Kolosai 1:23 - Biblía Axweesantá Hhohho' ar Mungú 2004

²³ Ala kuungá' gár tunduwa hariím masók an kumitá' baraá haratlintaaooro, tawa sihhita' ar gawdeema gawaá iihhafiirír gawít i alé, nee tawa qutla'aaká baraá haraxu'utír taa sleeré' qoomár Ya/abtór hho' kawa axasé'. Ya/abtoorí hho' kaa alki/iít baraá yaamu sleémeero, nee anuú Paulo tina sagadiyusmoowós wa qaás.

Ya/abtór hho' 1977

²³ Ala kuungá' gár tunduwa hariím masók an kumitá' baraá haratlintaaooro, tawa sihhita' ar gawdeema gawaá ihhafiirír gawít i alé, nee tawa qutla'aaká baraá haraxu'utír taa sleeré' qoomár Ya/abtór hho' kawa axasé'. Ya/abtoorí hho' kaa alki/iít baraá yaamu sleémeero, nee aníng Paulo tina sagadiyusmoowós tleéhh.

Kolosai 1:23 Iomraidhean Croise

WARA'AMI 125:5

Ala kudaádá' naa warqaye' baraá lohaá tlakw, AAKOÓ MUNGÚ gi qwaarees dinkwa nee múk tlakweemá tlehhahhiít. Amohhooa masók i dír Israeli!

WA/AA/I 3:66

Aá AAKOÓ MUNGÚ, inooín eehareek ar buhhtaawók, hhaamiiseek gawaá daanduú yaamuwo.

ESEKIELI 18:26

Heé ganaá', bar gan'amuuwós guri máy, tlakweema giri tleéhh, aqo in gwaa' as tlakweemaadá' inós aa tleéhh.

SEFANIA 1:6

Mukdá' AAKOÓ MUNGÚ eeharto aa alií kii/, nee kudá' AAKOÓ MUNGÚ ngu leeleehhita'aaká, sleeme ngu yaahamisia'aaká.»

Marko 16:15

Aluuwo Yesu giri báy, «Tlawsé' baraá yaamu sleémeero, Ya/abtór hho' alki/iitaak dír muu sleémeero.

Luka 22:32

Ala aníng kuúng ugwa aleefiriím as haratlintaaoorók makawa arbaá/. Ala kuúng qoomár bara hhu'u'uún, hhaeewók ki /uurií qás.»

Luka 6:48

Slaqsaywós a adór heé doó tleéhh, gway yaamií foola hhe'eés, iihafiirír do' gan tleéhh gawaá tlaa/a. Duxér ma'aay niwa wá/, ma'aay do'dá' nguna i dahiyé' ar /uuru, ala do'dá' ngwaa dingisi'iiká, asma gwaa gawdeés tleehhamooro.

Yohana 15:6

Heé baraaeé' wa kumiitaaká hotaango, kun tsee/aá i kwaahh, adoodár halmi kar tsee/ií kwaakwahhi, iri kát. Muu haleemiidá' giri sleemiis, kiri kwaahh baraá asla, as asla ngiwa /ak.

Tlehhema'aá ya/Abuuse 1:17

Inós geeraawo nee atén a dinkwa, asma inós sleeme kuna tsawaár as gadiyeérí atén ta tleehhaan kawa al tleehhaan nee inós.»

Tlehhema'aá ya/Abuuse 1:25

asma pa/aangwí nguwa oohi nee gadiyeérír ya/abusi'iima, tí Yuda aa dakuús, iri amoorós i tláy.»

Tlehhema'aá ya/Abuuse 1:8

Ala kuungá' /uuru u sleerá' bál Qeeruú hhoohhoó' oo Mungú burna i hardáh. Nee kuungá' aníng iri lamabu'uundá' baraaká' Yerusalemuro, nee baraá Yudea sleémeero, nee Samaria, tam ay alhhe'eesoó yaamu.»

Tlehhema'aá ya/Abuuse 11:23

Qoomár inós iwa hardáh, tsuuqaá Mungú ngiwa ár, ina qwalaá/, giri báy, «Aako ooha hhe'eesaak baraá munerhunge.»

Tlehhema'aá ya/Abuuse 14:22

Inooín eeharuuse kari gurkwa/amís nee /uuru nguwa sleer baraá haratlintaaooro. Nee tari oó', «Atén gár tiwa hariím an dahaán baraá waawuti'iimár Mungú ar slahha'amaayér yaariir.»

Tlehhema'aá ya/Abuuse 2:5

Baraá gixsár Yerusalemuwo múk Yahudi i deer oo Mungú gwa haratlintii', múk amór yaamaá dimbadimbé daraáhh awa baraakaá' yaamu.

