ISAYA 66:5 - Biblía Axweesantá Hhohho' ar Mungú 2004

⁵ Axweesantá AAKOÓ MUNGÚ iiárií qaasaak kuungáká' axweesantós ngi ilaiwawaa/á'. «Hhaeehúng kudá' kuungá' nu ahhiitá' nee naa si'iye' as umuueé' inooín i kaahiya', ‹Gimáy AAKOÓ MUNGÚ ti xirfayeesi as atén qwal/uuhúng nguwa araan.› Ala múk ta mureekeesi an inooín.

ISAYA 66:5 Iomraidhean Croise

1 WAAWITÁ 21:29

«Aga aándi Ahabu adór tira niinaweés dír geeraaeé'? Asma tiwa niinaweés ló'wa ale, aníng slahh'amaayeedá' a huwaaká qoomár inós bir slaaf, ala a qoomár waawuti'iimár garmaawose aníng doó Ahabu un hhaamiís.»

2 WAAWITÁ 22:10

Naagáy Shafani kuduú goousmo waawutmo guri báy, «Hilkia kaahamusmoó Mungú iga kitaábuú i haniís.» Shafani kitaábuudá' guri soomuús dír geeraá waawutmoó wa alé.

2 QOM'I 34:27

Asma kuúng muunaáwók kuwa hhoó' nee tiri niinawés dír geeraaeé', nee tlabaawók kiri feehhamís, nee tari /aa/amiín, qoomár axweesanay'eé' kuwa axás daanduú yaamuukae, nee daanduú yaamuloouuser'ine, tiri niinawés dír geeraaeé'. Anuú AAKOÓ MUNGÚ kuúg ugwa axaás.

ESRA 9:4

Aluuwo mukdá' axweesantá Munguú Israeli ngi da'ayumiitá' iri i burumburitiyé' as inkihhimu waslér mukdá' naa baraá looháy wa waatl, aníng niri iwiít ar dae ay qoomár ilahhooár muruú ta tsu/i ar tsiindo kawa hanmiisi.

WARA'AMI 119:120

Aníng a daaraáx as kuúng uwa da'ayuumiít, aga daanda feehhiít as kwasleemarók.

WARA'AMI 38:20

Kudá' aníng i tlakweemaá i tlehhiitá' as hhooeema ngiwa tleéhh, inooín a wakuuser'eé' asma aníng gár naa gurií baá/ a hhooeema.

AXWEESANOÓ SAGALOOA 13:13

Umuúqo heé axweesantá waaqaqaá' ti kilós hhitín. Ala umuúqo heé hara'aya ga ilaiwawaá/ qeemu gu sláy.

DAA'AANGW 1:6

Aníng mi i qaytsimiitara' asma tiwa boó/, asma án tina boo/eés nee tsee/amá. Hhaee'eé' awa daaqaay ina i buhhiyé', Iri xuumusmoó qaymór sabiíbuú wa qaasiyé'. Ala qaymo te'eé' ar kilá' aga xuumiiká.

ISAYA 26:11

Aá AAKOÓ MUNGÚ, dakók ugwa mak gáwtí tlés, ala inooín ngu ara'ariaaká. Ala sla'aarirók tidá' daanduú mukoge u tliw/iim ngi ariye', nee mureekeeseek, asltá wakuuseerók kawa i búhh inooín ngi hhaamis.

ISAYA 5:19

tawa kaahi, «AAKOÓ MUNGÚ mawaak ni gaansluuti, tidá' aa oó' i tleehhamór wa slai a araán. Kudá' Hhoohhoó' oo Israeli tidá' i slai i tleehharut a araán, as kahhó' kawa xuaan.»

ISAYA 60:15

Kiídár aáng taa sií' nee taa aáhh, tam heé baraadár waaraáhh i kaahh. Ala hamí daxta i xirfayeés ay alhhe'eesay wasle. Tari gixsár qwala/ baraá qari sleémeero.

ISAYA 65:13

Gawaá adoorihe, Aakoó MUNGÚ i kaahi, «Ga/aawaak, sagadiyuuser'eé' i /ayiín, ala kuungá' qwari nu tsuu/. Ga/aawaak, sagadiyuuser'eé' i wahaán, ala kuungá' waxe nu fák. Ga/aawaak sagadiyuuser'eé' i qwalaalá/, ala kuungá' tundu mureekees.

ISAYA 66:2

AAKOÓ MUNGÚ i kaahi, «Muruuwí sleémeero a gadiyér dabaaeé', gawaá adoorihe muruuwí a kwe'eé'. Ala aníng heé ni i qaytsiit a heé adoorí: Heé tsatsa'aár nee oo aa gwadiidin, nee heé axweesante'eé' ga da'ayumiít.

YEREMIA 36:16

Qoomár kangwdá' sleémeero nguwa axaasiyé' tiri kilooín i qaytsitiyé' ar dae. Baruku nguri bayé', «Kaangwí aqo un ooár awaán dír waawutmo.»

HOSEA 11:10

Inooín anuú AAKOÓ MUNGÚ i eehariyá', anuúdá' /oroótl adór diraangw, an i /oroótl, na/ii niri /uwá wa hardihiyá' ar daaraxaay.

Matayo 10:22

Kuungá' muu sleémeero nu aahh as aníng. Ala heedaádá' aa qiitl ay alhhe'eesaay, an kudá' ba/ám.

Luka 13:17

Qoomár iwa axweesi, kudá' sleémeero inós ngu tlaampa'amisá' kiri mureekeés. Ala boo/aay sleémeero iri qwalalaá/ asma muruuduú waa/oo/amo sleémeero Yesu aa tleéhh.

Yohana 16:2

Kuungá' tundu baynitis dír maraá saalingo. Slám qooma i hardát ar umuúqo heewo oo kuungá' nu tsuú/, ngiwa xui i Munguú sagadiyuus.

Yohana 9:34

Inooín tari oó', «Kuúng bartuna laqwaál baraá tlakweema, kuúng daxta atén adór tir intsaahhatimis a adoomá?» Kuri tsee/ií duúx baraá doó saaliingo.

2 Tesalonike 1:12

Gawaá adoorihe umuú Aakoorén Yesu ku xirfayeesi baraahúng wa ale, nee kuungá' tundu baraawós wa xirfayeesi, ar loohír gurtleemuú Munguúrén nee Aako Yesu Kristo.

Tito 2:13

qoomár boo/emisuú harahhifoorén kuwa daamaaramaan. Harahhifo an tí, Munguúrén oo úr nee Ba/amusmoorén Yesu Kristo nin hardah ar baraá xirif.

Ebrania 9:28

Adoorí an adoodár Kristo sleeme ku laqi. Inós kuna ilahhooár wa haniís sagaáwa wák wa ale as tlakweemaá múk yaariír ngiwa hingeesi. Inós nin malé ti'iit baraakaá yaamuwo sagaáwa tsár wa ale. Ala gár nis hardihi a tlakweema hingeesarooká, ala a mukdá' inós gu daamaaraám nguwa ba/amisi.

1 Yohana 3:13

Hhaee'eé', kuungá' bar múk aa haratlintii'iiká naa aáhh ma waa/oo/amimara'.