ISAYA 8:19 - Biblía Axweesantá Hhohho' ar Mungú 2004

¹⁹ Nee qoomár burna bayé', «Tlawé' gi'i yaahamisuú awaak, nee muruú /ayma'aá mululu'uúm adór tsir/o, asma i qoón muu munguii'ín ngiwa yaahamisiya', nee múk aa qaatl kuwa yaahamiisi as múk slaáf.»

ISAYA 8:19 Iomraidhean Croise

IIMU/UUNGW 41:24

Nee qaytsiít, /ar/aantaadá' daqeetlakw tidá' hhohho' gari /ák. Aníng qwaslaare ngari kaangwí báw, ala hee i kaahh oo gídaabárós ngaa oo'.»

2 WAAWITÁ 1:3

Ala malaykamoó AAKOÓ MUNGÚ aarusmo Eliya oo Tishbe guri báy, «Tláw ti doge' nee mukdaádá' taa ya/aáw nguwa yaahasi, ‹Ahaá waáy, gár tas Ba'alsebubu, munguú gixsár Ekroni yaahasár eera', asma Mungú in káhhi baraá yaamaá Israeliro?› »

2 WAAWITÁ 21:6

Inós na/aywós guna haniís as tawa ilahhooár da/a, tlaa/e giri xuú', iri tsuuqaá a'áy, tari aldinku'uús nee qwaslaarér giaá duxuum nee da/aluuse. Inós muruú tlákw guna ló'wa tlehhiít, AAKOÓ MUNGÚ guri mune duúx.

2 WAAWITÁ 23:24

Waawutmo Yosia qwaslaarér giaá duxuum nee da/aluuse, nee murslaaqat nee slaqsi'i dinkwa nee muruudá' ló'wa buhhtamís, sleémeero guna hingeés baraá yaamaá Yudawo as tidá' taa gooín baraá kitaábuudá' Hilkia kaahamusmoó úr oo Mungú aa sláy baraá doó AAKOÓ MUNGÚ wa ale.

1 QOM'I 10:13

Saulo ina gwaá' asma inkihhimu wasleerós, inós inkihhimu guna dakuús dír AAKOÓ MUNGUHE ar hara'ayár AAKOÓ MUNGÚ ngiwa oohiiká, nee sleeme inós gi'i gina yaahamisuú áy ale/iisaay nguwa slay,

2 QOM'I 33:6

Daaqaywós sleeme guna ilahhooár da/tá wa hanmiís baraá xatstá garmoó Hinomu wa ale. Tlaa/e gina xuú', iigu'utu guna leelehiít, muruuduú taami ohiingw guna tsegiít, sleeme tana aldinku'umiís nee mukdá' giaá duxuúm nee da/aluuse. Inós tlakweemaá yaariir gina tleéhh dír geeraá AAKOÓ MUNGUHE, Mungú guri buhhtís.

WARA'AMI 106:28

Aluuwo niri haragwaaiyé' dír múk Ba'ali gu sluufmiís baraá yaamaá Peoriro, fu'unaá ilahhooár muruú taa tsuú/ dír gi'i ngiri /ayiyé'.

ISAYA 19:3

Múk Misri iri sage qwaqwdín, aníng kangw'ín kudá' naa qoomeesiyé' un hhitiím, Inooín gurbua ngiri leehhiyá' dír slaqsi'idaá mungui nee dír gi'i nee dír iigu'utuuse nee da/aluuse.

ISAYA 26:14

Inooín naa qatliyé', i baloó slafiaaká, inooín naa qatliyé' slám i waslee/iaaká, asma kuúng ina alhi'iitanór eér as kiwa hhaamis, inooín kiri baloó inslayká.

ISAYA 29:4

Kiíng baraá yaamuwo tin amór saáwí kwaahh tari amoodá' wa axwés, afoorók niri baraá teerír ilaawáts, afoorók niri yaamuú wa ilaawáts adór ar múk aa qaatl, nee axweesantók niri saasáhh baraá hhapér wa alé.

ISAYA 30:2

Inooín nina Misrírí /eetiyé', aníng sleeme iga yaahasi'iiká, dír guwaay ngina leelehhtuú ayé' dír Farao as ngiwa xun, nee amohhooa ngiwa slaya' baraá xuumár múk Misrír wa alé.

ISAYA 45:11

AAKOÓ MUNGÚ kudá' hhoohhoó' oo Israeli nee tleehharusmoó Israeli, i kaahi, «Xáy, aníng kuúng inqo yaahása daanduú na/iieene? Laqaá inqo gaa beéra daanduú gadiyér'eé' ar ni tlehhiita?

ISAYA 47:12

Magaáhh baraá qwaslaari'iimaroge nee da/ariiwók kudá' ure, kudá' handá' aáng taa tlehhít iimír baraá masoombi'imarók doóqa slaasláw a sleér, laqaá ka xu' an baaliín.

