ISAYA 66:23 - Biblía Axweesantá Hhohho' ar Mungú 2004

²³ Anuú AAKOÓ MUNGÚ a kah, «Umuúqo deelór ur ar slahhángw /abén niwa ti'iít, nee umuúqo deelór Sabaátoro, muu sleémeero nin hardah as aníng iwa sluufmisuú aya'.

ISAYA 66:23 Iomraidhean Croise

2 WAAWITÁ 4:23

Hhawaatuuwós gari báy, «Ahaá laarí gár tas amoorós keer a mila? Laarí a slahhángw /abeneeká, sleeme a deelór Sabaátorooká.» Inós guri beér, «Gár tlaakw i káhh.»

WARA'AMI 22:28

Asma waawuti'iima ar AAKOÓ MUNGÚ. Inós an kudá' xoordu gi sa waawuti'iím.

WARA'AMI 65:2

Kuúng firo a axamís, muu sleémeero u i hardah.

WARA'AMI 65:3

Bar har tlakweemaaine, tam dakumisuú yaariír tir ba/aaba/i, kuúng dakumisuurén un gurtleér.

WARA'AMI 86:9

AAKOÓ MUNGÚ, xoorduudá' sleémeero kuúng taa tléhh u i hardihiyá', kuúng turi i tumbararaa'amiit, umuuwók kuri xirfayemiis.

ISAYA 19:21

AAKOÓ MUNGÚ tiri xu'utis dír múk Misri. Nee múk Misri AAKOÓ MUNGÚ nguri xuiyá', nguri sluufmiisiyá' ar ilahhooár muruú ta tsu/i, nee ilahhooár da/a/ango, nee al'axweesani ngiri oiná' dír AAKOÓ MUNGÚ, ngiri boo/eesiyá'.

ISAYA 19:23

Baalaadae loohír ur ni Misrír wa tleér ay Ashuru, múk Ashuru nee múk Misri tiri haraxaxayá'. Múk Misri nee oo Ashuru Mungú nguri dinkwár sluufmiisiyá'.

ISAYA 2:2

Adoorí an adór deelór alhhe'eesaywo tleehharuut. Tloomár Doó AAKOÓ MUNGÚ ka gawdees tlom'i sleémeero ba/a, nee kari gáwtí tlees tlom'aá hatlá' ba/a, nee xoordu sleémeero ngiri i daqayá'.

ISAYA 27:13

Baalaadae tarumbeétár yangaariir kari ufaahh. Mukdá' sleémeero aa qwaar baraá yaamaá Ashuru, nee kudá' taa huwi baraá yaamaá Misri ni hardihiyá', AAKOÓ MUNGÚ nguri sluufmisiyá' gawaá tloomarós tidá' hhoohhoo' wa ale, ar Yerusalemu.

ISAYA 49:7

AAKOÓ MUNGÚ kuduú ba/amusmoó Israeli, kudá' hhoohhoó' oo Israeli, i kaahi, heedá' xoordu naa aahhiyé' nee i waaqaqaiya' kuduú lawaalmoó geeraharuuse, «Waawitá kuúng u ar iri sihhiit, geeraharuuse gun kiloón i tumbararaa'át, as anuú AAKOÓ MUNGÚ kudá' inkihhimuú koóm, kudá' hhoohhoó' oo Israeli, kudá' kuúng ugwa tsawaar.»

ESEKIELI 20:40

Asma aníng gawaá tloomar'eé' tidá' hhoohhooe, tidá' tleraantleer ar yaamaá Israeli, aníng Aakoó MUNGÚ a kah, Kuungá' sleémeero awa múk Israeli in didá' wa sagadiyusá'. Amoodaádae aníng kuungá' nu ilaaóh, nee nuri daám iwa ilahhooár i huba', nee ilahhooár hhohho' tidá' taa tsawdé'.

ESEKIELI 45:17

A gadiyér geeraharusmoó ilahhooár da/a ngiwa slay, nee ilahhooár balaangw, nee ilahhooár wahaangw ar ta hanmiisi qoomár deelór ur bál slahhaangw birna ti'iít, nee deelór Sabaáto, nee deelór uren sleémeero ar taa qaás baraá múk Israeliwo. Geeraharusmo ilahhooár tlakweema hingeesa gan amohhe'ees, nee ilahhooár balaangw, nee ilahhooár da/a, nee ilahhooár wayda as haraki/isa kawa tleehhi dír múk Israeliwo.»

ESEKIELI 46:1

«Anuú Aakoó MUNGÚ a kah, Afkú do', kuduú afeenír baraá guruú do', kuduú bihhaá da/aáw, ku tseegi deelo lahhoó' tidár gadiyeede. Deelór Sabaáto nee deelór slahhángw /abén birna ti'iít ku gweeri.

ESEKIELI 46:6

Qoomár slahhángw /abene inós awu batlitamo ngu haniisi, nee deeloó bee/aangw oo lahhoó', nee gwaanduú wák, sleémeero ki xaslxaansli wasl.

SEKARIA 14:14

Múk Yuda tari slaaqw as Yerusalemu kawa xun nee daqaari'iimár yaariir ar xoordu sleémeero kari burumbuur sahaábu nee peesaaro nee tlabaawo.

SEKARIA 14:16

Aluuwo heé aa meet baraá xoordu sleémeero kudá' naa slaqwi'i nee múk Yerusalemu, niri hardah as waawutmo AAKOÓ MUNGÚ Aleesleemusmo nguwa sluufmisuú ay, nee deelór ur ar Isleeri ngiwa harmagagaahhi.

SEKARIA 14:18

Barnaxes múk Misri i daqaqayká baraá deelór ur ar Isleeriwo, AAKOÓ MUNGÚ Aleesleemusmo gin tiqtír tlákwár slaahh, tidá' xoorduudá' daqaqawa'aaká ngir slahhi.

SEKARIA 14:19

Adoorí an adoodá' múk Misri kur muxi nee xoordu sleémeero, awa daqaqawa'aaká baraá deelór ur ar Isleeriwo.

MALAKI 1:11

Asma iimír amoodá' looa iwa tsiraarihh, tam ay amoodá' i darat, umuueé' ku úr baraá xoorduuwo. Umuúqo mooyángw tsuú' kun da/aa/án nee ilahhooár hhohho' kan hanmiis asma umuueé' ku úr baraá tla/ángw xoorduuwo!

Yohana 4:23

Ala qooma i hardát, nee hám naa hardát, ar mukdá' sluufmiís ló' wa ale, Baabá kuwa sluufmiisi ar qeeru nee looeema, asma Baabá múk adór kwí gu leelehhiit oo gu sluufmiís.

Geehhoeemaá 15:4

Aáko, heé kuúng u da'ayumiitaaká a heemá, nee heé umuuwók xirfayeemiisaaká a heemá? Asma oo hhoohhoó' a kuúng kilók. Xoordu sleémeero ni hardihiyá' nee niri dír geeraawók i tumbarara'amitiyá', asma tlehhemi'iiwók awa ganaa'á' naa geehhouyé'.»