ISAYA 7:25 - Biblía Axweesantá Hhohho' ar Mungú 2004

²⁵ Tam gongoamaadá' aáng ta doslasliti laqaya' nee fuquráy ngin wa ti'iitiyá', tam heé amoodá' keemuuwo ga qiítl i kaahh, as iwa fuquroó da'ayumiti nee laqayawo, ala yaamuuká' tay tleesantá hikwa nee bee/aangw.

ISAYA 7:25 Iomraidhean Croise

ISAYA 17:2

Gixsaduuwós kin xaanxaay tleehh ay alhhe'eesay wasle, tari ayaá hikwa nee bee/aangw ki tleemisi, niri baraadá' wa guiyá' tam ki dae tsatiiká.

ISAYA 5:17

Deeloó bee/aangw nee oo aara nee tse/eeto, qawo ngin slayá' dír taangwaá gixsar'ín wa alé, kwaáo an dír qawtantaín.

ISAYA 7:19

Inooín nin hardihiyá' xatstadá' gaa wasl ngiri al'iwiitiyá', nee baraá mar'ór tla/u, nee gawaá laqaya' sleémeero, nee gawaá qawtanaay sleémeero.

ISAYA 7:24

Umuú heé baraadá' kawa, aqo ga/ale nee maheeriwo gin huuw, asma yaamu sleémeero naa hatsiyé' fuquráy nee laqayaawo.

HOSEA 4:16

Asma múk Israeli aa sagagawdúy, adór tsa/atmoó gwaréhh. Hám daxta AAKOÓ MUNGÚ de'eengo gi aleesláya adór deeloó bee/ángw baraá hindawtá ur?

SEFANIA 2:6

Yaamusaá bihhaá tlawi tari qawtani, nee dír xafoó de'emuuse kway tleehhi, nee slumaá buhhaá bee/aangw.