ISAYA 66:2 - Biblía Axweesantá Hhohho' ar Mungú 2004

² AAKOÓ MUNGÚ i kaahi, «Muruuwí sleémeero a gadiyér dabaaeé', gawaá adoorihe muruuwí a kwe'eé'. Ala aníng heé ni i qaytsiit a heé adoorí: Heé tsatsa'aár nee oo aa gwadiidin, nee heé axweesante'eé' ga da'ayumiít.

ISAYA 66:2 Iomraidhean Croise

1 WAAWITÁ 21:29

«Aga aándi Ahabu adór tira niinaweés dír geeraaeé'? Asma tiwa niinaweés ló'wa ale, aníng slahh'amaayeedá' a huwaaká qoomár inós bir slaaf, ala a qoomár waawuti'iimár garmaawose aníng doó Ahabu un hhaamiís.»

2 WAAWITÁ 22:10

Naagáy Shafani kuduú goousmo waawutmo guri báy, «Hilkia kaahamusmoó Mungú iga kitaábuú i haniís.» Shafani kitaábuudá' guri soomuús dír geeraá waawutmoó wa alé.

2 WAAWITÁ 22:11

Qoomár waawutmo kangwdá' Shafani aa baraá kitaábuú dabér wa soomuús nguwa axaás, tlabaawós gina feehhamiís.

ESRA 10:3

Gawaá adoorihe, alqado a tleehhaán nee Munguúrén, atén tlaawayrén u geexawaán tam nee na/ii'ín kudá' naa laqwaalii'i, ar adoodá' kuúng nee mukdá' hara'ayár Munguúrén ngi da'ayumiitá' kar kata'. Kaangwí i tleehharuuti ar dabe kawa eehaari.

ESRA 9:4

Aluuwo mukdá' axweesantá Munguú Israeli ngi da'ayumiitá' iri i burumburitiyé' as inkihhimu waslér mukdá' naa baraá looháy wa waatl, aníng niri iwiít ar dae ay qoomár ilahhooár muruú ta tsu/i ar tsiindo kawa hanmiisi.

WARA'AMI 119:120

Aníng a daaraáx as kuúng uwa da'ayuumiít, aga daanda feehhiít as kwasleemarók.

WARA'AMI 119:161

Waawitá in tawo /aytín, ala aníng a axweesantók an ilaiwawaá/ ar muunaáeé' sleémeero.

WARA'AMI 138:6

AAKOÓ MUNGÚ tam i gáwtí dirii'i, kudá' ti niinawemiís gu ga/áy, ala kudá' daara/aám inós gu qaro xuu' amór saáw wa ale.

WARA'AMI 34:18

AAKOÓ MUNGÚ ku haratseéw dír múk aa mune si'i, nee kudá' naa diqay tsatitiye' gin ba/amimis.

WARA'AMI 51:17

Ilahhooár muruú ta tsu/i ar Mungú i ilaoohi a qeeruú aa ya/an amoorós i ale, a muunuú aa gwadiidin nee oo aa dutlutlu/uut, asma Mungú gu waaqaaiiká.

WARA'AMI 51:19

Daqaní kuúng tu sla'atis nee ilahhooár ganaa' ar muruú ta tsu/i, ilahhooár da/a ar slee kawa adoodá' alda/i. Daqaní awee kingi huuw dír kitángw ilahhooár Mungú ki duxaxin.

AXWEESANOÓ SAGALOOA 28:14

Heé amohhoó' a kudá' AAKOÓ MUNGÚ gu ilaiwawaá/ daqisleém, Ala heé muunaáwós gwa gawdees in qeqtín.

AXWEESANOÓ SAGALOOA 29:23

Daara/aangw hee gu mureekees Ala heé ti kilós niinaweemiís ku ilaiwawaa/.

ISAYA 40:26

Axáy gawa i qaytsitaak, heé muruuwí gwa tleehh a heemá? Inoósuwí an kudá' slawowós gi geeraharahaár, inooín sleémeero gin ateetín ar umer'ín, asma inós an kudá' aleesleemuú yaariír gu koóm, nee /uuruuwós ku yaariír, gawaá adoorihe ar qwaar tam ar wák i káhh.

