ISAYA 8:20 - Biblía Axweesantá Hhohho' ar Mungú 2004

²⁰ Ala kuungá' inooín ki beera', «Gár Mungú kuungá' nuwa intsaahhatamiisi na iiárií qaasaak, gi'i mi iiárií qamimara', asma gár hhoo' ngi aain'aaká.»

ISAYA 8:20 Iomraidhean Croise

ESRA 10:3

Gawaá adoorihe, alqado a tleehhaán nee Munguúrén, atén tlaawayrén u geexawaán tam nee na/ii'ín kudá' naa laqwaalii'i, ar adoodá' kuúng nee mukdá' hara'ayár Munguúrén ngi da'ayumiitá' kar kata'. Kaangwí i tleehharuuti ar dabe kawa eehaari.

WARA'AMI 119:130

Alki/ituú muruudá' kuúng ta sla', gwa/aateema ngin huwahuuw, múk gár xuaaká gu xu'utimis.

WARA'AMI 78:5

Asma axweesantós gana gawdeés dír múk Yakobo, nee dabe gana qaás dír múk Israelí alé, tidá' aa alqadín dír baabi'iirén, as na/ii'ín kiwa intsaahhatisi,

AXWEESANOÓ SAGALOOA 4:18

Ala loohír heé ganaá' a adór tsiraahhór tsee/amá, tse/amangwí in kumaamiit ay /ametleemu.

ISAYA 1:10

Axweesantá AAKOÓ MUNGÚ iiárií qaasaak, kuungaá adór geeraharuusér Sodoma, intsaahhasár Munguúrén iiárií qaasaak, kuungaásingá' múk tlákw adór kuduú Gomora.

ISAYA 8:16

Lamabu'uungwí tseegeek, harmagahheek, daqaní tari dabér hota dír eeharuuser'eene.

ISAYA 8:22

ga/aawaak, tam yaamu kiri xuuxuu', ala gár ta ari aqo slahh'amu, nee giwti nee ma/amír aa qipit, inooín kiri tliwii/ baraá ma/amír hhamhhám.

YEREMIA 6:16

AAKOÓ MUNGÚ i kaahi, «Sihhiité' dír waatsarár loohi, nee ta qaytsitá', nee muruudá' aáng aa tleehharuumiit yaahasaak. Leelehhaak didár loohír ganaa' i diri', ka eehadá', daqaní kuungá' wayda u sleerá' baraá munerhunge. Ala inooín i kaahiya', ‹Atén loohisíng a eeharanaaká.›

YEREMIA 8:9

Mukhúng oo sagaloó' ku mureekees inooín naa sagaqwaariyé' nee kiri ohín nee tsaaxwel. Inooín axweesantá AAKOÓ MUNGÚ ngaa si'iyé'. Xáy daxta sagalooár inooín i kona' a gaalá?

HOSEA 6:3

Atén AAKOÓ MUNGÚ ku xuaán nee ta kumiitaán kuwa xuaan, hardahamuuwós i pa/iiká adór matlaatle. Inós tin adór tluwáy wá i hardah, adór tluwoó laweei yaamu ngir i tlubaabin.

MIKA 3:6

«Kuungá' aaruúse, daxta a xweera dirhunge as iigu'utu kuwa aanda'aaká. Slám tari giwti dirhunge, aari kari harslaaqatá'. Looarhúng i dát, nee tlaatla/aangw iri giiw dirhunge.»

MALAKI 4:2

Ala kuungaásingá' umuueé' ilaiwawa/á', /uuruueé' oo ba/ama nun i hardah, adór looár naa tsiirihh, tidá' hungu/uumiis baraá tsiiraahhoorose. Kuungá' tari ti'itá', tay /an/anusá' ar qwala/, adór tsa/eetaá naa baraá diitór wa ti'itiye'.

Matayo 22:29

Yesu giri báy, «Aga qwadé' adoosinge, asma tidá' taa gooín a xua'aaká, tam aleesleemuú Mungú sleeme u xua'aaká.

Matayo 6:23

Ala bar iltók ka tlaakw, slaqwtók sleémeero i gíp. Ala gwa/aateemaadá' baraawók i diriiá' bir giwiyá', gaasíng a umuú giwtirooká.»

Marko 10:3

Yesu giri báy, «Gár Mose naa hara'ayín dirhunge a milá?»

Luka 10:26

Yesu guri báy, «Gár taa gooín a milá baraá kitaábuú hara'ayaaro? Kawa soomús, mi kát?»

Yohana 5:39

Kuungá' tidá' taa gooín baraá Gooiro a mak tsee/ariindá', asma kawa xua', kuungá' slafíngw alhhe'eesay wásl u koondá' baraawose. Nee Gooisíng an tidá' aníng i lamabu'uum.

Tlehhema'aá ya/Abuuse 17:11

Múk Berea a múk hhó' ta ak múk Tesalonikero, nee inooín Ya/abtór hho' ngina ilaaohiyé' ar muunuú hhoó'. Gooi ngiri soomuusiyé', nee ngiri aldakuutiyé' umuúqo daqto, as ngiwa tsaahhiya' áx kaangwí taa alki/iiti oo lóe.

Rumi 1:22

Inooín ta kaahi, «Atén a sagalooár koomaán,» ala laatí inooín tari daktu'uút.

2 Petro 1:19

Gawaá adoorihe atén axweesantadá' aaruuse aa alki/ít an ló'wa haratlintiaán. Kuungá' adór hho' aga tlehhé' barnaxes axweesantadá' aga alqaytsité'. Asma axweesantadá' a adór tsaa'astá baraá giwtír wa oh, ay dír iimi i /awaakuur, nee ay dír tsatsee/ír Haymú i geehhouur baraá munerhunge.

2 Petro 1:9

Ala heé muruuwí gu koomaaká, inós a heé ila' naa boo/aye', nee a taampa. Asma aa gunqaruút adór tlakweemaawós kudá' aáng kira hamaátl.