Kolosai 1:20 - Biblía Axweesantá Hhohho' ar Mungú 2004

²⁰ Mungú mura' sleémeero guna amoorósií haraki/isár wa slaá' ar baraá Garmaawós. Wayda guri tleéhh ar gwa'arár Garmaawós ar gawaá msalaába. Gawaá adoorihe Mungú mura' sleémeero guna amoorósií ki/ís, kuduú baraá yaamu, nee oo dooriiwo.

Ya/abtór hho' 1977

²⁰ Mungú mura' sleémeero guna haraki/isár wa slaá' amoorós i alé ar baraá Garmaawós ar alé. Wayda guri tleéhh ar gwa'arár Garmaawós ar gawaá msalaába. Gawaá adoorihe Mungú mura' sleémeero guna ki/ís amoorós i alé, kuduú baraá yaamu, nee oo dooriiwo.

Kolosai 1:20 Iomraidhean Croise

TLAHHOÓ LAÁWI 6:30

Ala ilahhooarír tlakweema hingeesa ló' makawa /aáy, tidá' tseereerós tinda huúw baraá heémár Mungú as haraki/imis kuwa tleehhi didá' hhoohhoó' wa ale. Ilahhooári kan daa/ ar asla.»

MIKA 5:2

«Ala kiíng, gixsár Betilehemu, ar baraá Efrata, tam ti niinawe baráa tla/ángw gixsadaá yaariir awa tlahhoó Yudawo, ala baraawoge geeraharusmoó wák ngu sláw oo múk Israeli gu sawaawuti'iím. Iimu/úngw tlahhaywós oo iimír aáng, inós oo iimír qaro.»

MIKA 5:5

Heewí wayda nguri dir'ín i huuw. Qoomár múk Ashuru birna baraá ayaarén i hardáh, nee yaamuurén biringa kalaá/, atén de'eemuusér faanqw an tsawaaraán, nee geeraharuusér dakaát sleeme, ngiri ya/aawaán as tawa slaqwi.

FAARO 7:65

Muruú ta tsu/i as ilahhooár wayda a kwí: Awe tsár, nee gwaandaawe kooán, nee gurtaawe kooán, nee deeloó gwaandaawe kooán oo kurkú wák. Muruuwí an ilahhooár Abidani garmoó Gideoni.

Matayo 1:21

Inós na/oó garma gu xwayluúr, nee umuuwós kway beer Yesu, asma inós mukós gu ba/amis baraá tlakweemaaine.»

Luka 2:14

«Munguú gawaá doorií dirií' i xirfuuti, nee wayda ni baraá yaamií hardihi dír mukdá' aa gurií baá/.»

Tlehhema'aá ya/Abuuse 10:30

Kornelio iri oó', «Laarí ar tsiyáhh qoomár looár gwaleél, aníng a saaliím baraá dooeé' wa aleeró. Heeko inqwar qwiirií/ nina geeraaeé' wa adaá ti'iít,

Rumi 5:1

Gawaá adoorihe atén taa hhe'eés gan'amií harafaarooro ar loohír haratlintaao. Atén a wayduú koomaán dír Munguhe ar baraá Aakoorén Yesu Kristo.

Efeso 1:10

Sla'aarirós iimír aange a mura' sleémeero nguwa haragaasi ar baraá Kristo, kuduú baraá yaamu nee oo gawaá dooriwo, qoomaadá' bál bira bó/, Kristo tay saga.

Filipi 2:10

Asma muu sleémeero umuuwí ngu i tumbarara'ati, mukdá' gawaá doorií dirií' laqaá mukdá' baraá yaamií dirií' nee tam kuduú baraá gi'i.

Kolosai 1:16

Asma Mungú mura' sleémeero oo gawaá doori nee oo baraakaá yaamu guna tleéhh ar inós, muruudá' geehhoó' nee kudá' geehhooeeká, kudá' baraá yaamaá qeeruú i dirií', adór kiteeraá aleesleemu, nee waawuti'iima nee geeraharuuse, nee kudá' sleémeero /uuruú koomá'. Mura' sleémeero Mungú guna tleéhh ar loohír Kristo, nee as inós.

Ebrania 2:17

Gawaá adoorihe inós gár kuwa hariím, a kun adór hhaeewós tleehh baraá mura' sleémeerowo, as kahhó' inós masók a kaahamusmooín oo úr, oo Mungú kudá' gurtleemuú koóm nee oo inkihhím baraá kángw Munguhe, nee ilaahhooár haraki/isa ngiwa haniisi as tlakweemaá mukós ngiwa hingeesi.