ISAYA 8:11 - Biblía Axweesantá Hhohho' ar Mungú 2004

¹¹ Asma AAKOÓ MUNGÚ aníng ina i axweés, iri óh ar dakós oo /uuruú koóm, as loohír mukwí mawa eehár, ina gurbuú' iwa kaahi,

ISAYA 8:11 Iomraidhean Croise

1 WAAWITÁ 18:46

/Uuruú AAKOÓ MUNGÚ iri hardáh dír Eliya, inós iri siinootín, iri ta'aaín, iri giirín hardahmuuwo dír Ahabuwo baraá gixsár Yesre'eli.

WARA'AMI 32:8

Aako i kaahi aníng kuúng un intsaahhatís, nee lohduuwók ngi qwatsiím. Án kuúng un gan'amiís ar inkihhimu.

AXWEESANOÓ SAGALOOA 1:15

Garmaaeé', baraá loohiro miti alkoomara' nee inooín, yaaeerók ilaa/eek miwa daqeér baraá lohuuín.

ISAYA 30:1

AAKOÓ MUNGÚ i kaahi, «Tsaxwaaín na/iidá' aníng iga aahhiye', kudá' gurbu'úngw sla'á', ala kwe'eé' ngu slaiiaaká, kudá' dinku'uumár nee muu ngi sla'á', ala ar qeeruueé' ngi slaiiaaká, as kahhó' pa/ángw tlakweema ngir iinkikii/iyá' nguwa slaya'.

YEREMIA 15:19

Gawaá adoorihe, AAKOÓ MUNGÚ i kaahi, «Barnaxés iga i kí/, aníng kuúng un adoodár aángií ki/ís, nee kuúng uri malé sagadiyusmooeé' tleéhh. Barnaxes axweesanoó lama ugwa meér, nee oo ganaá' bura axwés, daqaní kuúng an aarusmooeé' tleehhít. Muu nin amoorók i burumburiit, ala kuúng amor'ín a keeraaká.

YEREMIA 20:7

Aá AAKOÓ MUNGÚ, aníng iga al/ák, aníng al/aymaadá' ngiri ya/aám. Kuúng /uuru un koón ta ak aninge, kuúng aga baaliín. Tlaatla/aangw sleémeero aníng a heé ta waaqaseesen, umuú heewo in niqín.

YEREMIA 20:9

Ala aníng bara oó', «Aníng umuú AAKOÓ MUNGÚ daxta un baloó ooaaká, sleeme a ilaawatsaaká ar umuuwós,» muunaaeé' in da/aa/anuut baré kwaáo adór asla in baraá faduueé' wa ót, an mak qiítl as mawa ilawaáts, ala ila/aro tin harslaaqaát.

ESEKIELI 3:14

Naagáy qeeru iri gáwtí tleés iri puruúts amór saaw. Niri tláw amooqae aga slahhaá', nari qa/iít baraá muunaáeene, nee /uuruú AAKOÓ MUNGÚ ina hatsiís.

Tlehhema'aá ya/Abuuse 4:20

Asma atén muruudá' taa araán nee kudá' taa axaasaán, kuwa mawaan axweesanto u aleeslawanaaká.»