Tlehhema'aá ya/Abuuse 20:24

Ala bar án kilooeene slafingw'eé' u gaárí xuaaká. Ala gár gídaabár koom a masók slafingw'eé' kudá' nee Aako un alhhe'eés, nee gadiyér'eé' tidá' naa ilaaóh dír Aako Yésú wa ale, ngiwa alhhe'ees. Nee gadiyeérí an alki/ituú Ya/abtór hho' daanduú gurtleemuú Mungú.

Tlehhema'aá ya/Abuuse 26:16

Ala tláw, sihhiít ar ya'aawók. Gaarí an gár aníng kuúng usa harati'iít, as uwa qaas tawa sagadiyusmo, nee lamabu'usmoó muruuwí taa aán nee muruudá' ta aan aluuwo.

Tlehhema'aá ya/Abuuse 4:12

Asma ba/ama i káhh dír heé hatlae, slám umuú hatlá' i kaahh baraaká' yaamuwo oo taa múk i haniís, oo atén tar ba/aman.»

Rumi 10:18

Ala aníng an yaahaás niwa kah, «Inooín Ya/abtoodá' kaa axaasiikáhe?» Aasla'áy, inooín kaa axaás, asma Gooi i kat, «Afor'ín kaa axaás baraá yaamu sleémeerowo, nee axweesanay'ín aa hardáh ay alhhe'eesoó yaamu.»

Rumi 15:16

Asma ina sagadiyusmoó Yesu Kristo wa qaás oo amór xoordaá hatlá'. Gadiyér kaahamusi'iimár Mungú an tleéhh ar loohír Ya/abtór hho' ar Mungú ngiwa alki/iit dír xoordaá hatlá', as inooín tawa ilahhooa tleehhiti, tidá' Mungú aa ya/án, tidá' taa hhoohhooeés nee Qeeruú hhoohhoó' oo Mungú.

Rumi 2:7

Kudá' xirif nee ilaiwa/ame nee hhitiru'uuma wasle nga leelehhiitiye' ar qiqtliingw baraá tlehhma'aá hhoe, Mungú gi slafíngw alhhe'eesay wáslí haniis.

Rumi 5:5

Nee haraxu'uti atén ti dae tlaqká. Asma sla'aarír Mungú kinga qaroó ku'uús baraá muneerén i aleeró nee Qeeruú hhoohhoó' oo Mungú, kudá' tinda aténií haniís.

1 Korinto 15:58

Gawaá adoorihe, hhaee'eé' awa sla'aaruúse, kuungá' gawduwé', ma daaraaxaatara', kumiité' ló'wa alé baraá gadiyér Aakoowo umuúqo daqto. Asma kuungá' a xuá' baraá Aakoowo gadiyérhúng tidá' ta tlehhahhita' a taworooká.

1 Korinto 3:5

Ala Apolo a heemá? Nee Paulo a heemá? Atén a sagadiyuusér Mungú, nee kuungá' ana dirén wa haratlintié'. Asma umuúqo heewo direne gadiyeérós gana tleéhh ar adoodá' Aako ngira aténí.

2 korinto 10:1

Anuú Paulo kuungá' nun harhheehhe'eemiís, ar tsatsaa'areema nee ar hhooeema ar adoodár Kristo. Kuungá' a kata', aníng a heé da'ayusmo qoomár bar dír geeraahúngií dirií', ala aníng a heé xaraásl qoomár án bir ti saáw dirhunge.

2 korinto 11:23

Inooín a sagadiyuusér Kristówo? Aníng daxta an adór slarhhamá wa axweés, aníng a sagadiyusmoó Kristo oo ak hhoó' ta inooine. Aníng gadiyeé ana ak tleéhh ta inooine. Aníng tina tsegiít daqtá yaariire ta inooine. Nee slám aníng tina ak muúx ta inooine. Aníng afkú bohoongw ngun wa kikií/ daqtá yaariire ta inooine.

2 korinto 3:6

Asma inós an kudá' atén taa aleesleemuú i haniis tawa sagadiyuusér alqadór /aben tleehhitaan. Ala alqadoorí a tidár hara'ayár gooirooká, ala a tidár Qeeru. Asma hara'ayár gooi i tsu/út, ala Qeeru i slafimis.

2 korinto 4:1

Gadiyeérí atén ta tleehhaan Mungú ngina atén i haniís as gurtleemuuwós. Gawaá adoorihe atén a mune siaanaaká.

