ISAYA 7:13 - Biblía Axweesantá Hhohho' ar Mungú 2004

¹³ Isaya iri malé oó', «Iia qaasaak, kuungaá guruú doó Daudi! Dirhunge a gár niináwe muu kuwa slaaqatamisa', ahaá, mas Munguúeé' slaaqatisár wa sla'á' sleeme?

ISAYA 7:13 Iomraidhean Croise

IIMU/UUNGW 30:15

Naagáy Lea iri ó', «Xáy, a gár niináwe hhawaatuueé' kuwa hayót, hám daxta mamaá xaai awa na/ay'eé' i hayoohár wa slá'.» Raheli iri ó', «Laarí Yakobo i amór do'ók i qaati, bar mamaá xaai awa na/aywók ngi hanís.»

2 QOM'I 21:7

Tam adoorihe AAKOÓ MUNGÚ doó Daudi nguwa qwaareesi gwa slaiiká, asma alqadoodá' aa oó' dír Daudi xwaylarós iwa waawuti'iin.

WARA'AMI 45:5

Waawutámo, maheeriwók i xaraasliyá', munér wakuuseerók ngin tlaquutiyá', muu nguri daraahhiyá' geeraawók i ale.

ISAYA 1:14

Deelorhúng tidá' uren ar slahhángw /abén nee tidá' taa hara'ayini aníng aga aáhh, muruuwí a adór huwár iiloo' dir'eene, aníng alqitluuwo ugwa harslaaqaát.

ISAYA 1:24

Gawaá adoorihe, Aako i kaahi, AAKOÓ MUNGÚ Aleesleemusmo, kudá' wák /Uuruú koóm oo Israeli, «Aníng wakuuser'eé' an i xaraásl, nee wakuuser'eé' ngay li/áy buú'!

ISAYA 22:22

Aníng gweermór doó Daudi an dirós i haniís. Inós bar gaa nga gweér, heé ga tseék i kaahh, nee inós bar ngaa tseék, heé ga gweér i kaahh.

ISAYA 25:1

Aá AAKOÓ MUNGÚ, kuúng an Munguúeé', aníng kuúng un xirfayeés nee un diidi'iimiís, asma kuúng muruú waa/oo/amór koóm una tléhh, muruuwók kudá' taa qoomés iimír aange, aqo un boo/és ar inkihhimu nee looeema.

ISAYA 43:24

Aníng kuungá' iga mooyángw tsuúi tlaxwi'iiká ar peésarhúng. Laqaá aníng iga aaxisi'iiká ar ilahhooár muruú ta tsu/i oo wahhaár. Ala aníng tlakweemaahúng iga al'iloouyé'. Aníng iga slaaqatisé' ar dakumisuuhúng.

ISAYA 63:10

Ala inooín tana dee/aanuút, qeeruuwós kudá' hhoohhoó' nguna gurhaamír ar ayé'. Gawaá adoorihe inós iri warqáy tari wakusmooín, inósuú kilá' iri amor'ín i muxuút.

ISAYA 7:12

Ahasi guri mu/aywaáts, iri oó', «Laya a firimaaká! AAKOÓ MUNGÚ nguwa iiar a sla'aaká.»

ISAYA 7:2

Qoomár múk Yuda kuwa kaangwí báy, adór múk Aramu nee oo Efraimu tara aldinku'uumiís, muunuú waawutmo nee munér muko iri daaráx adór xaa'aá baraá gara fur'a ngir diingimaamis.

YEREMIA 21:12

Kuungá' múk doó Daudi, anuú AAKOÓ MUNGÚ an kah, ‹Gan'amu matlaatleero tseewa tleehhaak. Heé taa daqaari'iima hayóh /iisaak dabaá múk /aytuuseero. Laqaá bar adooriheeká, buhhtaaeé' i adór asltá wa oohiyá', nee heé gaasaro ga aleesláw i kaahh, asma tlehhmi'iihúng kudá' tlakw.›

YEREMIA 44:22

AAKOÓ MUNGÚ tlehhmi'iihúng kudá' tlákw sa qitluuwo gina harslaaqaát, nee muruuhúng kudá' ta waki taa tlehhaahhité', gawaá adoorihe yaamu niri deewaiyé', nee niri xaanxay tleehhitiyé' tari adór gár taa lu'ús, tam heé gi hoot i kaahh, adoodá' hám laarí i dirii'iya'.

