ISAYA 7:23 - Biblía Axweesantá Hhohho' ar Mungú 2004

²³ Slám baalaadae qamaá sabiíbu awa kume kudá' tlaxor'ín kumuú wák oo shekeéli, nin deeli tleehhitiyá', fuquráy nee laqayaawo ngiri altlayá'.

ISAYA 7:23 Iomraidhean Croise

IIMU/UUNGW 3:18

Gár yaamu ni kuúngí duuxiya' a fuquráy nee laqaya', nee kuúng muruú /aymaarók un baraá yaamuú wa sleér.

ISAYA 32:10

Baraá guruú kurku wake kuungásingá' /ameenár aga taqna/uumite' a daaraxatá', asma sabiíbu u hamaresa'aaká, nee mamaá ta sleera' i kahhiyá'.

ISAYA 5:10

Qaymór eéka mibaangw ar sabiíbu gár i dux a liíta dakaát kilós ar difaái. Heé kílór tsiiru ar balaangw gaa dahaas, gár i bui a kílo mibaangw ar balaangw.»

ISAYA 5:6

Aníng inós an xaanxaay tleéhh, sabiíbuuwós ku alkwasliiká, laqaá ku kakanusiiká. Fuquráy nee laqayaawo ngun alti'iitiyá'. Huunkáy u ádbáw, miwa gawaawósí tluúw.»

ISAYA 7:24

Umuú heé baraadá' kawa, aqo ga/ale nee maheeriwo gin huuw, asma yaamu sleémeero naa hatsiyé' fuquráy nee laqayaawo.

YEREMIA 4:26

Aníng ana qaytsiít, naxés yaamaá hhape hho' nina adór xaanxay tleehhitiyé' nee gixsadu sleémeerowo naa tangwaá tawo tleehhitiyé' asma buhhtadaá xaraaslá' awa AAKOÓ MUNGÚ.

ESEKIELI 12:20

Gixsadaá múk koomá' ki hhaamiis, yaamu niri deewaaiyá'. Kuungá' ka tsahhá' adór aníng tar AAKOÓ MUNGÚ.»

HOSEA 2:12

Aníng qamuuwós awa sabiíbu nee awa /aantsihe, in hhitiím kudá' inós iwa kat, ‹Qamuuká' an bu'utueé', kudá' mulqer'eé' naa hanís.› Aníng in gara tleéhh, makaá sla/a ngiri /ayiyá'.

HOSEA 9:6

Asma ga/aawaak, qwanayhúng un ilagobá' tunduri ilaoh nee múk Misri, ala /antaá Memfisi nu daamaraná'. Daqaari'iimarhúng ar peésa sla/a ngi alti'ít, nee marayhúng laqaya' ngi alti'iitiyá'.

Matayo 21:33

«Slaqsoó hatlá' iiárií qaasaak. Heeko i deer oo do'ós koóm. Inós sabiíbu guna dahaás baraá qaymoorós. Qaymo gari yaáw. Bohóngw mamaá sabiíbu ngiwa tsoo/iti guri foól baraá tla/ángw qaymo. /Aampár xuuma gari tleéhh. Qaymo gari saayín dír doosluuse, iri aa'aá káy.

Ebrania 6:8

Ala yaamuudá' gár naa laqwaliyé' bar laqaya' nee fuquráy, gár i buiya' i káhh. Yaamaá adoorí kaa nak/aás lu'usaro nee Mungú. Alhhe'eesaywo ki daa/ ar asla.