ISAYA 8:17 - Biblía Axweesantá Hhohho' ar Mungú 2004

¹⁷ AAKOÓ MUNGÚ un daamaaraám, kudá' aa nahhaat dír xwaylár Yakobowo, inós un harahhiíf.

ISAYA 8:17 Iomraidhean Croise

IIMU/UUNGW 49:18

«Aníng ba/amarók an daamaraám, aá Aakoó Mungú.»

YOBU 13:24

Ahaá waáy, aníng misa baseehúp, baré daxta aníng ina adór wakusmoowók tléhh.

YOBU 14:14

Ahaá, hee bira gwaá' i male slafíngwí kí/i? Deelo sleémeero ar gadiyér'eene un daám ay dír afiqoomár gweermor'eé' i xeer.

YOBU 35:14

Adór ur mu/aywatsi bar kuúng an kat, aníng inós ugwa ariiká, tari ó', ‹Kwasleemar'eé' i dír geeraawós,› nee kuúng inós un daamaaraán.

WARA'AMI 130:5

Aníng AAKOÓ MUNGÚ un daamaraám, muunaáeé' AAKOÓ MUNGÚ gun daamarán, axweesantós aga harahhiíf.

WARA'AMI 27:14

AAKOÓ MUNGÚ na harahhifeek! Ilakaahareés, muuna hhe'eés, AAKOÓ MUNGÚ na harahhifeek!

WARA'AMI 33:20

Atén AAKOÓ MUNGÚ un harahhifaán, inós an alee/isayrén nee baqmoorén adór gaamboót.

WARA'AMI 37:34

Kuúng AAKOÓ MUNGÚ na harahhiifeek, loohirós eehareek. Inós kuúng u iiatleerees, yaamu kay ál. Múk tlákw adór kur qwaareesi a aán.

WARA'AMI 39:7

Nee hám heé hatlá' oo ni harahhiif a heemá, AAKOÓ MUNGÚ? Harahhifor'eé' a dirók.

WARA'AMI 40:1

Aníng AAKOÓ MUNGÚ una daám ar qitla, /aa/ee'eé' giri iiárií qaás, niri amor'eé' i warqáy.

ISAYA 1:15

Kuungá' bar dabaahúng iga gáwtí tlesé' as iwa fiririinda', aníng ilaaeé' in luú/, as munduwa ár, tam firór yaariir bar firirindá', a axaasaaká. Asma dabaahúng naa hatsiyé' tseerduuwo.

ISAYA 25:9

Baalaadae muu in ooi, «Kwí an Munguúrén, inós una damraaramaán, as atén tiwa ba/amisár ay, kwí an AAKOÓ MUNGÚ kudá' naa damraaramaán, gimsé' daxta, bara/ u iimu/umaán nee qwal/uwo as ba/amarós.»

ISAYA 26:8

Aá AAKOÓ MUNGÚ, baraá lohdaá sakwasleemaroge atén kuúng un daamaán, muneerén gár i ló'wa sla' a inslaslángw umuuwók.

ISAYA 30:18

Gawaá adoorihe AAKOÓ MUNGÚ kuungá' nu daamaarán, as nuwa gurtlay. Inós ni tláy as kuungá' nuwa gurtláy. Asma AAKOÓ MUNGÚ a Mungú sakwasleemár ganaa' ga tlehhahhiít. Múk amohhoó' a kudá' inós gu daamaraám.

ISAYA 33:2

Aá AAKOÓ MUNGÚ, atén ti gurtleer, asma atén kuúng una harahhifaán, kuúng masók a baqmoórén umuú looár tlawa, nee masók an ba/amusmoorén qoomár slahha'amko.

ISAYA 45:15

Aá Munguú Israeli, ba/amusmo, looeemaawo kuúng a Mungú, ilaawo tu ar'aa'ariiká.

ISAYA 50:10

Baraá tla/angwhunge heé AAKOÓ MUNGÚ gu ilaiwawaá/ i deéro, nee oo afór sagadiyusmoowós ga iialooeemiís, kudá' baraá giwtír wa hi'iimiít nee gwa/aateemaá koomaaká, tam adoorihe haandá' umuú AAKOÓ MUNGÚ gun harahhifiit nee Munguúwós guri haratlintatii'?

ISAYA 54:8

Har afiqoomár niinawe niwa buúhh ina ilaa goów, ala ar sla'aarír warqawakahe iga gurtláw. AAKOÓ MUNGÚ ba/amusmoowók tí gan kah.

