Kolosai 1:9 - Biblía Axweesantá Hhohho' ar Mungú 2004

⁹ Gawaá adoorihe iimír kaangwí kuwa axaasaán, atén kuungá' naa mawaaniiká aleefirooro. An firiiriimaán as Mungú nuwa sagalooárí haniisi nee aleesleemuú amór Qeeruú hhoohhoó' oo Mungú daáhh, as sla'aarirós kawa tsaahha hhe'esa'.

Ya/abtór hho' 1977

⁹ Gawaá adoorihe iimír kaangwí kuwa axaasaán, atén kuungá' naa mawaaniiká aleefirooro. An firiiriimaán gídaabá Mungú nuwa sagaalooár i haniisi nee aleesleemuú amór Qeeruú hhoohhoó' daáhh, as sla'aarirós kawa tsaahha hhe'esa'.

Kolosai 1:9 Iomraidhean Croise

WARA'AMI 119:99

Tsaahha a koóm tam intsaahhatuuser'eé' sleémeero ba/a, asma adoodá' kuúng ta kat an aldakuút.

WARA'AMI 143:10

Kuúng a Munguúeé'. Intsaahhatisáng ar kuúng ta sla' ngiwa tleehh. Qeeruuwók kudá' hhoó' án i geerahari, ar baraá loohír qoom!

Yohana 7:17

Hee barnaxes sla'aarír kudá' aníng iga ya/aaw gaa ya/án tleehhamooro, kángw intsaahhastadá' daqaní gu tsaahh, áx amór i dahh a amór Mungúhe, laqaá án kilooeé' an axweés.

Tlehhema'aá ya/Abuuse 12:5

Petro kuna xún baraá doó tseegamór wa ale. Ala múk kríshaanáy Mungú guna firín ar ilakaaharu as inós.

Rumi 12:2

Kuungá' baraá slafingwhunge ma hootara' ar adoodá' múk baraaká' yaamu ir hooti. Ala masók kuungá' tundun warqees baraá inslawayhunge, ar inslawayhúng kuwa /abeemiisi, as Mungú gár i slai kawa tsahha'. Asma gár i slai a tidá' hhoo', tidá' inós gu qwal/atimis, nee tidá' qoom.

1 Korinto 1:5

Asma baraawose kuungá' mura' sleémeero ugwa sleeré', tam axweesani sleémeero nee xu'uti sleémeerowo.

Efeso 1:8

Gurtleemuuwí nguna atén i tlahhás. Adoorí gana tleéhh ar baraá sagalooarós nee xu'utirós sleémeero.

Efeso 5:10

Muruudá' Aako gu sla'atamís masók u tsatsahhaandá'.

Efeso 5:17

Gawaá adoorihe ma daktana tleehhitaara', ala masók gar Aako i slai an xuá'.

Efeso 6:6

Kuungá' masók a adór lawaaleedá' ilaá maaqumiisaaká. Ti harafade' tawa lawaalér Kristo, tidá' sla'aarír Mungú ga tlehhiít ar muunuú /awaák.

Filipi 1:4

Qoomár barnaxes a firiiriím, án kuungá' sleémeero nun aleefiraariím ar qwala/.

Kolosai 1:6

Ya/abtoorí hho' in tsiyaayaaxát baraá yaamu sleémeerowo nee in tsuuqaá yaariír huwaahúp. Tam dirhunge sleeme a adoorí, iimír bál kángw tsuuqaá Mungú kuwa axasé', nee adór i dirii'iya' kiri tsaahha hhe'esé'.

Kolosai 3:16

Axweesantá Kristo masók i baraahúng wa hót ar yaareema. Ti intsaahhatimise' nee tiwa naanaqa' ar sagalooa sleémeero. Mungú sa daa'aak ar sluufaay baraá munerhunge ar daa'ángw bara/, nee oo sluufaay, nee ar daa'ángw baraá qeeru.

Kolosai 4:12

Epafra kuungá' nu intsihhiimiis. Inós a heehúng. Slám a lawaalmoó Kristo Yesu. Umuúqo daqto inós kuungá' nun aleeslaaqw baraá firooro, as kahhó' kuungá' tawa sihhita' nee tawa kwa/a' baraá haratlintaaooro, nee umuúqo gár Mungú i slai kawa tsahha' nee kawa eehada'.

