Kolosai 1:28 - Biblía Axweesantá Hhohho' ar Mungú 2004

²⁸ Inós an kwí ni alki/iitaan, muu sleémeero un gurbu'uumaán. Umuúqo heewo un intsaahhatimiisaán ar sagalooa sleémeero tidá' Mungú ni amoorén i hanmiisi. Asma gár ta sla'aan a umuú heewo un amohhe'eemisaán iwa sihhiiti dír geeraá Mungú tawa heé aa kwaa/ baraá Kristoowo.

Ya/abtór hho' 1977

²⁸ Inós an kwí ni alki/iitaan, muu sleémeero un gurbu'uumaán. Umuúqo heewo un intsaahhatimiisaán ar sagaalooa sleémeero tidá' Mungú ni amoorén i hanmiisi. Asma gár ta sla'aan a umuú heewo un amohhe'eemisaán iwa sihhiiti dír geerá Mungú i ale, iwa heé qoóm tleehhiti baraá Kristo.

Kolosai 1:28 Iomraidhean Croise

ESRA 7:25

«Nee kuúng, Esra, ar adór sagalooár Munguúwók i diria gawaá dabaawoge kwasleemuuse nee har'ohuuse qaaseek, as muu sleémeero kuduú ayeemaá gayuú /uwa yaaér Eufratero nguwa har'ohina'. Inooín masók a múk dabér Munguúwók ga xuú', kuúng na intsaahhatiseek.

AXWEESANOÓ SAGALOOA 8:5

Aá múk iimibó/, dahar intsaatsahhaak, kuungaásingaá daktana, iia qaasaak.

DAHARUSMO 12:9

Daharusmoodá' dinkwa nee sagalooár i kona inós muu guna intsaahhatimís xu'utiro. Inós axweesantá sagalooa ar yaariir gana alqaytsimiít nee gari aldakuút, nee gari qoomeemeés ar magahhto.

YEREMIA 3:15

«De'eemuusér aníng i iialooeemiis ngi kuungá' i sláw, múk kuungá' nu /aymiís ar xu'uti nee tsaahha.

YEREMIA 6:10

Xáy, heé ni ádbaw a heemá oo gi gurbuú' as tawa axaasi? Ga/aaweek iaaín naa giwiyé' ya/abtor'eé' axaasaro ngi aleeslay'aaká, Axweesantá AAKOÓ MUNGÚ dir'ine a gár waaqa'atiit, ngi i qwalaala/iaaká.

ESEKIELI 7:10

«Ga/aawaak, deeloodá' ni hi'ít, hhaamiisarhúng naa hardát, gurtleemu i umuú dii, nee daara/aangw a /ar/aantuús.

Matayo 28:20

Muruudá' sleémeero naa kuungií intsaahhatimís, dir'ínií intsaahhatisak ku oohi. Ga/aawaak aníng a dinkwa nee kuungá' deelo sleémeero ay alhhe'eesoó yaamu.»

Matayo 3:7

Múk yaariír oo Farisayo nee oo Sadukayo kuna i daqáy, as ngiwa baatimiisi. Ala Yohane ngiwa ár giri báy, «Kuungá' xwaylár dáyshe, heé kuungá' naa gurbuu' sakwasleemár hi'iit kawa ilagogoba'?

Matayo 5:48

Gawaá adoorihe kuungá' masók a múk ganaá', adoodár Baabuúhúng kuduú gawaá doori ir ganaai.»

Marko 6:34

Inós iwa gawaá miringamoó wa aweér, múk yaariír guri ár, guruuwós iri tláy, asma ngiwa ár a adór bee/ángw de'eemusmoó koomaaká. Muruú yaariír guri dir'ínií intsaahhatimís.

Luka 21:15

Asma aníng /ayma'aá sagalooa ngi haniís, awa ta oa', tam wakuuserhúng sleémeero kuungá' tlaampa'aasaro nuy aleesleeraaká, nee sleeme axweesantahúng kay si'iiká.

Tlehhema'aá ya/Abuuse 10:36

Kuungá' Ya/abtoodá' Mungú aa huúw dír múk Israeli a xuá', Ya/abtoodá' hho' ar wayda ar loohír Yesu Kristo. Inós an Aakoó muu sleémeero.

Tlehhema'aá ya/Abuuse 11:20

Ala baraaine bahh'alé a múk Kipro nee Kirene. Mukwí iwa hardáh Antiokia, kángw hhó' oo oo Aako Yesu kuri alki/iít dír múk Yunani sleeme.

Tlehhema'aá ya/Abuuse 13:38

Hhaee'eé', atén ngin kuungá' i alki/iitaán, ar heewihe kuungá' gurtleemuú tlakweema u sleerá'.