ISAYA 47:13

Kiíng taa baál nee hara'ayuuseerók tidá' yaariir, gimáy i sihhiitiye' kiíng i ba/amisiye', inooínaadá' doori nee tsatse/uuwo ngi xuuxu'uumá', nee umuúqo slahhángw ti'iita muruú kiíng i sláw ngun aaririná'.

YEREMIA 10:10

Ala AAKOÓ MUNGÚ an Munguú ló', a Munguú slaáf, waawutmoó alhhe'eesay wásl, bira buúhh yaamu in daaraxaatiyá', xooro buhhtaawós saqitluuwo gi aleesleeraaká.

YEREMIA 27:9

Naagáy kángw aaruuserhúng mu axamiisara', laqaá kángw mukdá' tlaa/aá xuaaiím, laqaá iigu'utuuserhúng tí aariiriim, laqaá kudá' giaá duxuumá', laqaá qwaslaarerhúng tidá' kuungá' nu babaw, ‹Waawutmoó Babuloni mu ilaiwawa/aara'.›

TLAHHOÓ LAÁWI 19:31

«Xu'utuusér gi'i ma i daqaaqawaar, laqaá da/aluuse ma firiirimara' as nuwa alee/is, adoosíng bara tleehhé', tunda dahaás baraá tlakweema. Aníng an AAKOÓ MUNGÚ, Munguúhúng.

TLAHHOÓ LAÁWI 20:6

«Hee barnaxes aa daqáy dír xu'utuusér gi'i, nee da/aluuse, ar adoodae inkihhimu ngway dakuús dir'eene, un hara sihhiít, ngway baynitís dír xooroorós ar Israeliro.

MIKA 5:12

Aníng tam da/ariwók i hingeés baraawoge, ngay faák. Tam mukók kudá' iigu'utuú ara'ár ta baloó kumiitiiká.

Tlehhema'aá ya/Abuuse 16:16

Looarka wake tawa didár saalíngw kawaan, nee lawaalo'orka tina doogaán ar neetlaamér aaru'uumár koom. Inós daqaareerós gan daqaari'iimár yaariírí slaasleér ar loohír aaru'uuma.

DABE 18:10

Baraá tla/angwhunge hee tumu wák miwa deeruút, heé na/aywós oo garma, laqaá oo dasi gu baraá ásltár ohís as nguwa ilahhooár wa haniisi, laqaá heé tlaa/aá xuaaiím, laqaá heé tu/u/uúm, laqaá oo isaá araa'ár,

DABE 18:11

laqaá da/alusmo, laqaá oo da/ariiwo mutiím, laqaá oo axweesá' nee múk aa qaatl, laqaá oo axweesá' nee neetlaame, laqaá oo axweesá' nee gi'i.

1 Tesalonike 1:9

Asma muu inooín awa kilá' kangwhúng ngu alki/iitiyá', adór kuungá' atén tira ilaoté', nee adór kuungá' munguiihúng kira geexeeré', tari amór Mungú i warqeeré', as Munguúdá' slaáf oo ló' kuwa sagadiyusa',

2 Petro 2:1

Ala tam qoomaadae sleeme aaruusér lama i deer baraá tla/ángw muko. Tam baraahunge sleeme intsaahhatuusér lama i hardát. Inooín intsaahhasár hhiita ngin dahaasiyá' ar baraá naaqo, tam Aakoodá' inooín gaa tlaaxw nguri sa tlaankiyá'. Gawaá adoorihe inooín tin baraá qwanáy harakeemisiyá' ar adoorí.

1 SAMUELI 28:11

/Ameenidá' Saulo guri yaahás, «Xáy heé ni waatlees baraá gi'ií wa ale a heemá?» Saulo gari báy, «Samueli na duuxang.»

1 SAMUELI 28:16

Samueli iri oó', «Ahaá waáy gár aníng is fiririin gawaá daanduú axweesantá AAKOÓ MUNGÚ, kuúng uwa alaá xu'ús, nee iri wakusmoowók tleehhiít?

1 SAMUELI 28:7

Saulo sagadiyuuseerós gari báy, «/Ameenír giaá duxuum leeleehhare', as aníng kangw'eé' kwí nguwa dirósií yaahasár aw.» Sagadiyuuseerós guri beér, «/Ameenír wák i deer ar tsaahhasíng koom baraá yaamaá Endoriro.»

1 SAMUELI 28:8

Saulo tlabaawós giri warqeés, tiri ilaqaás tawa adór múk hatlá', iri tláy nee mukós oo tsár tiri koné'. Tari xweeraá hardáh dír doó /ameenír aáng, iri oó', «Na'ás isooeé' kuká' arang baraá miislaywoge. Heedaádá' aníng ni uma oo' watleesáng baraá gi'ií wa alé.»