ISAYA 66:3 - Biblía Axweesantá Hhohho' ar Mungú 2004

³ Ala mukwí adór i slaiya' ngin tlehhiitiyá', dir'ine dimbé i káhh bar awu ngwa gaasiyé', laqaá hee, Bar deelmoó bee/i ngwaa ilahhooár wa haniisiyé' laqaá seeaay. Bar balaangw ngwa ilahhooár wa haniisiyé' laqaá tseerér baynamo. Bar ilahhooár inslaslaangw ar mooyángw koóm ngwaa haniisiyé' laqaá bar munguúduú murslaaqat ngwa sluufmiisiyé'. Mukwí lohduuín gina kilooín sláy, nee muner'ín ka sla'atamis nee muruuín kudá' ni waak.

ISAYA 66:3 Iomraidhean Croise

AXWEESANOÓ SAGALOOA 15:8

Ilahhooár muruú ta tsu/i ar heé tlaákw AAKOÓ MUNGÚ ga waak, Ala firór heé hhoó' gun qwal/atimís.

AXWEESANOÓ SAGALOOA 21:27

Ilahhooár muruú ta tsu/i ar heé tlakusmo ka waak, Heé inslaway tlákw ilahhooarós kan ak slaiiká.

ISAYA 44:19

Heé tí gaa aldaakw i kaahh, laqaá oo xu'utír koóm i kaahh oo tí ga inslasláw tawa kaahi, «Tlaqtá xa'anoowí ana hamiís nee ngiri mikaátér tleéhh, ngiri fu'unár daá/ ngiri /aáy. Xáy bartadár hatlá' aa met an tleéhha ar gár ta waki, bartadár hatlá' aa met ngiri sluufmiísa?»

ISAYA 53:6

Atén sleémeero ana adór bee/ángw wá qwaaraán umuú heewo loohirós gaa óh. Ala AAKOÓ MUNGÚ tlakweemaarén sleémeero gina gawaawós i tsa/aás.

ISAYA 57:17

Ina i buúhh asma tlakweemaaín nee as ilatleerir'ín ngiri muúx, niri nahhaát, as niwa buúhh. Ala nina ak kumiitiyé' loohir'ín tidá' i slaiya' eeharahaduwo,

ISAYA 65:12

Aníng aga qoomeés tunduwa tsu/i ar paánga sleémeeró tundun tsuú/. Asma qoomár nuwa ateetiim, aga ooindi'iiká qoomár niwa axwees a axamisa'aaká. Ala kuungá' muruú tlákw una tlehhé' dír geeraaeene, nee tidá' aníng i sla'atimisaaká kari tsawdé'.»

ISAYA 65:2

Aníng dabaaeé' ina laqaqaám tlatla/aangw sleémeero dír mukdá' a dee/aanuut. Kudá' lohdaá qooma'aakár hootá' kudá' sager'ín kilós ngi /ayá'.

ISAYA 66:17

AAKOÓ MUNGÚ i kaahi, «Mukdá' ti kilooín hhoohhoeemiís nee ti hamtliít as tawa dahi baraá asalmoó firór munguaá hatlá', kudá' nee kaahamuuser'ín ti alkoomá', fu'unaá baynamo ngiri /ayiyá' nee muruú hatlá' oo ta waki, nee gareeriiwo. Mukwí sleémeero ta tsuwa qaatl dinkwaárí alé.

YEREMIA 6:20

Asma milá misa ubaánír amór Shebár daáhh i hubé' tidá' mooyángw tsuú' koom? Nee uúdi ar mooyángw tsuú' koom mis nga amór yaamaá saáw wa hubé'? Ilahhooarhúng tidár da/a ka ya/aniká, laqaá ilahhooarhúng tidár muruú ta tsu/i i sla'atimisiiká.

TLAHHOÓ LAÁWI 2:2

Naagáy kay huuw dír daaqoó Aroni kudaá kaahamuuse. Tsa/oó wák oo puuruúdá' natsatsaá' taa dí/tí qaás, nee mooyángw tsuua kari huuw amór kaahamusmo, inós gari daa/ gawaá kitángw ilahhooa, tawa ilahhooár inslaslaangw. Ilahhooarí ta da/aa/an slaahhareeriiwós AAKOÓ MUNGÚ nguri sla'atisiyá'.

HAGAI 2:14

Hagai iri oó', «AAKOÓ MUNGÚ i kaahi, ‹Adoorí an adór xoororí ii diri' dír geeraaeene, nee an adór gadiyér dabaaín ii diri', tam gadaádá' ni ilahhooár wa haniisiya' sleeme kaa meetagaás.› »

DABE 14:8

Sleeme tam baynamo mu /ayaara', tam handá' fuqeeniiwós a tsare, inós i /aarusiiká. Inooín har meetimaak, Fu'unay'ín mi /ayaara' laqaá tu'uuín mi kwatitara'.

DABE 23:18

Bu'utuú tsaatu'uuma oo taa sleér as seeu'uumár fuqi mu huwaar amór doó AAKOÓ MUNGÚ, Munguúhúng as al'axweesani kawa boo/es. Asma AAKOÓ MUNGÚ, Munguúhúng, muruuwí tsaraawo gu waak.

HAR'OHUUSE 10:14

Tlawsé' munguihúng kudaá hatlá' taa tsawdé' i /aa/aá awaak, nu /iisiye' baraá slahh'amuuhunge.»

HAR'OHUUSE 21:25

Qoomaadae waawutmo i kaahh baraá yaamaá Israeliwo. Umuú heewo adoorós ar i slai gana tleéhh.

HAR'OHUUSE 5:8

Qoomár munguaá /aben ngiwa tsawaariyé', slaqwara niri ti'ít baraá ayko. Ala hee i deéro oo lawaala gaa taataahh, laqaá gaamboót, baraá tla/ángw slaqwaruusér kume mibeeri tsiyáhh ar Israeliwo?