Tlehhema'aá ya/Abuuse 17:18

Mukko intsaahhasár Epikuro nee ar Stoiki tiri tlaampa'aamisiyé' nee Paulo. Bahh'alé tari oó', «Daktantí gár i ooár wa sla' a milá?» Bahh'alé tari oó', «Baré a adór heé ya/abtór munguaá xuawaslen ga alki/iít.» Adoorí kana oó' asma inós kángw Yesu guna alki/iít, nee kángw waasle/uuwós.

Tlehhema'aá ya/Abuuse 17:3

Axweesantá Mungú gari dir'ín i gwa/atimís nee gari alki/iít adór Kristo gár kuwa hariím aqo kun slahh'eemiis, nee niri waslee/ baraá múk aa qaátl wa ale. Iri oó', «Yésuuwí kaangós án ni alki/iit, inós an Kristo.»

Tlehhema'aá ya/Abuuse 20:31

Gawaá adoorihe, kuungá' dalaaé'. Ma gunqaruutara' adór aníng kuungá' sleémeero nura hara'ayiyiím ar hhirhheeri, xweera nee tlaatla/aango, baraá kureeraá tame, slám naa baloó mawiiká.

Tlehhema'aá ya/Abuuse 3:20

nee Kristo Yesu nguwa ya/aawi, kudá' taa iimír aáng wa amohhe'eés as kuungá'.

Tlehhema'aá ya/Abuuse 5:42

Nee umuúqo daqto baraá Doó Munguhe, nee dír maray'ine, axweesantá Mungú kaa mayká intsaahhatimisuwo, nee alki/ituú Ya/abtór hho' ar Yesu adór inós tar Kristo.

Tlehhema'aá ya/Abuuse 8:35

Filipo Ya/abtór hho' ar Yesu gari iimu/ún dirósí alki/ituuwo. Dír ngiwa iimu/ún a dír axweesantadaádá' heedaádá' aa soomuús.

Tlehhema'aá ya/Abuuse 8:5

Filipo iri aweér ay baraá gixsár Samaria, kángw Kristo guri alki/iít dír múk i alé.

Tlehhema'aá ya/Abuuse 9:20

Kángw Yesu guri alki/iít baraá maraá saaliingo iwa kaahi, «Inós a Garmoó Mungú.»

Rumi 16:25

Mungú i xirfuuti. Inós ga aleesláy kuungá' nuwa gawdeesi baraá haratlintaaooro ar Ya/abtór hho', tidár daanduú Yesu Kristo, aníng ni alki/iit, nee ar lu/aaráydá' taa iimír aáng wa luú/ kuwa geehhooeés.

1 Korinto 1:23

Ala atén gár ta alki/iitaan a kángw Kristo, kudá' taa kikií' gawaá msalaába. Ala kaangwí dír múk Yahudiro a dukuutsmo, nee dír múk Yunaniro a dakti'iima.

1 Korinto 1:30

Ala kuungá' a baraá Kristo Yesu i dir'á'. Adoorí heé gaa tleehh a Mungú. Mungú Kristo Yesu guna sagalooarén tleéhh. Slám inós a gan'amuurén, nee hhohhoaarirén nee gweermoorén.

1 Korinto 12:8

Asma heé wák aleesleemuú axweesantá sagalooa gun sláy ar Qeeru, nee kuqá' aleesleemuú axweesantá xu'uti gun sláy ar Qeeruuduú kilá'.

1 Korinto 15:12

Ala bar kaangwí Kristo niwa waasleé/ baraá múk aa qaátl wa alé ku alki/iit, ahaá, baraahunge bahh'alé mas ta kaahi, waasle/uú múk aa qaatl i kaahh.

1 Korinto 2:15

Ala heedaádá' Qeeruú Mungú gu koóm, inós mura' sleémeero tsaahharo gu aleesláy. Ala heé inós tsaahharo gu aleesláw i kaahh.

1 Korinto 2:6

Ala sagalooa i deer ar atén ta axweesaan dír múk aa kwa/i baraá slafíngw qeeruuwo. Ala sagalooarí atén ta axweesaan ti slasleeraaká nee sagalooár yaamuuká'. Slám ti slasleeraaká nee sagalooár mukdá' aleesleemuú koóm baraaká' yaamuwo. Asma inooín kaa qaroó sakwasleemuút kiwa qwaareesi.

1 Korinto 4:14

Muruuwí ngwa amorhúngií gooimiiká as nuwa murekemiis, ala nguna gooiím as kuungá' nuwa gurbuu', adór na/iieé' awa sla'aaruuse.

2 korinto 10:14

Asma atén nina geerií dirhúngií hardahaán, as Ya/abtór hho' ar Kristo ngiwa alki/ituú awaán. Gawaá adoorihe qoomár atén barnaxes ti xirfayeemisaán as kuungá', harki/isayrén ugwa harwaarahhaniiká.

2 korinto 11:2

Aníng gura' iga óh as kuungá'. Guruuwí aníng iga oh, amór i dahhi a amór Mungú. Asma kuungá' a adór /amaatliito'ór hhoohhoo' ar taa kwatiitiiká. Aníng al'axweesani aga haniís, /amaatliito'oorí ngiwa haniis dír hhawaatuú wák. Nee hhawaatuuwí an Kristo.

