ISAYA 9:19 - Biblía Axweesantá Hhohho' ar Mungú 2004

¹⁹ Ar buhhtaá AAKOÓ MUNGÚ Aleesleemusmoowo, yaamu kaa daá/ ar asla, nee muu a adór migiruú asla kar oohisi. Tam heé hhiyaawós gu gurtlatláw i kaahh.

ISAYA 9:19 Iomraidhean Croise

ISAYA 1:31

Múk /uuremaá koóm iri adór kataánír kaaharen tleehhiit, nee tlehhmi'ii'ín tari adór tsitór asla. Inooín nee tlehhmi'ii'ine asla gin dinkwaárí fák, heé gaasaro ga aleesláw i kaahh.

ISAYA 10:6

Una ya/aáw xoorór tlaakw ngiwa muxi, una ádbáw mukdá' naa i buúhh nguwa muxi nee ngiwa haasaáng wa ar tlay, ngiwa yaamií kalaa/i adór hhapér baraá loohi.»

ISAYA 13:13

Aníng doori ngiri diingiís, nee iihhafiiriír yaamu iri daaraxát, asma anuú AAKOÓ MUNGÚ aleesleemusmo niwa buúhh, baalaadár buhhtaeé' kudá' xaraasla'a.

ISAYA 13:18

Masoombár daaqaay kan tsuu/ ar ga/alduín, inooín i baloó gurtleemuú kon'aaká daanduú xwaylár heewo, tam na/aá ninakw ngi baloó gurtlatlay'aaká.

ISAYA 13:9

Ga/aawaak, deelór AAKOÓ MUNGÚ i hi'ít, a deelór hhamhhám, ar xaraasl nee buhhtaá xaraaslá', as yaamu ngiwa hhitin nee mukdá' tlakweemaá tlehhahhiít nguwa qwaareesi.

ISAYA 24:6

Gawaá adoorihe lo'o yaamu gaa /ák, nee yaamuloouusér baraá yaamu ka slahh'eemiis as tlakweemaaín. Gawaá adoorihe yaamuloouusér baraá yaamu aa /aaruúr, nee múk niiná kilós ina meét.

ISAYA 26:11

Aá AAKOÓ MUNGÚ, dakók ugwa mak gáwtí tlés, ala inooín ngu ara'ariaaká. Ala sla'aarirók tidá' daanduú mukoge u tliw/iim ngi ariye', nee mureekeeseek, asltá wakuuseerók kawa i búhh inooín ngi hhaamis.

ISAYA 3:5

Nee muu tiri kilooín baramaanuus, umuú heewo nee mulqumoowós, umuú heewo nee inslaawmoowós. Masoomo iri saga gawduú tleehh dír baabuúwose, nee heé daqaatlaákw dír geeraá heé ilaiwa/amér koóm.

ISAYA 33:14

Múk tlakuuse i da'ayumiit baraá Siyoniro mukdá' Mungú gu ilaiwawa/aaká i daaraax nee ta kaahi, «Baraá tla/agwrene heé qiítl dír asltá /ayiima, baraá tla/angwrene heé qiítl iwa iwiiti dír asltá baloó gwa'aaká.»

ISAYA 4:4

Qoomaadae Aako slasla/aruú /ameenár Siyoni nee tseerér Yerusalemu gun hhoohhooees ar qeeruú gi sakwasleemuút nee oo gi da/a/aám ar asla.

ISAYA 42:25

Gawaá adoorihe inós gin i daa/atúy buhhtaawo, tiri doogiyá' nee slaqwara. Buhhtaawós inooín ngin al'oohiyá', ala inooín kaa gaárí xuiiká. Kaa mak daá/, ala inooín gar naa tsaahhiyé' i káhh.

ISAYA 5:24

Gawaá adoorihe, adoodá' tsángw asla hhaanslaá kaaharen ngir /aa/ayi, nee adór gitsór kaaharen ir slururuumaamit, dee/áruuín in slupuut, nee /ayor'ín ka gáwtí ufaahh adór teeri. Asma dabér AAKOÓ MUNGÚ Aleesleemusmo ngaa si'iyé', nee axweesantá Kudá' Hhoohhoó' oo Israeli ngaa waaqaaiyé'.

ISAYA 5:30

Baalaadae nin /orootliyá' gawaá múk Israeli adór tlawtá aa lexwaandut. Heé yaamu gaa i qaytsiit, gár i ari a giwti nee slahh'amu, gwa/aateema kin tuuntuuk ar huunkáy.

ISAYA 60:2

Asma ga/aawaak daanduú yaamu ku tuuntuuk nee giwti. Ma/amír hhamhhám muu gu tuuntúk. Ala kiíng gwa/aateemaá AAKOÓ MUNGÚ i i gwa/aatiyá', xirfuuwós ku ar diroge.

ISAYA 8:22

ga/aawaak, tam yaamu kiri xuuxuu', ala gár ta ari aqo slahh'amu, nee giwti nee ma/amír aa qipit, inooín kiri tliwii/ baraá ma/amír hhamhhám.

