ISAYA 9:3 - Biblía Axweesantá Hhohho' ar Mungú 2004

³ Kuúng, Mungú, xooro aga urés kay qwal/atisa hhe'és. Muu geeraawoge in qwalalaa/, tan qwalalaa/ adór qoomár bu'uungw, adór múk haasaáng qasmiís.

ISAYA 9:3 Iomraidhean Croise

NEHEMIA 9:23

Xwaylar'ín kari tlahhás adór tsatse/uú doori, kiri húp ay baraá yaamuudá' taa baabi'ii'ín i al'axwés as ngiwa aaliya'.

YOBU 12:23

Xoordu gin urees giri hhaamiis gin bahh yaarees giri tsiyayaax.

WARA'AMI 107:38

Mukós guri tsuúq, tari ló'wa laqwaál, muruu'ín oo de'eengw iri tleemaá'.

WARA'AMI 119:162

Aníng axweesantók an saqwalalaá/, adór heé haasaángú yaariír gwaa slay.

WARA'AMI 4:7

Kuúng muunaáeé' ugwa ló'wa qwal/atís ta ak kudá' taa bu'úngw yaariír i haniisi, nee difaáír yaariire.

ISAYA 10:26

AAKOÓ MUNGÚ Aleesleemusmo qawaywós gun gáwtí tleés, adoodá' múk Midiani ngura muúx dír tlaa/ár Orebu wa ale, hhartós gan looloqoos gawaá daanduú tlawi. Inós ga gáwtí tlees ar adoodá' aa tleéhh dír múk Misri.

ISAYA 12:1

Baalaadae kuúng an o', «AAKOÓ MUNGÚ án kuúng u sluufmiís, asma tam geeraawo aníng iga i buuhhi, buhhtaawók iga meér, nee aníng iga gurkwa/ás.

ISAYA 14:5

AAKOÓ MUNGÚ hhartá heé tlaákw gaa geeqáy, hhartadá' waawitá ir waawuti'ii'in gaa geeqáy.

ISAYA 25:9

Baalaadae muu in ooi, «Kwí an Munguúrén, inós una damraaramaán, as atén tiwa ba/amisár ay, kwí an AAKOÓ MUNGÚ kudá' naa damraaramaán, gimsé' daxta, bara/ u iimu/umaán nee qwal/uwo as ba/amarós.»

ISAYA 26:15

Ala aá AAKOÓ MUNGÚ, kuúng xoororén ana tlahhás, nee yaamurén ngina dók, as adoorí kuúng tu xirfayemiis.

ISAYA 35:10

Mukdá' AAKOÓ MUNGÚ aa ba/amís i wayaa' nin hardihiyá' ay Siyoni ar daa'ángw bara/, qwal/uú alhhe'eesay wásl i baraá muner'ín. Inooín nin hootiyá' ar qwala/ nee bara/, gurhaami nee /ifooro ni faakiyá'.

ISAYA 35:2

/Ayór yaariir adór tiqár wariídi gari /ayuus, Iri baraa/, iri daa' ar qwal/uú yaariír, xaanxaay xirfuú adór kuduú Lebanoni guri sláy, xirif sleémeero oo Karmeli nee oo Sharoniro, muu xirfuú AAKOÓ MUNGÚ guri ar, nee adór Munguúrén kur úr ngiri ariyá'.

ISAYA 54:1

AAKOÓ MUNGÚ i kaahi, «Kiíngadár kampeeri, daá' Kiíngadá' xwayla ga tsaqká daá' ló'wa alé ar bara/, asma kiíngadá' taa geexáy na/aá yaariir i sleér, kudaá /ameenír taa duúx ba/a.

ISAYA 55:12

Asma kuungá' tari ti'itá' ar qwala/, tari tleerá' ar wayda. Tlom'i geerahunge niri daaiyá', xaai sleémeero awa baraá sla/a tsa/ii'ín ngiri slahhiyá'.

ISAYA 61:10

Aníng an ló'wa qwalalaá/ baraá AAKOÓ MUNGÚ wá ale. Muunaáeé' i baraa/ as Munguúeé', asma inós aníng iga uuntsuús ar tlabaá ba/ama, iga hotaá ganaa'ár tsiitiís adór hiyaay. Adoodá' garmoó duxuxuúm tir parootumamisi ar slamángw /ayo, nee adór dasír ta duxuuti tir parootumaamis, ar kwaslaá tlaxo gawden.

ISAYA 61:7

Kitángw mureero ilaiwa/ame a sagáwa tsár wa sleér kitángw waaqa'amaawo kuungá' yaamuuhúng in saqwalala/á'. Gawaá adoorihe baraá yaamuwo kuungá' yaamu i sagaáwa tsár wa sleerá'. Qwal/uuhúng i baloó fakiiká.

