ISAYA 66:4 - Biblía Axweesantá Hhohho' ar Mungú 2004

⁴ Gawaá adoorihe, aníng i amotlakweérií huúw tidá' i da'ayumitiya' gin sleér, asma qoomár ngiwa ateetiim heé aa ooin i kaahh. Qoomár niwa axweés inooín i axamisiaaká. Ala inooín muruú tlákw nguna tleehhiyé'. Tidá' aníng i sla'tamisaaká ngina tsawaariyé'.»

ISAYA 66:4 Iomraidhean Croise

2 WAAWITÁ 21:2

Inós muruú tlákw guna tlehhiít dír geeraá AAKOÓ MUNGUHE ar tlehhma'aá tlakw awa xoordaá hatlá' kiwa aleealuusi, kudá' AAKOÓ MUNGÚ aa guús geeraá xoorór Israeli wa ale, qoomár inooín iwa darahiya' baraá yaamuudá'.

2 WAAWITÁ 21:6

Inós na/aywós guna haniís as tawa ilahhooár da/a, tlaa/e giri xuú', iri tsuuqaá a'áy, tari aldinku'uús nee qwaslaarér giaá duxuum nee da/aluuse. Inós muruú tlákw guna ló'wa tlehhiít, AAKOÓ MUNGÚ guri mune duúx.

WARA'AMI 81:12

Gawaá adoorihe aníng ina máw tawa tlay ar adoodá' inooín i slaiya', nee ar baraá hara'ayduín.

AXWEESANOÓ SAGALOOA 1:24

Án kuungá' nuna ateetiím ooimaro tari sié'. Nuri dabár ateetiím sleeme, ala heé qaytsimiít i kaahh.

AXWEESANOÓ SAGALOOA 10:24

Gadaádá' heé tlaákw i da'ayumiti gu sleér, heé ganaá' gadaádá' i slai ka haniis.

ISAYA 50:2

Ahaá waáy, qoomár niwa hardáh heé naa didií áw mis kaahh? Qoomár niwa ateét heé aa ooin mis kaahh? Xáy, dakw'eé' ku ququmaáre ba/amisa gari aslayká? Laqaá aníng /uuruú nir ba/amis u koomaakáhe? Ga/aawaak, tlawi ngiwa i gahhaát, ma'aay niri kahiyé', yaae ngiri yaamaá xaanxay tleéhh, siyó iri diíx as ma'aay ngiwa dakuús nee ina qaátl as waxe.

ISAYA 59:15

Looeema naa qwaariyé', kudá' tlekweemaá tlehhitaaká hotaawós i baraá tsaxwa. AAKOÓ MUNGÚ adoorí gari ár, guri buhhtís. Adoorí guri buhhtís asma sakwasleemár ganaa' i káhh.

ISAYA 59:7

Umuú daqto an baraá tlakweemií ti'ii'indá' an gaansliindá' tseerér heé dakuús wásl kawa ku'usa'. Inslawayhúng umuú daqto ku tlákw. Umuú dír taraqo waarahhi'i aqo hhituru'uuma nee deewa'ame an tlehhtá'.

ISAYA 65:12

Aníng aga qoomeés tunduwa tsu/i ar paánga sleémeeró tundun tsuú/. Asma qoomár nuwa ateetiim, aga ooindi'iiká qoomár niwa axwees a axamisa'aaká. Ala kuungá' muruú tlákw una tlehhé' dír geeraaeene, nee tidá' aníng i sla'atimisaaká kari tsawdé'.»

ISAYA 65:2

Aníng dabaaeé' ina laqaqaám tlatla/aangw sleémeero dír mukdá' a dee/aanuut. Kudá' lohdaá qooma'aakár hootá' kudá' sager'ín kilós ngi /ayá'.

ISAYA 65:3

Mukwí an múk aníng i hayloórí lehhiít umuú daqto dír geeraaeene ilahhooár muruú ta tsu/i hanmiisiyá' baraá asalmaá wa ale mooyángw tsuú' ngu da/aa/aná' gawaá matofaali.

ISAYA 65:7

AAKOÓ MUNGÚ i kaahi, «Tlakweemaaín nee awa baabi'ii'ín in dinkwaárí buú'. Asma inooín mooyángw tsuú' nguna gawaá tlom'ií wa da/a/ané', ina gawaá gongoamoó wa /ooslisliné'. Aníng qoomoó haáts un dir'ín i qoomeés, kin buu' as tlehhmi'ii'ín kudaá aáng naa tleehhiyé'.»

YEREMIA 35:17

Gawaá adoorihe, anuú AAKOÓ MUNGÚ Aleesleemusmo, Munguú Israeli a kah, ‹Aníng múk Yuda nee yaamuloouuse sleémeero ar Yerusalemu a amotlakwérí huúw, tidá' naa oiím dir'ín i alé, asma aníng ana axweés, ala inooín iga iiárií qaasi'iiká, ina ateét, ala naa ooin'iiká.› »

YEREMIA 7:13

AAKOÓ MUNGÚ i kaahi, ‹Hám daxta muruuwí kuwa qo tlehhahhiti'i, nee qoomár nuwa i axweemaamiís iga iiárií qasi'iiká, tam qoomár nuwa ateetaatiím aga ooiindi'iiká.

YEREMIA 7:30

AAKOÓ MUNGÚ i kaahi, «Xwaylár Yuda tlakweema gaa tléhh dír ilaeene. Inooín muruuín kudá' án ni waak ngwaa baraá dooeé' i qaasiyé'. Dooeé' kudá' taa umuuér ateét ngway meetagaasiyé'.

ESEKIELI 11:8

Xáy, kuungá' paánga a da'ayumitá'a? Gimsé', aníng paánga ngin huúw dirhúng i alé.

ESEKIELI 14:4

«Inooín baweek, anuú Aakoó MUNGÚ a kah, Heé baraá tla/ángw múk Israeliwo oo muunaáwós ta hatsís nee slaqsa'aá munguaá hatlá', nee gari ló'wa ya/án kuwa gan'amisi nee munguiiká tleehhmaá' tlákw ngiwa tleehhi, aluuwo tari daqáy dír aarusmo as iwa hara'ayár leehhiya', anuú AAKOÓ MUNGÚ in mu/aywaáts, ar mu/aywatstá qoom tam dír slaqsi'ii'ín kudá' yaariire.

ESEKIELI 20:25

«Slám kaahír tlakw tidá' hee birnga eehár iwa gwaai ana haniís.

Matayo 24:24

Asma kristo lama nee aaruusér lamuuseero ni ti'iitiyá' Inooín layu nee muruú waa/oo/amooro ngu tleehhiyá' as múk yaariír kuwa al/ayi, bir ya/aán tam mukdá' Mungú aa tsawaár sleeme.

1 SAMUELI 8:19

Ala mukdá' afór Samueli kawa iiarií qaasi kana sií', tari oó', «Xáw xeer, atén gár ta sla'aan a waawutmoó atén ti sawaawuti'iím,