Kolosai 1:12 - Biblía Axweesantá Hhohho' ar Mungú 2004

¹² Daqaní kuungá' Baabá kuri sluufmisá' ar qwal/amaaye, kudá' naa aleesleemuú i haniis oo tawa al dinku'uumisa' nee múk hhohhó' oo Mungú baraá aalír waawuti'iimár gwa/aateemaawo.

Ya/abtór hho' 1977

¹² Daqaní kuungá' Baabá kuri sluufimisá' ar qwal/amaaye, kudá' naa aleesleemuú i haniis oo tawa al dinku'uumisa' nee múk hhohhó' oo Mungú baraá waawuti'iimár gwa/ateemaawo.

Kolosai 1:12 Iomraidhean Croise

1 WAAWITÁ 6:7

Qoomár do' kuwa tlehhiiti kuna tleéhh ar tlaa/aá taa qaroó hhaásl, tam afór yundu laqaá ar tsawo, laqaá tam ar muqsli gaala ar ta axas i káhh qoomár tawa tleehhiti.

1 QOM'I 29:20

Daudi muu sleémeero gway báy, «Gimsé', AAKOÓ MUNGÚ, Munguúhúng diidi'iisaak.» Mukdaádá' AAKOÓ MUNGÚ Munguú baabi'ii'ín ngway diidi'iisiyé', sager'ín ngiri xupu'usiyé', Mungú nguri sluufisiyé', AAKOÓ MUNGÚ nguri ilaiwawa/iyé' nee waawutmoowo.

WARA'AMI 116:7

Muunaáeé', daxta aa yaandahhe'eés, asma AAKOÓ MUNGÚ iga hhooeemaáy tleéhh.

WARA'AMI 36:9

Asma diroge kutloó ma'aá slafiingw i deer, baraá gwa/aateemaawoge atén gwa/aateema i araán.

WARA'AMI 79:13

Daqaní mukók kuduú adór daqtá bee/aangw ar baraá qawtani, kuúng u sluufiis daqisleém, xirfuuwók un alki/iitaán baraá qari sleémeero.

WARA'AMI 97:11

Heé hhoó' gwa/aateema ngu i gwa/aatiyá', múk tsaén baraá muner'ine tay qwalalaa/.

AXWEESANOÓ SAGALOOA 16:1

Alhotaariro hee gár i ooi gan ala baraá guruuwós i qoomees, Ala /aymuú qoóm a amór AAKOÓ MUNGÚ gan daahh.

AXWEESANOÓ SAGALOOA 4:18

Ala loohír heé ganaá' a adór tsiraahhór tsee/amá, tse/amangwí in kumaamiit ay /ametleemu.

DANIELI 2:23

Aá Munguú baabi'iieé', án kuúng un xirfayeemiís nee un diidi'iimiís, kuúngudá' án iga sagalooár i hanis nee aleesleemu. Nee hamí gadaádá' uwa yaahasaán ngaa dir'eénií xu'utís, asma gadaádár waawutmo ngaa aténí xu'utís.»

Matayo 25:34

«Waawutmo mukduú bartá dákw doó /iyáy guri bay, ‹Qwalaasé', kuungaásingá' Baabuúeé' aa tsuúq. Waawuti'iimadá' iimír tlehhmuú yaamuwo taa amohhe'eés as kuungá' aalaak.

Yohana 14:6

Yesu iri oó', «Aníng an loohi nee looeema nee slafiingw. Heé naa dir'ér oohiiká, i amór Baabá i hardihiiká.

Yohana 20:17

Yesu Maria gari báy, «Aníng mi kwatiitaar asma aga ki/iiká amór Baabá. Ala kiíng tláw amór hhaee'eé', ki beer, ‹Aníng a tsa/ám amór Baabuúeé', nee inós a Baabuúhúng sleeme, amór Munguúeé', nee inós a Munguúhúng sleeme.› »

Yohana 4:23

Ala qooma i hardát, nee hám naa hardát, ar mukdá' sluufmiís ló' wa ale, Baabá kuwa sluufmiisi ar qeeru nee looeema, asma Baabá múk adór kwí gu leelehhiit oo gu sluufmiís.

Tlehhema'aá ya/Abuuse 20:32

«Ala aníng hám daxta kuungá' nu qaás baraá dabaá Mungú, nee dír axweesantadár gurtleemuú Mungú. Tidá' kuungá' nu kwa/as nee nuri aalírí hanís dinkwa nee mukdá' taa hhoohhooeés.