2 korinto 6:1

Atén a gadiyuusaán dinkwa nee Mungú. Gawaá adoorihe atén kuungá' nu gurbu'uumaán sleeme, kuungá' tsuuqaá Mungú kudá' taa ilaoté' mi qwaareesara'.

Galatia 4:11

Aníng aga da'ayuút kuungae. Aníng ngi slaá' gadiyér naa tleéhh as kuungá' a tawo.

Galatia 5:5

Ala atén, harahhifoorén a Mungú ti gan'amií harafaar. Gaarí an gár ta daamaaramaan ar haratlintaao ar /uuruú Qeeruú Mungú.

Galatia 5:7

Kuungá' ana kumité' ar adór hhoo' baraá slafingwhúng oo Krishanu'uumaro. Ala heé kuungá' naa ilaa/ a heemá, tawa kumita', looeema kiwa iialooeemisa'?

Galatia 6:9

Mawa slaaqataán hhooeema tlehhtuuwo. Bar aga mune sianiiká, bu'uungw u slawaán qooma bira xeér.

Efeso 1:18

Aníng a firiiriím inós ilaahúng awa qeeru ngiwa gweeri, as harahhifór ateetmorhúng kawa tsahha', nee daqaari'iimár xirif ar aalirós adór i diri' baraá múk taa hhoohhooeesi.

Efeso 2:21

Inós do' sleémeero gun kón, nee gun tlehhiit, as iwa doó Mungú oo hhoohhoó' tleehhiiti ar baraá Aako.

Efeso 3:17

as Kristo iwa baraá munerhúng wa hooti ar haratlintaao. Án Mungú u firiiriím as kahhó' kuungá' dee/aruuhúng nee iihhafiirirhúng iwa baraá sla'aari,

Efeso 4:16

Inós slaqwa sleémeero gan haragaas dinkwárií alé, gari dinkwárií nigihhitis ar kanuúdá' Mungú naa haniís. Inós umuúqo diqto gan aleesleemií hanmiis, gadiyeérós tidá' taa haniís ngiwa tlehh. Gawaá adoorihe slaqwa sleémeero in uraareér, nee tiri kwa/amís ar baraá sla'aari.

DABE 2:25

Aníng laarí muu sleémeero baraá yaamuwo u de'eérí tleés nee hor/iro as kuungá'. Inooín kangwhúng burngwa axaasiyé', tari daraxaat nee tari amoqwaqwadín.›

DABE 4:19

Ti ló'wa harmagahhe' tam qoomár bara qaytsité' gawaá doori, looa nee slahhaangw nee tsatse/ nee mura' sleémeero oo gawaá doori bura aandé' munduwa gee/aásl, as kuwa fiririinda', nee kuwa sagadiyusa' adór Mungú ló'wa ale. Muruuwí AAKOÓ MUNGÚ guna máy dír múk hatla' as nguwa sagadiyuusi.

Kolosai 1:25

Mungú aníng ina sagadiyusmoó múk kríshaanáy wa qaás. Gadiyér afhhamít ngina aníng i saayín as kuungá'. Gadiyeérí an Ya/abtór Mungú ngiwa gwa/atisa hhe'ees dirhúngií ale.

Kolosai 2:7

Dee/áruuhúng masók ku gawít baraawose, slafingwhúng gawaawós wa tlehhiitaak, kuungá' masók an kwa/aakwa/á' baraá haratlintaaorhunge ar adoodá' tundura intsaahhatimís, nee tawa hatsa' sluufaywo.

1 Tesalonike 3:3

asma baraá tla/angwhunge hee miwa deeruút oo alií kií/ as slahh'eemisuuwí. Kuungá' kilá' a xuá', adór atén gár tiwa hariím aqo slahh'eemisuú adór kwí un slawaán.

1 Tesalonike 3:5

Gaarí an gár aníng Timoteo ngusa ya/aáw, asma aníng qitla una harslaaqaát, ana xu'utír wa slaá', xáda xáy haratlintaaorhúng Neetlaangw gura bá/i, kudá' kuungá' nu iiara'ár, laqaá gadiyeédá' atén taa tleehhaán sleémeero aa gadiyér tawo tleehhít.

1 Tesalonike 5:8

Ala ateéká' múk tlaatla/aangw, atén masók an múk qoomoó koóm. Atén masók haratlintaao nee sla'aari an da/ewár baqaán adór gaamboórén wa ale. Nee haraxu'utír ba/ama an dahaasaán adór kofiiyár gawít wa ale.

