ISAYA 7:2 - Biblía Axweesantá Hhohho' ar Mungú 2004

² Qoomár múk Yuda kuwa kaangwí báy, adór múk Aramu nee oo Efraimu tara aldinku'uumiís, muunuú waawutmo nee munér muko iri daaráx adór xaa'aá baraá gara fur'a ngir diingimaamis.

ISAYA 7:2 Iomraidhean Croise

2 SAMUELI 7:16

Do'ók nee waawuti'iimaroge i kumaamitiyá' dír geeraaeé' waá ale daqiisleém. Kitaangók oo waawuti'iima ku gawdees kureerisleém.› »

1 WAAWITÁ 11:32

Ala inós u tlahhoó wák i geexáw as sagadiyusmooeé' Daudi, nee as gixsar'eé' ar Yerusalemu, tidá' naa tsawaár baraá tlahh'i sleémeero awa Israeli.

1 WAAWITÁ 12:16

Ala muu sleémeero oo Israeli ngiwa axaás adór waawutmo ngira gaárí xuiiká, ngway bayé', «Atén nee doó Daudi alqaati a koomanaaká, gár ta koomaan dír garmoó Yesewo i káhh. Kuungá' múk Israeli, umuú heewo i watli amór do'ós i ale. Kuúng Daudi, do'ók kilók amohhe'emiseek.» Naagáy múk Israeli iri waátl sleémeero amór maray'íní ale.

1 WAAWITÁ 13:2

Heedaádá' kitangwdá' guri lu'ús iwa kaahi, «Aá kítaangw, AAKOÓ MUNGÚ i kaahi, ‹Na/aay ku laqwaal baraá tlahhoó Daudiwo, umuuwós ku bay Yosia. Inós kaahamuusér diirí wa gadiyuus, tidá' mooyángw tsuú' da/a/aam gawaawók i ale, inós kaahamuseerí ga ohín, gari daa/ gawaawók, nee fadaá muu gi gawaawók i daa/.› »

2 QOM'I 25:10

Waawutmo Amasia mukduú Efraimu guri watlís amór maray'ín, naagáy inooín tari waátl ala mune gaa farkiín amór múk Yuda.

2 QOM'I 28:12

Muko urén oo tlahhoó Efraimu, Asariya garmoó Yohanani, nee Berekia garmoó Meshilemoti, nee Yehiskia garmoó Shalumu, nee Amasa garmoó Hadlai, inooín mukdá' baraá slaqwarár daáhh nguna i gahhaatiyé'.

WARA'AMI 11:1

AAKOÓ MUNGÚ an dír guway'eé'! Adór kar qitla' aníng iwa beera', «/Akuút adór tsir/ír wa ale ay gawaá tlooma.

AXWEESANOÓ SAGALOOA 28:1

Múk tlákw tan tawo goow tam heé gi gusisiím i kahhi, Ala múk hota ganaá' ta diiqiiká adór direeri.

ISAYA 11:13

Da/itá Efraimu i fák, nee kudá' Yuda ngu dae tlaaqá' ki amór saáwí hingees, múk Efraimu i tloomaatlonká as múk Yuda, múk Yuda oo Efraimu gu daetlaaqiiká.

ISAYA 22:22

Aníng gweermór doó Daudi an dirós i haniís. Inós bar gaa nga gweér, heé ga tseék i kaahh, nee inós bar ngaa tseék, heé ga gweér i kaahh.

ISAYA 37:27

Qoomár /uuruú yaamuloouusér gixsaduudá' bira faák bir kaa dae tsaát kiri amoqwaareés, Inooín tarí adór balángw baraá qaymo, tari adór gitsór dutlutluu/ ar baraá qaymo, tari adór gitsór naa gawaá daanduú dó' wa ti'it, danú gan kahaas dír ira uraareriiká.

ISAYA 37:35

Asma aníng gixsarí an xuúm nee an ba/amís daanduueé' wá ale, nee as daanduú sagadiyusmooeé' Daudi.› »

ISAYA 6:13

Tam panoó niiná oo aa meet, aqo kun hhaamiis. Kuká' tari adór sahhti laqaá ta/eewi, tidá' guftanoowós aa meet alaá kawa tsaát. Guftanoowí tay iimu/úngw dahaasíngw hhohhó'.»

ISAYA 7:13

Isaya iri malé oó', «Iia qaasaak, kuungaá guruú doó Daudi! Dirhunge a gár niináwe muu kuwa slaaqatamisa', ahaá, mas Munguúeé' slaaqatisár wa sla'á' sleeme?

ISAYA 7:17

AAKOÓ MUNGÚ kuúng nee mukoge, nee múk doó waawutmo sleémeero, nun slahh'amuú yaariír huuw, oo adór kuduú múk Efraimu nee oo Yuda tiwa paraatliyé' ba/a, nun waawutmoó Ashúrúrí tleés as nuwa i haratlay.»

ISAYA 7:5

Múk Aramu nee Peka garmoó Remalia, dinkwa nee slaqwaruusér Efraimu taa tsabín kuúng uwa gár tlaákwí tleehhiya', ta kaahi,

ISAYA 8:12

«Miti haragaasara' nee mukwí baraá kaahir'ine, tam muruudá' inooín i da'ayumitiya', kuúng mu da'ayumitaar, laqaá ma xurumitaar.

ISAYA 9:9

Muu sleémeero gari xuu', múk tlahhoó Efraimu nee kudaádaá' yaamuloouusér Samariawo, ala kudaádá' axweesá' ar daara/aangw nee ar taqanaa/i. Inooín i kaahiyá',

YEREMIA 21:12

Kuungá' múk doó Daudi, anuú AAKOÓ MUNGÚ an kah, ‹Gan'amu matlaatleero tseewa tleehhaak. Heé taa daqaari'iima hayóh /iisaak dabaá múk /aytuuseero. Laqaá bar adooriheeká, buhhtaaeé' i adór asltá wa oohiyá', nee heé gaasaro ga aleesláw i kaahh, asma tlehhmi'iihúng kudá' tlakw.›

HOSEA 12:1

Umuú gaaro ar múk Efraimu i tlehhiiti a tawo. Lameemo nee muruú tlakwe ngin alkoná' tlehhtuuwo. Inooín alqado ngin tlehhiitiyá' nee múk Ashuru, nee di/i kan huwahuuw ay Misri.

Matayo 2:3

Waawutmo Herode adoorí ngiwa axaás iri kwisliít, tam múk Yerusalemu sleémeero iri kwisliít.