ISAYA 7:22 - Biblía Axweesantá Hhohho' ar Mungú 2004

²² Asma hikwaaká' i ló'wa ilwaá koná', inós oongonoó ilwa guri wah. Panaydaá meet baraá ayko oongonoó ilwa nee danuhe ngiri /ayiyá'.

ISAYA 7:22 Iomraidhean Croise

IIMU/UUNGW 18:8

Abrahamu di/tá /awak nee ilwa nee fu'unaá damaadá' aa amohhe'eés, giri qaás dír geeraaín, giri dahi'ís as tawa /ayin. Inós iri sihhiít bihhaaín dír gamuú xa'ano, as ngiwa sagadiyuusi qoomár inooín niwa /ayina'.

2 SAMUELI 17:29

nee daneero, nee di/aay, bee/aangw nee di/tá /awak. Adoorí kana tleéhh as Daudi nee mukós kudá' ti alkoomá', asma tana oó', «Mukwí i qwariit, nee i waxiit, nee taa slaaqamiít as tawa baraá xaanxáy dirii'i.»

ISAYA 14:30

Asma na/aá baris awa narkuute in aaxiyá', nee múk gaawásl ta hoot a saxareema. Ala aníng na/iihúng i tsuú/ ar qwari, nee panmoó aa meet dirhunge un gaás.

ISAYA 17:2

Gixsaduuwós kin xaanxaay tleehh ay alhhe'eesay wasle, tari ayaá hikwa nee bee/aangw ki tleemisi, niri baraadá' wa guiyá' tam ki dae tsatiiká.

ISAYA 7:15

Inós ilwaá oonganáy nee danuhe gin /aay, ay dír muruú tlákw ngway xui si'imaawo, nee oo hhó' tsawaararo.

ISAYA 8:15

Múk yaariír ta dukuuts tari huhu'ún tari naasumiit, tsaaxweelirí gin ohiín kiri ar tláy.»

Matayo 3:4

Yohane tlawuú aa tsiít kuna tleéhh ar se'éngw angamía, nee afetloowós a himuú kaahari, nee muruú /aymaarós a ingigi nee danuú darma.