2 Tesalonike 2:16

Aakoorén Yesu Kristo inósuú kilá' nee Mungú Baabuúrén, kudá' atén ti slaa', nee slám gurkwa/asár alhhe'eesay wasl ngaa haniís ar baraá sla'aarirós, nee haraxu'utír hhooe,

1 Timoteo 1:12

Aníng Kristo Yesu Aakoorén un sluufmiís, kudá' aníng iga /uurií haniis. Slám un sluufmiís asma aníng ina harafaár tawa heé inkihhimuú koóm, iri qaás baraá gadiyeérós i alé,

1 Timoteo 2:7

Nee aníng tina qaás tawa alki/itusmoó kaangwí nee tawa Ya/abusmo. Tí ni kah ar ló', lamtá ni kah i káhh. Tina qaás múk xoordaá hatlá' nguwa intsaahhatimis daanduú haratlintaao nee looeemaawo.

1 Timoteo 3:16

Ar ló', naaqór haratlintaaoorén ka ló'wa ur. Mungú kuna geehhooatís ar slaqsoó hee. Gan'amuuwós kuna laqán nee Qeeru. Inós kuri ár nee malayke. Kaangós kuri alki/iít dír xoorduuwo, inós kuri haratlintií' baraá yaamuwo, kurir tláy gawaá doori.

Tito 3:7

Tina gan'amií harafaár as gurtleemuuwós, nee atén tina aaluusér slafíngw alhhe'eesay wásl tleéhh, adoodár harahhifoorén i kat.

Ebrania 10:38

Ala hee'eé' kudá' gan'amkú koóm, inós gár ir slafi a haratlintaao. Ala barnaxes aa alií kií/, muunaáeé' i qwalaala/iiká as inós.»

Ebrania 3:14

Asma atén sleémeero a alqaatuusér Kristo, barnaxés atén aga kumiitaán ar pihh'uumarén tidá' iimír iimu/uungo ta koomaan ay alhhe'eesaay.

Ebrania 3:6

Ala Kristo ku inkihhím asma inós tawa Garma. Inós kwaa qaás gawaá daanduú doó Mungú sleémeerowo as nguwa baali. Atén an do'ós, barnaxes a kumiitaán baraá pihh'uumarene nee harahhifoorene, harahhifoorén kawa diidi'iimisaan ay alhhe'eesaay.

Ebrania 4:14

Gawaá adoorihe atén haratlintaaoorén tidá' ta koomaan masók an ló'wa oohaán. Asma atén kaahamusmoó úr oo Mungú u koomaán. Inós aa waaraáhh ar tla/ángw doori ay dír geeraá Mungú. Inós an Yesu, Garmoó Mungú.

Ebrania 6:19

Harahhifoorí a toorén. Haraxu'utirí muneerén gaa ló'wa ót as miwa qwát. Adoodá' miringamo kur baraá ma'áy ila/aa/an ar tlaa/a, as mukuwa tliw/ín nee gwaanduú ma'aay. Harahhifoorén tí alhhe'eesaywós dír kway tseék a gawaá doori, dír ira waaráhh a dír baquú baraá doó Mungú i dirií'.

1 Petro 1:3

Mungú Baabuú Aakoorén Yesu Kristo i xirfuuti. Inós atén tina sagaáwa tsár wa laqwaál ar gurtleemuuwós oo yaariír, qoomár Yesu Kristo nguwa waaslee/atís baraá múk aa qaátl wa ale, as atén harahhifór slafiingw kawa slawaan,

1 Petro 1:5

Kuungá' tundun de'én nee /uuruú Mungú ar loohír haratlintaao, as ba/amadá' taa qaroó amohhe'eés kawa ilaota', tidá' tindi geehhooeesi bál deelór alhhe'eesaywo.

1 Yohana 2:27

Kuungá' tunda Qeeruú hhoohhoó' oo Mungú i haniís. Nee Qeeruuwí hhoohhoó' tinda kuungá' i haniís, inós bir baraahúng wa hoot, daqaní hee kuungá' gár nus intsaahhatimisi i káhh. Asma Qeeruudá' tinda kuungá' i haniís, inós mura' sleémeero ngu kuungá' i intsaahhatimis. Nee gár ni kuungá' i intsaahhatimisi a looeema, a lamtooká. Tidá' kuungá' nuwa intsaahhatimisi oohaak, ta baraawós wa hotá'.

Geehhoeemaá 2:10

Slahh'amaayeedá' kuúng ta sleer ma da'ayuutaar. Ga/aaweek, Neetlaangw kuungá' bahh'alé nu tsegiit baraá doó tseegamo, as tunduwa iiari. Nee kuungá' slahh'amu u sleerá' deelo mibaangw. Kuúng masók tu inkihhím tam ay gwa'ara, daqaní aníng slamángw slafiingw ngu haniís.