ISAYA 7:9 - Biblía Axweesantá Hhohho' ar Mungú 2004

⁹ Slám ságw Efraimu a Samaria, nee ságw Samaria a garmoó Remalia. Barnaxes a haratlintatia'aaká, looeemaawo a gawdura'aaká.»

ISAYA 7:9 Iomraidhean Croise

2 WAAWITÁ 15:27

Kurkú mibeeri kooán nee tsár oo waawuti'iimár Asariya oo Yudawo, Peka garmoó Remalia waawuti'iima gana iimu/ún baraá yaamaá Israeliro, baraá gixsár Samariaro. Inós baraá waawuti'iimaro kureeri ngaa /aáy a mibeeri tsár.

2 QOM'I 20:20

Looa niwa tleér matlaatlér boo/e tana tseewa tláy amór xaanxoó Tekoa. Qoomár tawa tlatlay, waawutmo Yehoshafati ina geeraaín i sihhiít giri báy, «Aá múk Yuda nee yaamuloouusér Yerusalemu, án iiárií qaasaré'! AAKOÓ MUNGÚ haratlintiaak, kuungá' daqaní a gawduurá', nee aaruuseerós haratlintiaak, daqaní kuungá' a baaliindá'.»

ISAYA 28:1

Tsaxwaaín, xufutuusér daara/aam ar Efraimu. Xirfuuín i qwaar adór /ayór aa kat. Xirfuudá baraá xatstá wahhaárí dirií', nee gawaá sagér mukdá' xufta aa bál.

ISAYA 5:24

Gawaá adoorihe, adoodá' tsángw asla hhaanslaá kaaharen ngir /aa/ayi, nee adór gitsór kaaharen ir slururuumaamit, dee/áruuín in slupuut, nee /ayor'ín ka gáwtí ufaahh adór teeri. Asma dabér AAKOÓ MUNGÚ Aleesleemusmo ngaa si'iyé', nee axweesantá Kudá' Hhoohhoó' oo Israeli ngaa waaqaaiyé'.

ISAYA 7:10

Slamí AAKOÓ MUNGÚ Ahasi guri báy,

ISAYA 7:4

ku beeto, gám magaáhh, xasliít, ma da'ayumitaar sleeme ma munesiaar as buhhtaá Resini waawutmoó Aramu, nee awa garmoó Remalia. Kuká' tsaraawo a adór quuír migír ar gwaa'.

ISAYA 8:4

Asma dír na/aywí axweesani ngira aleeslayká, daqaari'iimár Damasko nee haasaánguú baraá Samariár daáhh kin huuw amór waawutmoó Ashuru.»

ISAYA 9:9

Muu sleémeero gari xuu', múk tlahhoó Efraimu nee kudaádaá' yaamuloouusér Samariawo, ala kudaádá' axweesá' ar daara/aangw nee ar taqanaa/i. Inooín i kaahiyá',

YEREMIA 43:2

Asariya garmoó Hoshaya, nee Yohanani garmoó Karea nee mukdá' sleémeero oo tlakwén Yeremia nguri bayé', «Kuúng a lamusmo, AAKOÓ MUNGÚ, Munguúrén kuúng ugwa ya/aawiiká atén tiwa beer, ‹Ma yaamaá Misrír i hotaá awaara'.›

MIKA 1:5

Tí sleémeero i tleehharút as dakuúsár múk Yakobo nee as tlakweemaá múk Israeli. Xáy, dakuúsar múk Yakobo a milá? Ahaá, a gixsar'ín tidá' ur ar Samariároke? Xáy, tlakweemaá múk Yuda a milá? Ahaá, a gixsar'ín tidá' ur ar Yerusalemuúwoóke?

Tlehhema'aá ya/Abuuse 27:11

Ala geeraharusmoó askaári axweesanoó heé miringamoó madiít, nee daqaarmoó miringamo, guna axaamiís ta oo Paulowo.

Tlehhema'aá ya/Abuuse 27:25

Gawaá adoorihe, hhawaáte, gur'e gawdesaak, asma án Mungú ugwa haratlintií' adoodá' tinda dir'eé' oó' adór ir tleehharút.

Rumi 11:20

Ar ló', inooín kina tlaáq, ala gár kisa tlaáq a haratlintaaoowasler'ín. Ala kuúng a gawaá xa'anoodá' taa dahaás i dirí' as haratlintaao. Gawaá adoorihe, kuúng ma daara/aamaar, ala masók an da'ayumít.

Ebrania 11:6

Ala heé haratlintaaór koomaaká, Mungú qwal/atisaro gu aleeslayká. Asma heé amór Mungú káw, gár kuwa hariím a in haratlintii' adór Mungú ir deér, nee Mungú mukdá' inós gu leelehhiít gu qeemií haniis.

1 Yohana 5:10

Heé Garmoó Mungú gwa haratlintii', lamabu'uungwí gu kón baraawose. Heé Mungú gwa haratlintii'iiká, a Mungú guna lamusmo tleéhh, asma lamabu'uungwí Mungú Garmaawós nguwa lamabu'ún, gwa haratlintii'iiká.