Kolosai 2:16 - Biblía Axweesantá Hhohho' ar Mungú 2004

¹⁶ Gawaá adoorihe kuungá' ma ya/aamara' as hee nuwa tawó sakwasleemuuti as muruú /ayma nee muruú wahaangw, laqaá as deelór uren, laqaá as deelór slahhaangw niwa ti'iít, laqaá as deelór Sabaáto.

Ya/abtór hho' 1977

¹⁶ Ma ya/aamara' as hee nuwa tawó sakwasleemuuti as muruú /ayma nee muruú wahaangw, laqaá as deelór uren, laqaá as deelór slahhaangw niwa ti'iít, laqaá as deelór hungu/uuma.

Kolosai 2:16 Iomraidhean Croise

2 WAAWITÁ 4:23

Hhawaatuuwós gari báy, «Ahaá laarí gár tas amoorós keer a mila? Laarí a slahhángw /abeneeká, sleeme a deelór Sabaátorooká.» Inós guri beér, «Gár tlaakw i káhh.»

1 QOM'I 23:31

Qoomár deelór Sabaátoro nee deelór slahhángw /abén nee deelór hatlá' ar urene ilahhooár da/a kawa hanmiís dír AAKOÓ MUNGÚ. Dabe kana qaás adoodá' múk Laáwi faaror'ín i diri'. Múk Laáwi gadiyér'ín tí kan tlehhiit dír geeraá AAKOÓ MUNGÚ wa ale umuú daqto.

2 QOM'I 31:3

Waawutmo Hesekia daqaari'iimarós gana bahh haniís as tawa ilahhooár da/a ar matlaatle nee ar tsiindowo, nee tawa ilahhooár deelór Sabaáto nee ar bál slahhángw /abén, nee ar deelór uren, tidá' taa hara'ayín as AAKOÓ MUNGÚ, adoodá' kara gooín baraá kitaábuú dabér AAKOÓ MUNGÚ.

NEHEMIA 10:31

Barnaxes múk yaamuuká' muruú ta weermiisi ngwa huwiyé', ngway weerisiyé' deelór Sabaátoro, atén u tlaxwanaaká balaarihe tam deelór hatlá' ar hhoohhooe. Kurkú faanqwe yaamu i tliqisanaaká nee inu sleémeero in buaán.

NEHEMIA 10:33

Nee as mikaáteedá' taa qaás as Mungú nee ilahhooár balaangw, nee ilahhooár da/a, nee ilahhooár deelór Sabaáto, nee ilahhooár Slahhángw /Abén, nee deelór uren ar hatlae, nee muruú hatlá' oo hhohhó', nee ilahhooa as hingeemisuú tlakweema as múk Israeli kuwa haraki/isi, nee gadiyedaá hatlá' sleémeero awa doó Munguúrén.

NEHEMIA 8:9

Nehemia kuduú ga/aawusmo nee Esra kaahamusmoó Mungú nee goousmo, nee múk tlahhoó Laáwi kudá' muu gwaa intsaahhatis, muu sleémeero kuri báy, «Baalaarír laarí ka hhoohhoo' dír AAKOÓ MUNGÚ, Munguúhunge, ma tsuunqumisaara' laqaá sleeme ma /aa/amimaara'.» Asma muu sleémeero ina /aá/ /ayma'aá baraá kitaábuuduú dabe kiwa axaás.

WARA'AMI 42:4

Qoomár bar muruú aáng ugwa insláw, muunaáeé' in gurhaamuut. Asma qoomaadae tina alkoomakoomaán nee boo/oó úr, ngiri geerahaár tawa hardahaan amór Doó Mungú, boo/oó úr oo muu oo hi'imiít ar afór bara/ nee daa'ángw ilahhooa.

WARA'AMI 81:3

Tarumbeéta ufahhaak qoomár slahhaangw bir ni ti'imiit, qoomár slahhángw hoomoowo, deeloorén tidá' ure.

ISAYA 1:13

Ilahhooár harimaaká mingi huwahuwaara', mooyangwdá' tsuú' aníng ugwa aáhh, nee deelór ur ar slahhaangw niwa ti'iiti, nee deelór Sabaátooro nee burumburimituú saaliingo. Aníng dinku'uumadár saaliingw ar aleedoogír nee tlakweema a sla'aaká.

ESEKIELI 4:14

Aníng nguri báw, «Aá Aakoó MUNGÚ! Aníng taa baloó meetagaasiiká as tuua ngiwa /aay, laqaá gár makiito'ór sla/a aa ót, laqaá tam fu'unaá makaá slasla/aren iga /ayiiká iimír tawa na/oó niiná.»