YEREMIA 13:16

AAKOÓ MUNGÚ, Munguúhúng, diidi'iimisaak dír giwti ngira huwiiká nee dír tundura dukuutsiiká baraá tlom'aá giwa'a. Kuungá' gwa/aateema bira haraaxué', inós gin warqees tawa ma/mír aa qipit.

ESEKIELI 20:47

Ádbaweek axweesante'eé' ngi oohiye', anuú AAKOÓ MUNGÚ. Anuú Aakoó MUNGÚ a kah, ‹Asla a oohiís diroge, inós xaa'aá naa/á' nee awa kaaharene giri /ák, in bihhaá baskú wa iimu/uún ay bihhaá /iya. Heé tsaangós gaasaro gu aleesláw i kaahh, umuú heewo aqo da/a/amó gun sláy.›

ESEKIELI 9:5

Qoomár iwa mukdá' kangwdá' babay aníng a axamiís, iwa kaahi, «Waarahhé' ar baraá gixsa aluuwose wa ale, muu tsu/aak, tamu wák mu geexawaar, mi baloó gurtlawaara'.

Yoeli 2:2

A deelór giwti nee gurhaami, deelór huunkáy nee ma/amí. Slawtá ur ar ingigi naa naká/, tlom'ii gi tuuntúk gay giwís. Gár adoorí kaa ariiká kureeriiwo iimír aange, slám ka baloó ariiká baraá qari sleémeero ar aluú wa hi'iita.

Yoeli 2:3

Adoodár asla ir /ayayiin, an adór ingigtí umuú gaaro ngir hhitiin. Amór aluuine kwaáo' yaamu asla gina /ák. Qoomár iwa hu'uká yaamu a adór Edeéni, alaá iwa hú', yaamu a adór xaanxaay. Gár /uw dir'ine i káhh.

TLAHHOÓ LAÁWI 26:26

Muruú /aymarhúng un /aareés, tam /ameenár mibaangw tla/afír wák gan wa huuriín, nun i qasmiisiyá' ar qoomaay. Tam alaá /aymaro kuungá' aqo qwaritá'.

AMOS 5:18

Tsaxwaahúng, kuungaásingá' deelór AAKOÓ MUNGÚ daamaaramá' ar ilatleeri. A milá gár kuungá' deeloorí kas ilatleerusa'? Deelór AAKOÓ MUNGÚ dirhunge a giwti ala a gwa/aateemaawooká.

OBADIA 1:18

Múk doó Yakobo iri adór asla tleehhiit, nee múk doó Yosefu iri adór tsángw asla tleehhiit, múk doó Esau iri hhaanslaá kaaharen tleehhiit, inooín asla giri hhaamís, slám hee tumu wák iri meetiiká baraá doó Esauwo. Adoorí an adór AAKOÓ MUNGÚ i kaahi.

MIKA 7:2

Heé inkihhím i kaahh baraá ayaawihe, Heé gan'amuú tlehhiít i kaahh. Umuúqo heewo gár i leelehhiiti a hee nguwa gaasi. Umuúqo heewo hhiyaawós gun tsaaxweelír i qamín.

MIKA 7:6

Asma qoomaarihe garma baabuúwós gun waaqaqaa', tam dasi in aayiírós tlaampa'aamís, nee harér garma in aayiír hhawaatuuwós tlaampa'aamís sleeme. Wakuusér hee a múk do'ósú kilá'.

SEKARIA 11:6

Aníng yaamuloouusér yaamuuká' a baloó gurtlawaaká, umuú heewo un máw baraá dabaá heewós nee baraá dabaá de'eemusmoowós, nee baraá dabaá waawutmoowós, inooín yaamu ngiri qwaareesiyá' slám aníng heé ni tuu/ i kaahh baraá dabaaine. Anuú AAKOÓ MUNGÚ tí ngina oó'.»

SEKARIA 11:9

An qoomár niwa oó', «Aníng kuungá' nu malé de'emaaká, oo gwaá' i gwaai, oo hhaám i hhan, kudá' naa meetiye' ti kilooín saki/iye'.»

MALAKI 4:1

AAKOÓ MUNGÚ Aleesleemusmo i kaahi, «Asma qaytsité', baalaadá' ni hardát, i ót adór asltá gufteeri. Nee muu sleémeero kudá' sagegawdén, nee kudá' sleémeero tlehhimi'idá' tlakw tlehhaahhitá', nin muundáy tleehhitiyá'. Nee baalaadá' hardah gin qwaarés ar asla. Gár i meetis i káhh, halmi nee dee/armowo.

Matayo 27:45

Looár lahhoó' iwa xeér, iimi iri gíp yaamu sleémeero ay looár gwaleél.

Tlehhema'aá ya/Abuuse 2:20

Tsee/amá iri giiw, nee slahhaangw iri tseere tleehhiit, dír deelór Aako, tidá' ak ur nee ar xiríf nira xeeriiká.

2 Petro 2:4

Asma Mungú malaykeedá' tlakweema gaa tlehh, gaa gurtlayká, ala gana kwaáhh baraá bohóngw qwanaay. Tan baraadá' wa hoot, kawa tsegiít nee kawa xun baraá giwtír wa ale, as Deeloodár sakwasleema kawa daamaaran.