ISAYA 8:18 - Biblía Axweesantá Hhohho' ar Mungú 2004

¹⁸ Ga/aaweek, aníng nee na/iiká' AAKOÓ MUNGÚ naa haniís a laya nee waa/oo/amo baraá Israeliwo ar amór AAKOÓ MUNGÚ Aleesleemusmoó daáhh, kudá' gawaá tloomár Siyonír hoót.

ISAYA 8:18 Iomraidhean Croise

IIMU/UUNGW 33:5

Iri malé qaytsiít, naxés /ameena nee na/ii giri ár, iri ilawaáts, guri yaahaás, «Mukwí nee kuúng ti koomá' a ín heemá?» Inós iri oó', «A na/iidá' Mungú naa haniís dír sagadiyusmoowók ar qeemuuwós.»

1 QOM'I 23:25

Daudi iri oó', «AAKOÓ MUNGÚ, Munguú Israeli, mukós gwaa waydú i haniís, inós daxta i hoot baraá Yerusalemúr wa ale ay daqisleém.

WARA'AMI 22:30

Xwaylarós gu sagadiyús. Muu axweesantá AAKOÓ MUNGÚ gay alki/iit dír qartá aluú wa hi'iit.

WARA'AMI 71:7

Aníng adór ni dirii' a adór gár mureewasl dír múk yaariire, ala kuúng an dír gawit ar guway'eé'.

WARA'AMI 9:11

AAKOÓ MUNGÚ gawaá Siyoni sa daa'aak, tlehhmi'iiwós alki/iitaak baraá tla/ángw muko.

WARA'AMI 9:12

Asma Munguúduú li/oó tseerér liitlakuuse ga bu'uúm, inooín gi inslasláy. /Aa/eeín gi gunqaaresiiká.

ISAYA 12:6

Tsee'é' nee daaé' ar qwala/, kuungaá yaamuloouusér Siyoni. Asma oo muruú urén gu tlehhiít tla/angwhunge, a Mungú, kudá' Hhoohhoó' oo Israeli.»

ISAYA 14:32

Gár hee ya/abusmoó xoordu ngur mu/aywatsi a milá? Gun bay, «AAKOÓ MUNGÚ gixsár Siyoni gaa tleéhh, nee mukós kudá' taa slahh'eemiís, dir'ín ar guwaay kaa sláy baraá gixsarihe.»

ISAYA 20:3

Aluuwo kurkudá' gixsár Ashdodi kawa hayóh, AAKOÓ MUNGÚ iri oó', «Ar adoodá' sagadiyusmooeé' Isaya ira hi'iimiít ar /aankwets nee ya'aá tawo, as iwa laya tleehhiti nee slaqsaay oo tleehharuút dír múk Misri nee oo Kushiro,

ISAYA 24:23

Aluuwo slahhaangw iri giiw, nee tsee/amá gwa/aateema giri máy, asma AAKOÓ MUNGÚ Aleesleemusmo tloomár Siyoni nee Yerusalemu gan sawaawuti'ín, nee xirfuuwós guri laqán dír bariisér mukós.

ISAYA 53:10

Tam adoorihe AAKOÓ MUNGÚ guna slaá' nguwa slahh'eemisi, guri gurhaamír ar áy. As hhiintluuwós nguwa duúx tawa ilahhooár tlakweés hingeesa, xwaylarós ga ar adór kar hota tleér. Inós an kudá' sla'aarír AAKOÓ MUNGÚ ga boo/eés.

ISAYA 7:16

Asma dír na/aywí muruú tlákw si'imaawo ngura aleeslayká nee oo hhó' tsawaararo ngura aleeslayká, yaamaá waawitáwí tsár ta daiimit in xaanxay tleehhitiyá'.

ISAYA 7:3

Ala AAKOÓ MUNGÚ Isaya guri báy, «Gimáy tláw, Ahasi al aweek, kuúng nee garmaawók Shear-yashubu, didár hhuuntsito alhhe'eesoó maparidár ma'aá huwahuuw amór gáwtá wa ale,

ISAYA 8:3

Aníng niri qaát nee harer'eé' tidár aaruso'o, iri tsít, na/oó garma gway xwayluúr. AAKOÓ MUNGÚ aníng iri báy, «Na/aysíng umuuwós a ‹Maher-shalal-hash-basi.› » (Gídaabaárós a: Gaanslár hayoheek, adaá ar tlaweek.)

YEREMIA 44:29

AAKOÓ MUNGÚ i kaahi, «Layár ta aanda' a tí, aníng kuungá' nun iimu/uúm muxtaaro diirír kilá' wa ale, as kahhó' kuungá' kawa tsahha' adór axweesante'eé' tar ló' daaduhunge as tlakweemaahúng.»

ESEKIELI 12:6

Qoomár inooín barta xumiis, huwaawók qaaseek gawaá suuma, nee qoomár iimi bira gíp ta tleér. Gitsee/awók tuuntuukeek, nee bar hi'iimít masók amór ta keer a ga/eeraaká. Adoorihe aníng kuúng un laya tleéhh dír múk Israeliwo.»

ESEKIELI 14:8

Aníng nee inós ti araán. Aníng inós un laya tleéhh nee slaqsaay, aníng un hingeés baraá tla/ángw xooror'eene. Diirí an didá' kawa tsaahhi adór aníng tár AAKOÓ MUNGÚ.

ESEKIELI 4:3

Naagáy hhartá muqsli taataahheek ka sihhtís adór koo/ír kuúng nee gixsa nu paraatl. Daqaní guruuwók ku amór gixsarí ta harweér xu'ús, ka laqaán adór gixsarí kara harweér. Layár kawa harweeri tleehheek. Gaarí a laya dír xoorór múk Israeliwo.

SEKARIA 3:8

Yoshúa, kaahamusmoó úr oo Mungú, iia qaaseek, kuúng nee kaahamuuseedár hatlá' algadiyuusá', asma mukwí a layár ganaa', asma ga/aaweek, aníng sagadiyusmooeé' kudá' ta bay, Halmi ngu huúw.

SEKARIA 8:3

Aníng a wayaá' Siyoni, án niri hotaá áw tla/ángw gixsár Yerusalemu, nee gixsár Yerusalemu kay bay, ‹Gixsár inkihhím.› nee tloomár AAKOÓ MUNGÚ Aleesleemusmo kari bay, ‹Tloomár hhoohhoo'.›

Luka 2:18

Mukdá' sleémeero aa axaas tari waa/oó/, asma tí de'eemuuse aa ó'.

Luka 2:34

Simeon giri tsuúq, Maria aayír na/aay gari báy, «Ga/aaweegáy, kwí kwa qaás asma awa yaariir niwa huuiya', nee kuqá' niwa sihhiitiya', baraá múk Israeliwo, nee iwa laya tleehhiti ar tar kaangaanuusi,

DABE 28:46

Ala hara'ayaarí in lamabu'uungw tleehhít oo sakwasleemár AAKOÓ MUNGÚ diroge nee dír na/iiwoge ay alhhe'eesay wasle.

Ebrania 10:33

Daqtakaaro kuungá' kilá' tunduna niqimís, tunduri slahh'eemiís, nee tunduri /oosliislín dír geeraá múk wa ale. Nee siiwarkaaro kuungá' ana dinku'umisé' nee múk hatlá' oo taa adoorí laqán.

Ebrania 12:22

Ala kuungá' tloomár taa i hardaté' a tloomár Siyoni, nee Yerusalemúr gawaá doori gixsár Munguúdá' slaáf, nee amaqawár yaariir ar malayke.