Tlehhema'aá ya/Abuuse 26:18

Kuúng ilaaín in qaytsitís, nee inooín in warqés baraá giwtír wa aleeró, tari dah baraá gwa/aateema, nee in baraá /uuruú Neetlángw wa dúx, nee kiri húp amór Mungú. As kahhó' tlakweemaaín kiwa gurtlay, nee niwa aaluusér Mungú tleehhiitiya' baraá tla/ángw kudá' taa hhoohhoeés, asma aníng iwa haratlinti'iiyé'.› »

Rumi 11:17

Ala daxta a adoorí, múk Yahudi a adór xa'anoó seituúni kudá' taa dahaás, nee múk xoordaá hatlá' a adór xa'anoó seituúni oo baraá sla/a, oo hee aa dahaasiiká. Haleemo bahh'alé awa xa'anoodá' taa dahaás kina tlaáq. Haleemaá hatlá' awa xa'anooduú sla/a, kiri haátl baraá xa'anoodá' taa dahaás, nee di/tá xa'anoodá' taa dahaás ngiri /ayiyé'. Kuungá' a adór haleemiidá' taa haátl.

Rumi 15:27

Inooín kilooín adoorí kana al'axweés, ala tam adoorihe inooín gár kiwa hariím aqo kin alee/iis. Asma mukduú Yahudi múk xoordaá hatlá' nguna alee/iisiyé' muruú baraá qeeruuwo. Gawaá adoorihe múk xoordu daxta inooín gár kiwa hariím a múk Yahudi ngun alee/iisiyá' sleeme muruú slaqoowo.

Rumi 8:17

Nee atén barnaxes a na/ii, atén a aaluuse. Atén a aaluusér Mungú, nee a aaluuse dinkwa nee Kristo. Barnaxes a ló' adór tara slahhaahha'aán dinkwa nee inós. Daqaní atén xirif u slawaán sleeme dinkwa nee inós.

Rumi 9:23

Adoorí gana tleéhh as xooslaadá' gurtleemuú slaw ngiwa xirfuuwós oo yaariír i geehhooeesi. Kuká' an kudá' aa amohhe'eés as xirif kuwa slay.

1 Korinto 8:6

Tam adoorihe direne Mungú a wak, inós an Baabá. Mura' sleémeero ina tleehharuút ar inós. Nee atén an dawaán as inós. Nee slám Aako a wak, inós an Yesu Kristo. Mura' sleémeero ina tleehharuút ar inós nee atén an dawaán ar inós.

1 Korinto 9:23

Aníng muruuwí sleémeero un tlehhiít as Ya/abtór hho', as kahhó' tsuuqaá Ya/abtór hho' kiwa eemaan nee múk hatlá'.

2 korinto 11:14

Ala a gár waa/oo/amoorooká. Asma tam Neetlaangw inósuú kilá' tin warqeemiis tawa slaqsoó malaykamoó gwa/aateema.

2 korinto 5:5

Mungú an kudá' atén taa amohhe'ees as tawa adoorír warqawaan, nee inós Qeeruuwós nguna atén i haniís tawa arhaáni.

Efeso 1:11

Tam atén sleeme baraá Kristowo tina aaluuse tleéhh, adoodá' inós aa qaroó slaá', inósuudá' mura' sleémeero gu tlehhiít ar sla'aarirós.

Efeso 1:18

Aníng a firiiriím inós ilaahúng awa qeeru ngiwa gweeri, as harahhifór ateetmorhúng kawa tsahha', nee daqaari'iimár xirif ar aalirós adór i diri' baraá múk taa hhoohhooeesi.

Efeso 2:18

Asma baraá Kristowo ateéká' tsaraawo loohi ana slawaán ar Baabá kuwa i tseewuwaan ar baraá Qeeruú wák.

Efeso 3:6

Lu/aaráy a kwí, baraá Kristo Yesuwo múk xoordu kwaa aaluuse tleéhh dinkwa nee múk Yahudi. Inooín a diqoó slaqwtá wák. Al'axweesantá Mungú a tooín sleeme, ar loohír Ya/abtór hho'.

Efeso 4:6

Mungú a wak, nee inós a Baabuú muu sleémeero. Inós i gáwtí dirii' dír muu sleémeerowo, nee i gadiyuus baraá muu sleémeeró wa ale, slám i baraá muu sleémeeró i dirii'.

Efeso 5:11

Ma aldinku'uumisaara' nee mukdá' tlehhema'aá giwtír tlehhiít. Ala tlehhemi'iidá' na geehhooeesaak.