ISAYA 57:17

Ina i buúhh asma tlakweemaaín nee as ilatleerir'ín ngiri muúx, niri nahhaát, as niwa buúhh. Ala nina ak kumiitiyé' loohir'ín tidá' i slaiya' eeharahaduwo,

ISAYA 59:2

Ala tlakweemaahúng kuungá' nuna dír Munguúhúng wa paraatliyé' nee dakumisuuhúng gitsee/aawós ngaa lu/iyé', as kiwa aanda'aaká. Gawaá adoorihe inós firorhúng ga axasiiká.

ISAYA 64:4

Iimír aange Munguú hatlá' ugwa araniiká laqaá ugwa axaasaniiká iaawo slám Munguú adór kuúng oo taa ár ilaawo i kaahh, kudá' muruú waa/oo/amór tlehhiít dír kudá' inós ngu harahhifa'a.

ISAYA 64:6

Atén sleémeero a adór múk taa meetagaás, nee hotaarén awa ganaa'á' a adór tlabaá slasla/aren, atén sleémeero aga /ootsaán adór gitso, nee tlakweemaarén a adór fur'ár atén ti ar tlatlaw.

ISAYA 64:7

Heé kuúng u fiririím i kaahh tumu wák, nee heé naagamiís kuúng leelehhtuuwo i kaahh, asma kuúng aga atén wa nahhát hám daxta taa baraá tlakweemaarén i meér.

YEREMIA 33:5

Muu slaqwarár nee múk Kaldayo ga iiar ala aqo tawo, tuaá múk taa tsuú/ as buhhtaaeé' boheedá' taa foól ngin dalaa/iyá'. Asma inooín sleémeero tlakweema ngina tleehhiyé', aníng gixsarí ngiri sií'.

HOSEA 12:6

Ala kuungá', ki/é' amór Munguúhúng, sla'aari nee gan'amu aldakuutaak, nee Munguúhúng harahhifaak umuúqo daqto.

MIKA 3:4

Ala qooma ni hardát ar geeraharuuseerí AAKOÓ MUNGÚ nguwa firirin, ala qoomaarihe inós gi iiárií qaasiiká. Inós gitsee/aawós gin luu/ asma har qoomoó tlehhemi'ii'ín kudá' tlakw naa tleehhiyé'.

MIKA 7:7

Ala aníng guruueé' un amór AAKOÓ MUNGÚ xu'ús ar sla'aari, Munguúeé' kudá' aníng i ba/amís un daamaaraám. Munguúeé' aníng i axaas.

HABAKUKI 2:3

Asma iigu'utuuwí qoomár kus hariím i deer, a kángw ló' oo alhhe'eesaydá' gaanslár hardáh. Barnaxes i tligatliik, kuúng daameek, asma looeemawo niqo hardah, i tligiiká.

Luka 2:38

Inós hamtidár kilae nina ti'ít, i Munguú sluufmís. Kángw na/aay guri ó' dír kudá' sleémeero awa harahhifor'ín ngaa qaasiye' gawaá ba/amár Yerusalemu.

Luka 24:27

Yesu muruudá' sleémeero Gooi i kat daanduuwose guri dir'ín i xu'utimís, guri iimír kitaaba'aá Mosé wa iimu/ún ay aaruuse sleémeero.

DABE 32:20

Iri oó', ‹Aníng a inooín wa nahhaát, axáy, alhhe'eesay'ín u ala ga/áw, asma inooín a qartá aa qwat, na/aá inkihhimuú kooma'aaká.

1 Tesalonike 1:10

nee Garmaawós Yesu kuwa daamaraanda' gawaá doorí alé, kudá' Mungú aa waasle/atís baraá múk aa qaátl wa ale. Yésuuwí an kudá' atén ti ba/amís baraá sakwasleemaadá' sangw hardaha.

2 Tesalonike 3:5

Masók Aako munerhúng gan gan'aás amór sla'aarír Mungú nee baraá qitluudá' Kristo ni hanmiisi.

Ebrania 2:13

Nee i malé kaahi, «Aníng Mungú un haratlintií'.» Nee malé alé i kaahi, «Aníng a diirí dirií' dinkwa nee na/iidá' Mungú naa aníng i haniís.»

Ebrania 9:28

Adoorí an adoodár Kristo sleeme ku laqi. Inós kuna ilahhooár wa haniís sagaáwa wák wa ale as tlakweemaá múk yaariír ngiwa hingeesi. Inós nin malé ti'iit baraakaá yaamuwo sagaáwa tsár wa ale. Ala gár nis hardihi a tlakweema hingeesarooká, ala a mukdá' inós gu daamaaraám nguwa ba/amisi.