ISAYA 41:20

Muu doóqa ga ar nee gari xuu', gari aldaakw, kari dinkwár wa tsaahh, adór AAKOÓ MUNGÚ adoorí ngira tleéhh, Kudá' hhoohhoó' oo Israeli adoorí gana tleéhh.› »

ISAYA 57:15

Asma adoorí an adoodá' kuduú gáwtí dirií', kudá' xiríf, kudá' hotaatiím ay alhhe'eesay wasle, kudá' umuuwós ta bay Oo hhoohhoó' i kaahi, «Aníng dír ni hoot a didá' gáwtí dirii', didá' hhoohhoo', slam a dinkwa nee kudá' aa hhu'uu'un, nee oo tsatsaa'aár baraawose. Asma kahhó' qeereemaá múk tsaén ngiwa slafis nee munér mukdá' aa hhu'uu'un ngiwa slafis.

ISAYA 61:1

Aakoó MUNGÚ, aníng iga hatsiís qeeruuwose, asma AAKOÓ MUNGÚ iga tsawaár, as ya/abtór hho' ngiwa alki/iit dír narkuute. Inós iga ya/aáw kudá' naa munesi'iye' ngiwa gurkwa/as. Iga ya/aáw as kángw gweermo nguwa oo' dír kudá' taa tsegiít, nee ilaá taampu niwa qaytiya'.

ISAYA 66:5

Axweesantá AAKOÓ MUNGÚ iiárií qaasaak kuungáká' axweesantós ngi ilaiwawaa/á'. «Hhaeehúng kudá' kuungá' nu ahhiitá' nee naa si'iye' as umuueé' inooín i kaahiya', ‹Gimáy AAKOÓ MUNGÚ ti xirfayeesi as atén qwal/uuhúng nguwa araan.› Ala múk ta mureekeesi an inooín.

HOSEA 11:10

Inooín anuú AAKOÓ MUNGÚ i eehariyá', anuúdá' /oroótl adór diraangw, an i /oroótl, na/ii niri /uwá wa hardihiyá' ar daaraxaay.

MIKA 6:8

Aá heewí, AAKOÓ MUNGÚ gár kuúng wa hariim tlehhmuuwo ngaa laqán. AAKOÓ MUNGÚ gár i slai a tí: Gan'amu kuwa tlehh, hhooeema kiwa sla', nee tawa hot dinkwa nee Munguúwók ar tiwa niinaweemis dír geeraawose.

HABAKUKI 3:16

Kaangwí sleémeero una axaás tam guruueé' ma'aay ngway dalaa/iyé'. De'eero afkueé' iri daaraxaát. Diqiyaeé' niri tsatiitiyé', ya'aaeé' niri daaraaxiyé'. Aníng baalaadár slahh'amu an daamaaraám ar qitla, tidá' hardah dír mukdá' amoorénií haraatlatláw.

Matayo 12:6

Ala án nu baw, diirihe heé ak úr i deer ta Doó Munguhe.

Tlehhema'aá ya/Abuuse 7:50

Ahaá, muruuwí sleémeero dákw gwa tleehh a kwe'eéneéke?›

Tlehhema'aá ya/Abuuse 9:6

Ala kuúng na sihhiít, baraá gixsa i daheek, nee adór kuúng wa hariim tleehhamooro kingi kuúng i oó'.»

Filipi 2:12

Sla'aaruuser'eé', án qoomár niwa dirhúng i dirii', kuungá' axweesante'eé' ana iialooeemisé' umuúqo daqto, ala a qoomár aníng niwa dawaaká kilós. Gawaá adoorihe gadiyuusé' ar dae nee daaraxaay, as ba/amarhúng kawa boo/esa'.

Kolosai 1:17

Inós i daadeer iimír mura' sleémeero iwa deeruutiiká, nee baraawose mura' sleémeero in kumaamiit ar adoodá' ngura tleéhh.