Kolosai 1:7 - Biblía Axweesantá Hhohho' ar Mungú 2004

⁷ Kaangwí kunguna dirhúng i intsaahhatimís nee Epafra, sla'aarusmoorén. Inós a lawaalmoó Kristo adór atén wa ale, slám an sagadiyusmoó Kristo oo inkihhím as atén.

Ya/abtór hho' 1977

⁷ Iidíguuwí kunguna dirhúng i intsaahhatimís nee Epafra, sla'aarusmoorén. Inós a lawaalmoó Kristo adór atén wa ale, slám an sagadiyusmoó Kristo oo inkihhimuú koóm as atén wa ale.

Kolosai 1:7 Iomraidhean Croise

FAARO 12:7

Ala daanduú sagadiyusmooeé' Mosewo a adooriheeká. Inós ku inkihhím baraá dooeé' sleémeero.

Matayo 18:29

Iinusmoowós kudá' iri tumbarara'aát geeraawós i alé, guri harhheehhe'eemiís iri oó', ‹Gám qiítl gár niinawe, án iinaarók sleémeero ngi buú'.›

Matayo 24:45

«Sagadiyusmoó inkihhím nee oo sagaloó', oo aakoowós i do'ósií saayin a gaalá? As múk doó aakoowós nguwa muruú /aymár i hanmiisi ar qoomár hariima.

Matayo 25:21

Aakoowós iri oó', ‹I qoón, kuúng a lawaalmoó hhoó' nee oo inkihhím. Kuúng tu inkihhím baraá tidá' niina tuy saayini. Án kuúng u muruú yaariír i saayiím daxta. Qwál daháng baraá qwal/uueé'.›

1 Korinto 4:17

Asma gaarí an gár Timoteo ngusa amorhúngií ya/aáw. Inós an garmaaeé' kuduú sla'aarusmo nee oo inkihhím baraá Aakoowo. Inós kuungá' nu inslawtis daanduú lohuueé' awa baraá Kristo Yesuwo, kudá' ni intsaahhatimis umuúqo diiro dír múk kríshaanayhe.

1 Korinto 4:2

Ala dír mukduú saayuuseero gár ta slai masók kin inkihhím.

1 Korinto 7:25

Ala gawaá daanduú /amaatliiteero aníng hara'ayár Aako ar ni koom i káhh. Ala gaarí ni oo' a adór aníng ni ga/aw. Asma aníng a heé taa gurtleemuú i haniís nee Aako, tawa heé muruú ló' káh.

2 korinto 11:23

Inooín a sagadiyuusér Kristówo? Aníng daxta an adór slarhhamá wa axweés, aníng a sagadiyusmoó Kristo oo ak hhoó' ta inooine. Aníng gadiyeé ana ak tleéhh ta inooine. Aníng tina tsegiít daqtá yaariire ta inooine. Nee slám aníng tina ak muúx ta inooine. Aníng afkú bohoongw ngun wa kikií/ daqtá yaariire ta inooine.

Efeso 5:21

Kuungá' kiloohúng ti ilaiwawa/e' as adoodá' Kristo kur ilaiwawa/a'.

Filipi 2:25

Án ngi slaá' sleeme i qoón hhiyaarén Epafrodito nguwa amorhúngií ya/aaw. Inós nee aníng aga algadiyuusaán, slám inós a slaqwarusmoó wák dinkwa nee aníng. Inós kuungá' nguna ya/abé' amor'eé' alé as aníng iwa sagadiyuusi, nee tidá' án ni slaa' ngiwa hanmiisi.

Kolosai 4:12

Epafra kuungá' nu intsihhiimiis. Inós a heehúng. Slám a lawaalmoó Kristo Yesu. Umuúqo daqto inós kuungá' nun aleeslaaqw baraá firooro, as kahhó' kuungá' tawa sihhita' nee tawa kwa/a' baraá haratlintaaooro, nee umuúqo gár Mungú i slai kawa tsahha' nee kawa eehada'.

Kolosai 4:7

Tikiko iidíguueé' sleémeero ngu oo' dirhúng i alé. Inós a hhiyaarén oo sla'aarusmo, slám a alee/iisusmoó inkihhimuú koóm. Inós i gadiyér Aakoó tleehh dinkwa nee atén.

Kolosai 4:9

Onesimo nee inós ti koná', hhiyaarén oo inkihhimuú koóm, slám a sla'aarusmo. Nee inós a heehúng. Inooín kángw diirí atén tay diriiaan kunguqo alki/iit.

1 Timoteo 4:6

Intsaahhatisarí sleémeero alki/iiteek dír hhae. Daqaní kuúng a sagadiyusmoó hhoó' tleehhít oo Kristo Yesu. Asma kuúng qeeruuwók un /aymís axweesantá haratlintaaooro nee intsaahhasadár ló', tidá' kuúng taa eehát.

2 Timoteo 2:2

Kuúng tidá' sleémeero aníng naa intsaahhatimís dír geeraá múk wa ale aga axás. Kuúng intsaahhasarí ka saayiín dír múk inkihhimuú koóm, kudá' aleesleemuú koóm oo múk hatlá' kuwa intsaahhatisi sleeme.

Filemoni 1:23

Epafra kudá' taa tseék dinkwa nee aníng asma Kristo Yesu kuúng u intsihhiimiis.

Ebrania 2:17

Gawaá adoorihe inós gár kuwa hariím, a kun adór hhaeewós tleehh baraá mura' sleémeerowo, as kahhó' inós masók a kaahamusmooín oo úr, oo Mungú kudá' gurtleemuú koóm nee oo inkihhím baraá kángw Munguhe, nee ilaahhooár haraki/isa ngiwa haniisi as tlakweemaá mukós ngiwa hingeesi.

Ebrania 3:2

Inós ku inkihhím dír Munguhe, kudá' inós gwa qaas baraá gadiyeérós i alé. Adoodá' Mose sleeme kur inkihhím baraá doó Mungú sleémeerowo.