ISAYA 7:1 - Biblía Axweesantá Hhohho' ar Mungú 2004

¹ De'emaá waawutmo Ahasi garmoó Yotam, garmoó Usia, tawa waawutmoó Yuda, qoomaadae slaqwara nina /awuúr. Resini waawutmoó Aramu nee Peka garmoó Remalia, waawutmoó Israeli, gixsár Yerusalemu kana i haratláy, ala ngaa hayohi'iiká.

ISAYA 7:1 Iomraidhean Croise

2 WAAWITÁ 15:25

Peka garmoó Remalia kuduú geeraharusmoó slaqwaruusér Pekahia, inós nee múk mibeeri kooán oo Gileadi tana aldinku'uús Pekahia nguwa geewaqaatiya', nguri gaasiyé' dinkwa nee Argobu nee Arie baraá guruú koo/ír gawit ar doó waawutmo, tidár baraá Samaria, Peka iri waawuti'ín kitaangós wa aleeró.

2 WAAWITÁ 15:27

Kurkú mibeeri kooán nee tsár oo waawuti'iimár Asariya oo Yudawo, Peka garmoó Remalia waawuti'iima gana iimu/ún baraá yaamaá Israeliro, baraá gixsár Samariaro. Inós baraá waawuti'iimaro kureeri ngaa /aáy a mibeeri tsár.

2 WAAWITÁ 15:37

Qoomár waawuti'iimár Yotamwo, AAKOÓ MUNGÚ waawutmo Resini oo Aramu nee Peka waawutmoó Israeli gina /agís as tawa haraatlay baraá yaamaá Yuda.

2 WAAWITÁ 16:1

Kurkú mibaá nee faanqw oo waawuti'iimár Peka garmoó Remalia waawutmoó Israeliro, Ahasi garmoó Yotam waawutmoó Yuda waawuti'iima gana iimu/ún.

2 WAAWITÁ 16:5

Aluuwo Resini waawutmoó Aramu nee Peka garmoó Remalia waawutmoó Israeli tana tláy tawa slaqwarár ay Yerusalemu. Inooín Ahasi nguna harweeriyé' ala ngwa baali'iiká.

ISAYA 1:1

Kaangwí an iigu'utuú Isaya garmoó Amos aa ár, daanduú Yuda nee gixsár Yerusalemuro, de'emaá waawituú Yuda oo aa waawuti'ii'ín tawa kwí: Usia, nee Yotam, nee Ahasi, nee Hesekia.

ISAYA 8:6

«Asma mukwí ma'aá Shiloa kudá' tseegisárár wa/amiimá' ngina si'iyé', inooín Resini nee garmoó Remalia ngina saqwala/iyé',

ISAYA 9:11

AAKOÓ MUNGÚ múk gi tlampa'amiís ngu huuw, nee gin wakuuser'ín i /agis.

ESEKIELI 27:16

Múk Edomu halaanu'uuma kana tleéhh nee kiíng asma muruú ta weermis ku ló'wa úr. Inooín xooslarók ngina tlaxuné' ar tlaa/aá ta bay akiíki, warqamaá sirda/aten, warqamaá taa qaalín ar kitaánír hhohho' nee tlaa/aá ta bay marijaáni nee awa yakuúti.

HOSEA 1:1

Kaangwí an axweesantá AAKOÓ MUNGÚ ar Hosea aa axaás, garmoó Be'eri, de'emaá waawituú yaamaá Yuda tawa Usia, nee Yotam, nee Ahasi nee Hesekia, nee waawutmoó yaamaá Israeli tawa Yeroboamu garmoó Yoashi.

MIKA 1:1

Kaangwí an axweesantá AAKOÓ MUNGÚ, tidá' Mika aa axaás, heé gixsár Moresheti, de'emaá waawituú yaamaá Yuda tawa Yotam nee Ahasi nee Hesekia. Inós axweesantí gana axaás ar loohír iigu'utuú aa araa'ár daanduú gixsár Samaria nee ar Yerusalemuro.