YEREMIA 6:11

Gawaá adoorihe buhhtaá AAKOÓ MUNGÚ baraeene naa hatsiyé' as inooín. Aníng ilaa/aro taa harslaaqaát.» AAKOÓ MUNGÚ iri báy, «Buhhta ku'uuseek gawaá na/iidaá baraá loohi, nee sleeme dír daqtá masoomba sleémeero, hhawaate nee /ameenaaro ki ar tláy, tam bariise nee bariisér aa diimadiindi.

ESEKIELI 16:20

«Slám daaqaywók nee dasuwók kudá' naa aníng i laqwál ina hanís tawa ilahhooár muruú ta tsu/i dír slaqsi'iiwók kudá'. Xáy ka xu', sli'imaarók tí aqo gár waaqa'atíta?

ESEKIELI 16:47

Kiíng naa dír lohduuín ngaa harki/ká eeharahaduwo, laqaá naa qoomoó slasla/aruín harki/ká. Har afiqoomár niinawe kiíng ana ló'wa hhiturút ta ak inooine baraá tlehhmi'iiwók sleémeero.

ESEKIELI 34:18

Kuungá' ka ga/eera', a gár niináwe kuungá' tunduwa /aymiís ar qawór hho', nee qawtantá hatlá' aa met kari tlupitá' ar ya'aahúng? Slám kuungá' ma'aá hhohho' ina wahaandé', ala kudá' naa meetiye' misa tumbiindé' ar ya'aahúng?

ESEKIELI 6:9

Amoodaádae aníng in inslayá' baraá tla/ángw xoorduudá' nay diya/ati'i. Ngiri inslayá' adoodá' ngira slaáhh, asma inooín nina inkihhimu wasleesiyé', niri warqayé', aníng harahhifooro iri mayé', niri warqayé' amór slaqasi'iidá munguaá hatlá', ngiri harahhifiyé'. Gawaá adoorihe inooín tari kilooín aahhiyá' asma tlakweemaín kudá' sleémeero naa tleehhiyé'.

AMOS 3:13

Aakoó MUNGÚ, Munguú Aleesleemusmo i kaahi, «Iia qaasaak, nee doó Yakobo gurbuaak.

MALAKI 2:17

AAKOÓ MUNGÚ ugwa slaaqatisé' ar /aymi'iihúng. Ala kuungá' a kata', «/Ayma'aá kura slaaqatiisaán a gaalá?» Asma tawa kata', «Umuúqo heé tlakweemaá tlehhiít ku hhoó' dír ilaá AAKOÓ MUNGUHE. Inós múk adór kwí gun sa qwalalaa/,» laqaá tawa kata', «Munguúdá' sakwasleemár ganaa' ga tleéhh i amá?»

FAARO 16:13

Xáy gaarí an gár niinaáwe tiwa dúx baraá yaamaá Misrír wa ale, yaamaá diihhooár ilwa nee dane, as tiwa tsu/ baraá xaanxaywí ale? Slám ti malé sawaawuti'iín!

FAARO 16:9

Xáy kuungá' ka ga/eera', a gár niinaáwe tunduwa tsawaár baraá tla/ángw múk hatlae as Mungú kuwa sagadiyusa' baraá heémár AAKOÓ MUNGÚ wa ale, nee tawa sihhmita' as xooroorí kawa sagadiyuusa'?

Luka 1:69

Ba/amusmoorén oo /uuruú koóm ngwa sláy baraá tlahhoó lawaalmoowós Daudi wa ale,

Tlehhema'aá ya/Abuuse 7:51

«Kuungá' tundu sage gawdén. Slám munerhúng nee iaahúng a adór kuqaá múk Mungú xua'aaká. Umuúqo daqto kuungá' Qeeruú hhoohhoó' oo Mungú un siaiindá' adoodár baabi'iihúng sleeme naa tleehhiyé'.

Ebrania 3:10

Gawaá adoorihe aníng qartadá' ana i buúhh, niri oó', ‹Mukwí deelo sleémeero a múk muner'ín aa qwat, nee slám loohir'eé' kaa baloó xuiiká.›