Kolosai 4:5

sagalooa koomaak dír mukduú haratlintaaór koomaakahe, umuúqo pa/ángw taa sleeré' ar gadiyusaak.

1 Tesalonike 1:3

Umuúqo deelooro an inslawiiwimaán dír geeraá Mungú Baabuúrene, adór haratlintaaorhúng ira geehhoouúr ar baraá tlehhemi'i, nee adór sla'aarirhúng nura tliw/iín as gadiyeé kawa ló'wa tlehha', nee haraxu'utirhúng baraá Aako Yesu Kristoowo adór qitla ngura hanís.

1 Tesalonike 5:17

Firo ma baloó mawaara'.

2 Tesalonike 1:11

Gawaá adoorihe gaarí an gár atén kuungá' nus aleefiriirimaan umuúqo deelooro, as kahhó' Mungú kuungá' nuwa harafaari tawa hariinda' ateetamoorose. Atén Mungú un firiirimaán as kahhó' inós ar /uuruuwose hhooeemaadá' ta sla'a' tleehhamooro ngiwa boo/eesi baraá munerhunge. Nee slám gadiyérhúng tidá' sleémeero ar haratlintaao ngiwa boo/eesi.

Filemoni 1:4

Deelo sleémeero án Mungú un sluufmiís as kuúng, nee un inslasláw baraá firor'eene,

Filemoni 1:6

Án kuúng gár us aleefiriiriim a tí, kuúng masók haratlintaaoorók an lamabu'uún dír múk hatlá' i alé. Gawaá adoorihe atén sleémeero tsuuqadá' sleémeero masók in tsaahha hhe'eesaán, kudá' ta koomaan baraá Kristowo.

Ebrania 10:36

Kuungá' gár tunduwa hariím an qiqtliindá', as adoodá' Mungú aa slaá' kawa tlehhita', nee gadaádá' inós aa oó' baraá al'axweesantose kawa sleera'.

Ebrania 13:21

Munguúwí umuúqo gár hhoo' ngi kuungá' i haniisi, as kuungá' sla'aarirós kawa tlehha'. Inós tidá' i slai ngi tleehhi baraá muneerene ar loohír Yesu Kristo. Inós i xirfuuti ay alhhe'eesay wasle. Amin.

Yakobo 1:5

Ala baraá tla/angwhunge hee barnaxes sagalooa gwa wa /aaruúr, gár kuwa hariím a Mungú gun firín, kudá' muu sleémeero gu tsuuqaá i hanmiís ar yaareema, slám i gahhamiitiiká. Inós sagalooa ngi haniis.

Yakobo 3:17

Ala sagalooadá' gawaá dooraá daahh a adoorí, gár geera ka hhoohhoo'. Slám i wayduú koón, nee ka tsatsa'aar. Nee slám axweesanoó muu gu huwaahúp. Nee slám fola i kaahh dirose, laqaá hhaahhafiingw.

1 Petro 2:15

Asma gár Mungú i slai a tí, kuungá' bar hhooeema iga tlehhé', daqaní múk axweesantá dakti'iimár axweés u xasltisá'.

1 Petro 4:2

Gawaá adoorihe qoomár aa meti baraá slafingwhúng oo baraakaá yaamuwo, kuungá' gár tunduwa hariím an hotá' ar sla'aarír Mungú kawa tlehha', ala ma hootara' ar ilatleerír muu kawa eeharahada'.

1 Yohana 2:17

Ala yaamu i waarahhiyá' dinkwa nee ilatleerir'ine, ala heé adoodá' Mungú i slai ga tlehhiít i hotaatín ay kureér.

1 Yohana 5:20

Garmoó Mungú adór nira hardáh, atén a xuaán, nee inós fuquraangw ngwa haniís oo inósuuduú Munguú ló' kuwa xuaan. Nee atén a baraá inósuuduú ló' i diriiaán, as tawa baraá Garmaawós Yesu Kristo. Kwí an Munguú ló' nee slafíngw alhhe'eesay wásl.

1 SAMUELI 12:23

Tam adoorihe amór bartá aninge, aníng AAKOÓ MUNGÚ muwa tlakweemií tleéhh ar kuungá' nuwa maw aleefirooro, ala nun intsaahhatís baraá lohaá hhoe nee awa ganaa'ae.