ISAYA 7:19 - Biblía Axweesantá Hhohho' ar Mungú 2004

¹⁹ Inooín nin hardihiyá' xatstadá' gaa wasl ngiri al'iwiitiyá', nee baraá mar'ór tla/u, nee gawaá laqaya' sleémeero, nee gawaá qawtanaay sleémeero.

ISAYA 7:19 Iomraidhean Croise

2 QOM'I 33:11

Gawaá adoorihe, AAKOÓ MUNGÚ geeraharuusér waawutmoó Ashuru gana ya/aáw amór múk Yuda. Manase nguri oohiyé' gway daba' tseegiyé' ar piínguduú muqslár sirda/aten, nguri huwiyé' ay yaamaá Babuloni.

ISAYA 2:19

Muu iri dah baraá mar'ór tla/u, nee baraá boh'ér yaamu, geeraá dae tlaquú AAKOÓ MUNGÚ nira hardihiiká nee xirfuú waawuti'iimarós, qoomár birna tláy as yaamu ngiwa dae tsati.

ISAYA 2:21

Inooín nin dahiyá' baraá guruú mar'ór tla/u, nee baraá pa/eeraá tla/u, geeraá dae tlaquú AAKOÓ MUNGÚ nira hardihiiká, nee xirfuú waawuti'iimarose, qoomár birna tláy as yaamu ngiwa dae tsati.

ISAYA 5:6

Aníng inós an xaanxaay tleéhh, sabiíbuuwós ku alkwasliiká, laqaá ku kakanusiiká. Fuquráy nee laqayaawo ngun alti'iitiyá'. Huunkáy u ádbáw, miwa gawaawósí tluúw.»

ISAYA 55:13

Kitángw xaa'aá laqya' niwa ti'iitiya' awa laqeelaá kooma'aaká nin ti'iitiya', kitángw fuqrayhe gár ti'iit a xa'anoó ta babay hadaási. Gaarí an gár kuungá' nu islawtis daanduú muruudá' anuú AAKOÓ MUNGÚ naa tlehhiiti, slaqsoó daqisleém oo baloó fiitsitaaká.»

ISAYA 7:24

Umuú heé baraadá' kawa, aqo ga/ale nee maheeriwo gin huuw, asma yaamu sleémeero naa hatsiyé' fuquráy nee laqayaawo.

ISAYA 7:25

Tam gongoamaadá' aáng ta doslasliti laqaya' nee fuquráy ngin wa ti'iitiyá', tam heé amoodá' keemuuwo ga qiítl i kaahh, as iwa fuquroó da'ayumiti nee laqayawo, ala yaamuuká' tay tleesantá hikwa nee bee/aangw.

YEREMIA 16:16

AAKOÓ MUNGÚ i kaahi, «Ga/aaweek, aníng múk yaariír oo siyoó ohiím ngu tleés as mukwí nguwa ohin. Aluuwo slakaatuusér yaariir ngiri tleés, ar mukwí gu slakaat gawaá umuú tloomaro, nee gawaá umuú gongoamaawo, nee baraá mar'ór tla/uuwo.

MIKA 7:17

Inooín tay hi'imiit ar gur'e hhape ngiri naatsiná' adór dayshe, niri baraá boh'er'ín wa ti'iitiyá' ar dae nee daaraxaay. Inooín de'eero nay amór AAKOÓ MUNGÚ, Munguúrén, i hardihiyá'. Niri dír geeraawósí sihhitiyá' ar de'e

SEKARIA 10:8

Aníng muk'eé' un ateét nguri dinkwaárií burumbuúr, asma iga tuú/, inooín niri adoodár aángár tlahhiyá'.

Matayo 7:16

Múk adoorí uqo tsahhá' ar tlehhmi'ii'ín. Xáy, muu sabiíbu gu gawaá xaa'aá laqayaá wa buaaína? Laqaá /aantsí ka gawaá xaa'aá laqayaá wa buaaína?