ISAYA 8:6 - Biblía Axweesantá Hhohho' ar Mungú 2004

⁶ «Asma mukwí ma'aá Shiloa kudá' tseegisárár wa/amiimá' ngina si'iyé', inooín Resini nee garmoó Remalia ngina saqwala/iyé',

ISAYA 8:6 Iomraidhean Croise

1 WAAWITÁ 7:16

Slam'aá tsár awa muqslír sirdaa/aat ar aa weeqatís giri qaás gawaá sagér uheemi, tlenángw gawa a miíta tsár nee gár niiná nee slamángw tsár tlenaangós aqo miíta tsár nee gár niiná sleeme.

NEHEMIA 3:15

Nee Afkuduú Kutli kuna /abeés tlehhmuuwo nee Shalumu garmoó Kolhose, heé úr oo yaamaá Mispa, gari tuuntuúk afkudá' gway sihhtís nee muqslaadá' kway tsegaagiti nee tidá' kur tsegaagiti sleeme. Didár Tlahhsár Shelaro koo/i gari tleéhh ar bihhaá asalmoó waawutmo ay awnángw amór gixsár Daudi.

WARA'AMI 46:4

Yaae i deer, ar ma'aywós mukduú baraá gixsár Mungú ngu qwal/atimisá', didá' hhoohhoo' ar Munguúduú Gawa aa hotaangós i qaás.

ISAYA 1:20

Bar aga sié', tay dee/aanuté', tundu qwaarees ar paánga, asma AAKOÓ MUNGÚ tí gana oó'.»

ISAYA 28:2

Ga/aawak, Aako heewós oo migusmo, nee oo /uuruú koóm gwaa sláy, inós i hhaamimiis adór tluwoó tlaa/e nee oo duki, a adór tluwoó duki oo yaariír nee alwuo. Inós kuungá' nun yaamúr tsataat ar xarasleema.

ISAYA 30:12

Gawaá adoorihe, Kudá' Hhoohhoó' oo Israeli i kaahi, «As kuungá' axweesante'eé' kawa sié', tari ak naagisé' sagaagawduuwo nee baramaaniro, muruuwí kuri harahhifé',

ISAYA 5:24

Gawaá adoorihe, adoodá' tsángw asla hhaanslaá kaaharen ngir /aa/ayi, nee adór gitsór kaaharen ir slururuumaamit, dee/áruuín in slupuut, nee /ayor'ín ka gáwtí ufaahh adór teeri. Asma dabér AAKOÓ MUNGÚ Aleesleemusmo ngaa si'iyé', nee axweesantá Kudá' Hhoohhoó' oo Israeli ngaa waaqaaiyé'.

ISAYA 7:4

ku beeto, gám magaáhh, xasliít, ma da'ayumitaar sleeme ma munesiaar as buhhtaá Resini waawutmoó Aramu, nee awa garmoó Remalia. Kuká' tsaraawo a adór quuír migír ar gwaa'.

ISAYA 7:6

‹Gusé', yaamaá Yuda i i haratlawaán, muu u dae tsataán, yaamuuín i hayohaán, garmoó Tabe'eli nguri waawutmooín wa qaasaán.›

ISAYA 7:9

Slám ságw Efraimu a Samaria, nee ságw Samaria a garmoó Remalia. Barnaxes a haratlintatia'aaká, looeemaawo a gawdura'aaká.»

ISAYA 8:5

AAKOÓ MUNGÚ aníng iri malé báy,

YEREMIA 18:14

Xáy, tlaa/aá Lebanoni sager'ín ka /awkekáhe adór tlaa/aá tluwaay? Xáy, duxér ma'aá tloomarós iqo kahaakáta?

YEREMIA 2:13

Muk'eé' tlakweemaá tsár gaa tleéhh. Aníduú kutltá ma'aá slafiingw iga geexayé', hhaleeri'ín ngiri kilooín fooliyé', kudá' ma'aay iwa /oomaa/ona'.

YEREMIA 2:18

Xáy hám daxta, gár ta sleera' a milá tawa /eté' baraá yaamaá Misri as ma'aá yaaér Nili kiwa wata', laqaá tawa Ashurúr keeré', gár ta sleera' a milá ma'aá yaaér Eufrate kiwa wata'.

Luka 13:4

Laqaá mukdá' mibaá nee dakaát, kudá' doó gáwtí tleér aa i huú', giri tsuú/, dír Siloamuwo, kuungá' ka xua', mukdá' an ak múk tlákwe ta kuduú hatlá' sleémeero oo Yerusalemúrí diriia?

Yohana 9:7

Guri báy, «Tláw, hamtlo aweek baraá tlahhasár Siloamu.» (Gídaabárós, «Oo taa ya/aáw»). Iri tláy, iri hamtlór áy. Niwa kií/ naxés i xumiis.