Efeso 5:20

Nee Mungú Baabá ku sluufmisá' daqisleém as mura' sleémeero ar baraá umuú Aakoorén Yesu Kristo.

Efeso 5:4

Tam axweesanoó ilaiwa/ame wásl nee axweesanoó dakti'iima nee axweesanoó slasla/arén i harinká sleeme dirhunge. Ala gár kuungá' tundu wa hariím, Mungú un sluufmisá'.

Efeso 5:8

Asma aáng kuungá' a giwti, ala hamí a gwa/aateema asma kuungá' tawa múk Aako. Hooté' adór múk baraá gwa/aateema kuwa hariím hotaango.

Kolosai 2:2

Gár ni slaa' masók inooín kin gurkwa/as, nee kiwa haragaasi baraá sla'aari, as xu'utír baraá qeeru ngiwa slaya', lu/aaroó Mungú kuwa tsaahha hhe'eesi. Nee lu/aaroó Mungú an Kristo inósuú kilá'.

Kolosai 3:15

Nee wayduú Kristo i baalin baraá munerhunge, asma kuungá' tunduna ateét as wayduuwí qoomár tunduwa diqoó slaqwtá wák tleéhh. Slám kuungá' masók a múk sluufoó koóm.

Kolosai 3:17

Nee umuúqo gaaro ar ta tlehha'a ar axweesani laqaá ar tlehhma, sleémeero ka tlehhá' ar umuú Aako Yesu, nee Mungú Baabá kuwa sluufmisa' ar inós.

Tito 2:14

Inósuú kilá' slafiingós nguna haniís as daandeemoorén, as atén tiwa ba/amisi baraá tlakweema sleémeerowo, nee atén tiri múk hhohhó' tleehh, nee tawa mukós kudá' tlehhema'aá hhohho' ngi tlehhiitá' ar ilakaaharu.

Ebrania 12:23

Kuungá' dír tay dir'a' a baraá boo/oó mukdá' qwal/uú koóm, dinkwaadár na/aá Mungú, kudaá baris umer'ín taa gooín gawaá doori. Kuungá' dír tawa sihhimita' a dír geeraá Mungú, kuduú sakwasleemusmoó muu sleémeero, nee dír geeraá qeereemaá mukdá' ganaá', kudá' taa hhoohhooeés.

Ebrania 3:1

Hhaee'eé', kuungá' awa hhohho', kuungá' sleeme tunda ateét nee Mungú. Yesu ga/aawaak. Inós an ya/abusmo nee an kaahamusmoó úr oo Mungú oo haratlintaaoodá' ta lamabu'uumaan.

Ebrania 3:14

Asma atén sleémeero a alqaatuusér Kristo, barnaxés atén aga kumiitaán ar pihh'uumarén tidá' iimír iimu/uungo ta koomaan ay alhhe'eesaay.

Yakobo 3:9

Atén Mungú, kudaáduú Aako nee Baabá, un diidi'iimisaán ar tsifraangwí. Slám ar tsifraangwí oo kilae mukdá' taa tleéhh ar slaqsoó Mungú un lu'umisaán.

1 Petro 5:1

Kuungá' bariíse, án kuungá' nu gurbuú'. Asma aníng sleeme a aakoó adór kuungá'. Slám aníng a lamabu'usmoó slahha'amaayér Kristo. Tam aníng a dinku'uús baraá xirfuudá' tindi geehhooeesi.

1 Yohana 1:3

Tidá' taa araán nee taa axaasaán ngin dirhúngií alki/iitaán, asma kuungá' niwa haragwa'a' dír dinku'uumarén, tidár dinkwa nee Baabá, nee Garmaawós Yesu Kristo.

Geehhoeemaá 21:23

Tsee/amá nee slahhaangw gixsarí gár ngis i gwa/aatiya' i káhh, asma xirfuú Mungú i baraadá' wa gwa/aat, nee tsaa'astós an Deelmoó bee/i.

Geehhoeemaá 22:14

Múk amohhoó' an kudá' inqwaruuín gu hhuuntsiít, as kahhó' inooín tawa harín mamaá xa'anooduú slafiingw kiwa /ayi, nee tawa baraá gixsadií dahi ar afeerós.

Geehhoeemaá 22:5

Xweera baraadae i kahhiyá'. Gwa/aateemaá tsaa'asi inooín gár kis yaahamiisi i káhh, tam gwa/aateemaá tsee/amá sleeme. Asma Aakoó Mungú an gwa/aateemaaín, nee inooín tari waawuti'ii'ín ay alhhe'eesay wasle.