ISAYA 7:11 - Biblía Axweesantá Hhohho' ar Mungú 2004

¹¹ «AAKOÓ MUNGÚ, Munguúwók firimeek, laya ngiwa laqan ar baraá giaá daahh laqaá ar doori.»

ISAYA 7:11 Iomraidhean Croise

1 WAAWITÁ 13:3

Heedaáduú Mungú baalaadár kilae laya giri laqan iri oó', «Gaarí a layár AAKOÓ MUNGÚ naa oó', ‹Kitaangwí iri tla/aa feehhiit, da/arár gawaadií dirii' iri ku'út.› »

2 WAAWITÁ 19:29

Aluuwo Isaya waawutmo Hesekia guri báy, «Gaarí an laya diroge, kurkí nee kurkuquú hatlae kuúng balángw ta /ak a kudá' aa kilós ti'iit. Ala bál kurkú tame balaangw un dahasá' nee kuri fiqá', nee sabiíbu kuri dahasá' mamuuwós kiri /agá'.

TI'INAANGW 7:9

«Qoomár Farao burna báy, ‹Waa/oo/amo tleehhaak,› daqaní kuúng Aroni ku beer, ‹Hhartók taatahheek, dír geeraá Farao ti kwahh, daqaní i dayshamo tleehhít.› »

ISAYA 37:30

«Hesekía, layár kuúng ta aan a tí, kurkí gár ta /aga' a kwaláydá' naa ti'iit baraá qaymór wá ale, kurko sleeme aqo adoorí. Kurku tame ta dahasiín nee ku fiiqít, sabiíbu ku dahasá' nee mamuuwós ki /agá'.

ISAYA 38:22

Hesekia iri malé oó', «Laya a milá as aníng niwa amór doó AAKOÓ MUNGÚ kaw?»

ISAYA 55:13

Kitángw xaa'aá laqya' niwa ti'iitiya' awa laqeelaá kooma'aaká nin ti'iitiya', kitángw fuqrayhe gár ti'iit a xa'anoó ta babay hadaási. Gaarí an gár kuungá' nu islawtis daanduú muruudá' anuú AAKOÓ MUNGÚ naa tlehhiiti, slaqsoó daqisleém oo baloó fiitsitaaká.»

ISAYA 7:10

Slamí AAKOÓ MUNGÚ Ahasi guri báy,

ISAYA 7:12

Ahasi guri mu/aywaáts, iri oó', «Laya a firimaaká! AAKOÓ MUNGÚ nguwa iiar a sla'aaká.»

YEREMIA 19:1

AAKOÓ MUNGÚ aníng ina báy, «Tláw, sirwír hhekw tlaxweek dír heé tleeusmowo, daqaní bariise báhh'alé nee kaahamuusér uren ar Mungú ka léhh.

YEREMIA 19:10

«Daqaní kuúng sirwidá' ka gás dír geraá mukdá' nee kuúng ti alkoomá'

YEREMIA 44:29

AAKOÓ MUNGÚ i kaahi, «Layár ta aanda' a tí, aníng kuungá' nun iimu/uúm muxtaaro diirír kilá' wa ale, as kahhó' kuungá' kawa tsahha' adór axweesante'eé' tar ló' daaduhunge as tlakweemaahúng.»

Luka 2:12

Layár ta aanda' a tí, ‹Na/oó qawri u didií eerá', kwaa tsiitiís ar inqwaruú na/oó qawri, kwaa qaatiís baraá miringamoó gitsór hikwa ki qamaamin.› »