ISAYA 65:14

Ga/aawaak, sagadiyuuser'eé' in dá' ar munér qwala/, ala kuungá' a /aa/amiindá' ar munér slahhahhaa', tari tsuunqumisá' asma slahh'amuú qeereemoohúng.

ISAYA 65:18

Ala qwalaala/é' nee baraa/é' daqisleém as daanduú tí ni tlehhiita. Gixsár Yerusalemu a gixsár bara/ tleéhh, nee mukós nguri múk qwalalaá/ tleéhh.

ISAYA 66:10

Qwalala/é' dinkwa nee Yerusalemu, baraa/é' as inós kuungá' sleémeero awa inós ngi sla'á'. Qwalala/é' dinkwa nee inós kuungádá' aáng aga tsuunqumise' as inós.

YEREMIA 31:7

Asma AAKOÓ MUNGÚ i kaahi, «Daaé' ar qwala/ as múk Yakobo, ururu'uumisé' asma xoorór ur, kaangwí ilahanisaak, baraa/é' tawa kata', ‹AAKOÓ MUNGÚ mukós gwa ba/amís, mukduú Israeli aa meet.›

HOSEA 4:7

Adoodá' kaahamuuse ira tláhh, an adoodá' tlakweema ngira aníng i tlehhiitiyé', gawaá adoorihe aníng xirfuuín un warqeés nguri mure tleéhh.

TLAHHOÓ LAÁWI 26:13

Aníng an AAKOÓ MUNGÚ, Munguúhúng, kudá' kuungá' naa baraá Misrír wa duux as tawa lawaalér múk Misrirooká. Aníng taaqwani aga geeqáw tidá' taa tseék gawaá isoohúng, as kahhó' tawa hota' ar amohhooa.»

SEKARIA 10:8

Aníng muk'eé' un ateét nguri dinkwaárií burumbuúr, asma iga tuú/, inooín niri adoodár aángár tlahhiyá'.

SEKARIA 2:11

«Nee de'emadae xoordaá yaariir i haragwaaiyá' dír anuú AAKOÓ MUNGÚ, inooín tari muk'eé, aníng nee inooín tari alhootaán.» Kuungá' kay tsahhá' adór aníng tira ya/aáw amorhúng nee AAKOÓ MUNGÚ Aleesleemusmo.

SEKARIA 8:23

Qoomaadae múk mibaangw, oo umuúqo tsifrír xoorduuwo pasltá inqwaarír heé Yahudi ngin oohiyá', tari ooi, ‹Góh nee kuúng ti alkoomaán, asma aga axasaán adór Mungú ir dinkwa nee kuungá'.› Anuú AAKOÓ MUNGÚ tí ngiwa oó'.»

Luka 11:22

Ala heé /uuruuwo inós gu baá/ bira hardáh, guri /awa/awín guri baal, xooslaarós tidá' geeraawo ir hhawati'iimisi gan hayoh haasaáng guri qasmiis.

Tlehhema'aá ya/Abuuse 8:8

Múk gixsadá' qwal/uú yaariír guri sláy.

Filipi 4:4

Qwalaala/é' daqisleém baraá Aakoó wa ale, slám nun malé baw, qwalaala/é'.

1 Petro 1:8

Kuungá' inós u sla'á' tam ugwa aandi'iikahe. Slám inós u haratlintaatiá' tam hamí u ara'aanda'aakahe. Kuungá' u sageeqwalaala/á' ar qwal/uú xirfuú koóm, kudá' alki/ituuwo ta aleesleera'aaká,

HAR'OHUUSE 5:3

«Kuungaásingaá waawitá axaasé' nee kuungaásingaá múk urén iia qaasaak, aníng AAKOÓ MUNGÚ u sadaá', an daá' ar afór hhohho' dír AAKOÓ MUNGÚ, Munguú Israeli.

HAR'OHUUSE 7:22

Qoomár múk Gideoni tarumbeétadaá tsiire tám ngiwa ufaahhiyé', AAKOÓ MUNGÚ tlaahhi gari kwaáhh dír slaqwaruusér Midiani, tiri kilooín mutiné' ar paangadu. Inooín tana ta'aaín tay saweés ay Bet-shita geeraá Serera, ay Abel-Mehola iisaapoó Tabati.

HAR'OHUUSE 8:12

Waawituú Midiani Seba nee Salmuna nina gowiyé', ala Gideoni giri aluúwaá alkón giri ohín, slaqwaruuse sleémeero daér yaariir gari eér.

1 SAMUELI 30:16

Garmaadá' Daudi guna geerahaár ay dír daqtidá' i diri'. Tawa amoodár daqtidií ti'iít, naxés daqtá aáng aa tsiyayaaxát yaamuudaádae, ta /ayín nee ta xufiit, asma haasaánguú tinda huúw yaamaá Filistír wa ale nee yaamaá Yudawo ku yaariír.