ESEKIELI 45:17

A gadiyér geeraharusmoó ilahhooár da/a ngiwa slay, nee ilahhooár balaangw, nee ilahhooár wahaangw ar ta hanmiisi qoomár deelór ur bál slahhaangw birna ti'iít, nee deelór Sabaáto, nee deelór uren sleémeero ar taa qaás baraá múk Israeliwo. Geeraharusmo ilahhooár tlakweema hingeesa gan amohhe'ees, nee ilahhooár balaangw, nee ilahhooár da/a, nee ilahhooár wayda as haraki/isa kawa tleehhi dír múk Israeliwo.»

TLAHHOÓ LAÁWI 16:31

Baalaarí an Sabaátór hungu/umaá bu'uutá' awa kuungá' tawa gwaawiinda'. Dakwí an dákw hotaatiím ay alhhe'eesay wasle.

AMOS 8:5

Slám a malé kata', «Slahhángw /abén xaylá u oohaán as balangwrén kuwa iimu/umaan weeramisuuwo? Nee deelór Sabaáto i fak a xaylá as balangwrén kuwa weeramisuú awaan? Xooslmoduú qoomeemes kuri afa fiitsaán as peésár yaariir kawa slawaan, muu un al/agiimaán ar qoomoó lama.

FAARO 10:10

Sleeme adoorí tleehhaak qoomár bar baraá qwal/amaaye, adór deelór ur bál slahhaangw birna ti'iít, nee deelór ur ar hatlá' ar ta tleehhamór wa sla'a', tarumbeéta ufahhaak qoomár bar ilahhooár da/aa/ángw hanmisá', nee ilahhooár wayda ar muruú ta tsu/i. Daqaní diirihe anuú Munguúhúng nun insláw. Aníng an AAKOÓ MUNGÚ, Munguúhúng.»

Matayo 15:11

Gár hee i /ayi gu meetagaská, ala tidá' baraá afkú heé wa ti'imiit, an tidá' gu meetagaas.»

Marko 7:19

asma i datká baraá muunuú hee, aqo har baraá gura' kilós, aluuwo nin ti'ít, kari kwaahh.» Axweesantihe gari xu'utís adór umuúqo gár /ayma ir hariín kawa /ayi.

Tlehhema'aá ya/Abuuse 15:20

Ala barwá masók an amor'íní gooiimaán as tiwa harmagaahhiya' nee muruudá' taa ilahhooár munguaá hatlá' wa haniís, nee tsaatu'uuma, nee fu'unaydá' makiito'ór taa af'óh, nee tseere.

Rumi 14:10

Ahaá ala, kuúng mas hhiyaawók sakwasleemút? Nee kuúng mas hhiyaawók waaqaqá'? Asma atén sleémeero a sihhiitaán dír geeraá kitángw Mungú kuduú sakwasleema.

Galatia 4:10

Kuungá' kángw deelo nee slahheeri un ló' wa eeharahadá', nee qooma nee kureeri sleeme.

Kolosai 2:20

Kuungá' aga alqatlé' dinkwa nee Kristo, tiri paratlé' nee aleesleemu sleémeero oo qeereemaá tlakw awa yaamuuká'. Asma milá mas ya/a/aandá' kuungá' tunduwa hara'ayiyin, adór múk yaamuuká', tawa kaahi,

Ebrania 13:9

Kuungá' intsaahhasár dimbadimbé ar hatlá' munduwa paslís baraá loohír ganaa'a. Asma gár muneerén ga gawdees a tsuuqaá Mungú, ala a hara'ayár dimbadimbeheeká ar daanduú muruú /ayma. Asma mukdá' hara'ayaarí gaa eehaar, alee/isoó taa sláy i kaahh dír hara'ayaarihe.

Ebrania 9:10

Asma hara'ayár loohirí an hara'ayár tlehhema'aá slaqo kilós, daanduú muruú /ayma nee wahaangw nee hamtlór slaqwa. Hara'ayaarí kana oó' ay dír qoomaadá' Mungú loohír /aben ngi qaasi.

Yakobo 4:11

Hháe, miti /ayseenáy tlaaqara'. Heé hhiyaawós gu /aysantí tlaáq, laqaá gu sakwasleemuút, heewí a hara'aya gan /aysantí tlaaq laqaá gan sakwasleemuut. Ala kuúng hara'aya bara sakwasleemút, kuúng a heé hara'ayár iialooeemisaaká, ala aga sakwasleemusmo tleehhít.

1 SAMUELI 20:18

Yonatan Daudi guri báy, «As matlo tawa baalár ur ar slahhángw /abén niwa ti'iiti, muu gari ar tawa kahh, asma kitaangók heé gwaa i iwiit iwa kahhi.

1 SAMUELI 20:5

Daudi Yonatan guri báy, «Matlo slahhaangw birinda ti'iít a deelór ur dír waawutmoowo, slamí i xu'utít aníng niwa iwiit dír meésár waawutmo tawa al/ayimaan. Ala áx lakiít anaá ala tláw, anaá ala nahhaát baraá qaymo ay bál tám tsiindo.