Kolosai 1:3 - Biblía Axweesantá Hhohho' ar Mungú 2004

³ Atén deelo sleémeero Mungú, Baabuú Aakoorén Yesu Kristo un sluufmiisaán, qoomár burnu aleefiriiriimaán.

Ya/abtór hho' 1977

³ Deelo sleémeero atén Mungú un sluufimiisaán, Baabuú Aakoorén Yesu Kristo, qoomár burnu aleefiriiriimaán.

Kolosai 1:3 Iomraidhean Croise

Rumi 15:6

Daqaní kuungá' a aleesleerá' Mungú, Baabuú Aakoorén Yesu Kristo, kuwa xirfayeemisa' ar muunuú wák nee ar afór wák.

1 Korinto 1:4

Aníng Mungú un sluufmiís as kuungá' umuúqo daqto. Un sluufmiís as tsuuqaadaá Mungú kuungá' taa sleeré' ar baraá Kristo Yesu.

2 korinto 1:3

Mungú, Baabuú Aakoorén Yesu Kristo i xirfuuti. Inós an Baabuúdá' gurtleemu sleémeero ngu hanmiís, nee slám an Munguúdá' gurkwa/asa sleémeero ngi hanmiís.

Efeso 1:15

Aníng aga axaás adór kuungá' Aako Yesu kura haratlintié', nee adór muu sleémeero oo taa hhoohhooeés kur sla'á'.

Efeso 6:18

Muruuwí sleémeero tlehhiitaak ar baraá firo, tawa firiiriinda' umuúqo daqto ar /uuruú Qeeruú hhoohhoó' oo Mungú. Gawaá adoorihe dalaaé' tawa kumita' baraá firooro, múk hhohhó' oo Mungú sleémeero kuwa aleefiriiriinda'.

Filipi 4:6

Ma daawiimitaara' baraá umuúqo gaaro. Ala umuúqo gaaro ar ta sla'a'a Mungú na ádbawaak, kuwa firiiriinda' nee kuwa sluufmisa'.

Kolosai 1:13

Inós atén tina baraá /uuruú giwtír wa ba/amis, tiri loohatís, tiri dahaás baraá waawuti'iimár Garmaawós oo sla'aarusmo.

Kolosai 1:9

Gawaá adoorihe iimír kaangwí kuwa axaasaán, atén kuungá' naa mawaaniiká aleefirooro. An firiiriimaán as Mungú nuwa sagalooárí haniisi nee aleesleemuú amór Qeeruú hhoohhoó' oo Mungú daáhh, as sla'aarirós kawa tsaahha hhe'esa'.

1 Tesalonike 1:2

Umuúqo deelooro Mungú un sluufmiisaán as kuungá' sleémeero, nuwa aleefiriirimaan baraá saalingwrene.

2 Timoteo 1:3

Munguúwí ni sagadiyuus ar muunuú hhoohhoó' iimír taati'iieé' wa ale un ló'wa sluufmiís. Aníng kuúng u baloó gunqareesaaká aleefirooro tlaatla/aangw nee xweeraawo.