wa hoót gun babeer, «Murslaaqat tleehhaak oo slaqsoó makiito'oodá' taa inkaahhi'ií qaás ar paánga, nee iri male sláf.»

Geehhoeemaá 13:8

Muu sleémeero oo baraá yaamuú wa hoót makiito'oodá' ka i tumbarara'aat, kudá' umer'ín taa gooiniká baraá kitaábuuduú slafiingw iimír iimu/úngw yaamuwo. Kitaábuuwí oo slafiingw oo Deelmoó bee/i, kudá' taa gaás.

Geehhoeemaá 19:10

Aníng niri tumbarara'aát dír ya'aawós i alé as inós nguwa sluufmiis. Ala inós aníng iri báy, «Adoosíng ma tlehhiitaar. Asma aníng sleeme a sagadiyusmo dinkwa nee kuúng nee hhaeewoge, kudá' sleémeero awa lamabu'úngw Yesu ngu koomá'. Ala kuúng Mungú na sluufmiiseek.» Asma lamabu'úngw Yesu an qeeruú aaru'uuma.

Geehhoeemaá 3:11

Aníng ni hardáh ar gaanslaay. Tidá' ta koon ooha hhe'eeseek, as kahhó' hee slamaangók munguwa hayóh.