2 korinto 4:5

Asma atén ti kilootén alki/iitanaaká, ala a Kristo Yesu un alki/iitaán adór inós tar Aako, nee adór atén tar sagadiyuuserhúng as Yesu.

Efeso 3:8

Aníng ti niiná ta múk Mungú sleémeerowo. Ala tam adoorihe Mungú aníng ina tsuúq, gadiyeé ngiri aníng i haniís, ar Ya/abtór hho' ngiwa alki/iit dír múk xoorduwo. Ya/abtoorí a kángw daqaari'iimár Kristo tidá' faarooro ta aleeslayká.

Efeso 5:27

Asma inós gár i slai a múk hhohhó' gun sláy, oo dakuús wásl, kudá' gár slasla/aar ga koomaaká, laqaá muruú tlákw oo dimbadimbé oo adór kwí, masók an múk hhohhó' oo xaslxaanslír koomaaká.

DABE 4:5

Gimsé', aníng kuungá' naa intsaahhatís kaahi nee hara'ayaro adoodá' AAKOÓ MUNGÚ, Munguúhúng aníng ira ádbáy, as hara'ayaarí kuungá' kawa harmagahha' ooharo baraá yaamaá tay dahmaá eera' as kiwa ala'.

Kolosai 1:22

Ala hám daxta kuungá' sleeme naa amoorósií haraki/ís ar Garmaawós. Asma Garmaawós ina hoót iri gwaá' as kuungá' nuwa amohhe'eesi, tawa sihhita' dír geeraawós i alé, tawa múk hhohhó' oo xaslxaanslír koomaaká, tam oo hhasaám wásl.

Kolosai 2:10

Tam kuungaádá' aga dinku'use' nee inós, slafíngw haáts ugwa sleeré'. Inós ku úr dír geeraharuuse sleémeerowo nee kudá' sleémeero aleesleemuú koomá' baraá qeeruuwo.

Kolosai 2:3

Sagalooár Mungú sleémeero nee xu'utirós sleémeero i baraá Kristo i dirí'.

Kolosai 3:16

Axweesantá Kristo masók i baraahúng wa hót ar yaareema. Ti intsaahhatimise' nee tiwa naanaqa' ar sagalooa sleémeero. Mungú sa daa'aak ar sluufaay baraá munerhunge ar daa'ángw bara/, nee oo sluufaay, nee ar daa'ángw baraá qeeru.

Kolosai 4:12

Epafra kuungá' nu intsihhiimiis. Inós a heehúng. Slám a lawaalmoó Kristo Yesu. Umuúqo daqto inós kuungá' nun aleeslaaqw baraá firooro, as kahhó' kuungá' tawa sihhita' nee tawa kwa/a' baraá haratlintaaooro, nee umuúqo gár Mungú i slai kawa tsahha' nee kawa eehada'.

1 Tesalonike 4:6

Umuúqo heewo dirhunge hhiyaawós munguwa al/aáy, laqaá munguwa sadakuús baraá kaangwihe. Asma heé adoorí gaa tleehh ku li/áy buu' nee Mungú, adoodá' ngira qaroó geerií gawdeesaán dirhúng i alé.

1 Timoteo 3:16

Ar ló', naaqór haratlintaaoorén ka ló'wa ur. Mungú kuna geehhooatís ar slaqsoó hee. Gan'amuuwós kuna laqán nee Qeeru. Inós kuri ár nee malayke. Kaangós kuri alki/iít dír xoorduuwo, inós kuri haratlintií' baraá yaamuwo, kurir tláy gawaá doori.

1 Timoteo 3:2

Geeraharusmo gár kuwa hariím masók a heé ta muruú tlákw i kaahiiká, inós masók hareerós a wak. Masók a heé qoóm nee oo sagaloó', heé muruú qoomeemeés, heé dahi'iimis, oo intsaahhatisa ga baál.

Ebrania 10:14

Asma ar ilahhooár wák kilós, tidá' aa haniís, inós mukdá' aa hhoohhooeés gwa múk ganaá' tleéhh ay alhhe'eesay wasle.

Ebrania 13:21

Munguúwí umuúqo gár hhoo' ngi kuungá' i haniisi, as kuungá' sla'aarirós kawa tlehha'. Inós tidá' i slai ngi tleehhi baraá muneerene ar loohír Yesu Kristo. Inós i xirfuuti ay alhhe'eesay wasle. Amin.

2 Petro 3:15

Nee kuungá' xuaak adoorí Aako iwa qiqtlin a pa/ángw ba/ama ngu dirhúngií hanmiis. Tam hhiyaarén, kuduú sla'aarusmo, Paulo, adoorí sleeme ngaa gooín amorhúng i alé. Inós kuna geeraharahaár nee sagalooadá' aa dír Mungú wa sláy.