ISAYA 7:3 - Biblía Axweesantá Hhohho' ar Mungú 2004

³ Ala AAKOÓ MUNGÚ Isaya guri báy, «Gimáy tláw, Ahasi al aweek, kuúng nee garmaawók Shear-yashubu, didár hhuuntsito alhhe'eesoó maparidár ma'aá huwahuuw amór gáwtá wa ale,

ISAYA 7:3 Iomraidhean Croise

2 WAAWITÁ 16:1

Kurkú mibaá nee faanqw oo waawuti'iimár Peka garmoó Remalia waawutmoó Israeliro, Ahasi garmoó Yotam waawutmoó Yuda waawuti'iima gana iimu/ún.

2 WAAWITÁ 18:17

Naagáy waawutmoó Ashuru geeraharusmoó úr oo slaqwaruuse nee geeraharusmoó úr oo askaári nee geeraharusmoó múk taa karmuumúy dinkwa nee slaqwaruusér yaariir, gari ya/aáw amór Lakishi wá ale ay amór waawutmo Hesekia baraá Yerusalemu, niri hardihiyé' baraá Yerusalemu. Inooín niwa hardihiyé' nay sihhitiyé' bihhaá maparír ma'aay tidár bihhaá loohidá' ur, ar amór didár hhuuntsitór kaw.

2 WAAWITÁ 20:20

Tlehhma'aá hatlá' awa waawutmo Hesekia nee migtose, nee adoodá' tlahhsár ma'aay ngira tleéhh, nee mapeeraá ma'aá wa/amisá' baraá gixsa, kaa gooín baraá kitaábuú qom'aá waawituú Yuda.

NEHEMIA 3:16

Dír aluudá' Nehemia garmoó Asbuke heé úr oo tlaqtá yaamaá Bet-suri gana /abeés tlehhmuuwo ay didár /aantár Daudi, ay dír tlahhsaadá' taa tleéhh, iri hardáh ay amór doó miguuse.

TI'INAANGW 7:15

Matlaatleero tláw amór Farao qoomár inós bir baraá yaaér káy, kuúng sihhiít dír afá yaae nee inós tiwa doga', nee hhartadá' a dayshamo tleehhit masók a koón dakoge.

ISAYA 10:21

Panoó Yakobo kudá' aa meet i kii/ amór Munguú /uuruú koóm.

ISAYA 22:10

Kuungá' maraá baraá gixsár Yerusalemu kiri tsee/aarindé', kiri fe/ité' as tlaa/eedá' kiwa koo/ír gixsárár gawdesa'.

ISAYA 22:11

Baraá tla/eeraá ko/aá tsare hhalángw ma'aay kuri folé' as kahhó' ma'aá hhalangwduú aáng kiwa baraadií ota'. Ala kuungá' Munguúdá' muruuwí sleémeero gwa tleehh ugwa leelehhi'iiká, laqaá adoodá' aa qoomeés iimír aange aga ya/andi'iiká.

ISAYA 36:2

Waawutmoó Ashuru geeraharusmoó úr oo slaqwaruuseerós guri ya/aáw amór Lakishír wa alé, amór waawutmo Hesekia baraá gixsár Yerusalemu. Geeraharusmoodá' ina sihhiít dír maparír ma'aá wa/amis baraá tlahhsa, bihhaá gawa awa loohír ur ar dír hhuntsitór kaw.

ISAYA 55:7

Múk Tlákw lohduuín kudá' tlakw ki may, nee kudá' hota gana'a'aaká inslawoó tlákw ku may. I amór AAKOÓ MUNGÚ i ki/iye', inós gi gurtláy. I amór Munguúrén kaye', asma inós gurtleemuuwós ku yaariír.

ISAYA 6:13

Tam panoó niiná oo aa meet, aqo kun hhaamiis. Kuká' tari adór sahhti laqaá ta/eewi, tidá' guftanoowós aa meet alaá kawa tsaát. Guftanoowí tay iimu/úngw dahaasíngw hhohhó'.»

YEREMIA 22:1

AAKOÓ MUNGÚ i kaahi, «Tláw dír doó waawutmoó Yuda ku beer,

Rumi 9:27

Nee aarusmo Isaya ina axweés sleeme daanduú múk Israeliwo, iri tseé' iri oó', «Múk Israeli tam ku yaariire adór hhasángw afaá tlawi, ala múk ba/ám baraaine ku niiná.