ISAYA 66:19 - Biblía Axweesantá Hhohho' ar Mungú 2004

¹⁹ «Aníng laya an qaás, baraá tla/angw'ín, dir'ine awa na meetiye' ngiri huúw baraá xoordu, amór Tarshishi, nee amór Puti, nee amór Ludi kudá' ga/aldaá xuá' tlaqutuwo, nee amór Tubali, nee amór Yowani, amór ayeemoodá' sawen awa afaá tlawi kudá' handá' kangw'eé' ngwa axasi'iiká nee xirfuueé' ngwaa ari'iiká. Amoodae muk'eé' xirfuueé' guri alki/iit dír xoordu.

ISAYA 66:19 Iomraidhean Croise

IIMU/UUNGW 10:13

Misri tari baabuú múk Ludi nee múk Anamu nee múk Lehabi, nee múk Naftuhi,

IIMU/UUNGW 10:2

Daaqoó Yafeti a Gomeri, nee Magogu, nee Madai, nee Yafani, nee Tubali, nee Mesheki nee Tirasi.

IIMU/UUNGW 10:22

Daaqoó Shemu a Elamu, nee Ashuru, nee Arpakshadi, nee Ludi nee Aramu.

IIMU/UUNGW 10:4

Daaqoó Yafani a Elisha, nee Tarshishi, nee Kitimu nee Dodanimu.

IIMU/UUNGW 9:27

Mungú Yafeti ngu ureesi, nee i baraá heémár Shemu wa hooti, nee Kana'ani ta lawaalmoowós.»

1 QOM'I 1:11

Daaqoó Misri a kwí: Múk Ludi, nee oo Anamu, nee múk Lehabi nee oo Naftuhi,

1 QOM'I 1:7

Daaqoó Yafani aa laqwaál a kwí: Elisha, nee Tarshishi, nee Kitimu nee múk Rodani.

1 QOM'I 16:24

Xirfuuwós alki/itaak dír xoorduwo, nee tlehh'mi'iiwós kudaá waa/oo/amo dír muu sleémeero.

WARA'AMI 72:10

Waawituú Tarshishi nee múk yaamaá kaahaar oo baraá tla/ángw tláwtií dirií', koódi ngi huwiye', waawituú baraá Sheba nee Seba qeemuú i kona' ngu haniisiye'.

ISAYA 11:12

Inós bendeéra gan gáwtí tlees tawa laya dír xoorduuwo, múk Israeli kudá' taa tlatlahhaás gu burumbuur, múk Yuda oo taa diyayaá/ gu haraki/is, badu tsiyahhaawo awa yaamu.

ISAYA 18:3

Kuungaásaá yaamuloouusér baraá yaamu sleémeero, iia qaasaak, kuungaásingá' baraá yaamú wa hootá', qoomár bendeéra bar ka gawaá tlom'í wa tleés ta qaytsitá', qoomár tarumbeéta barka ufaáhh iia ka qasá'.

ISAYA 18:7

«Qoomaadae AAKOÓ MUNGÚ Aleesleemusmo kungun qeemií huuw nee múk tledaadét nee oo slaqo natsatsa'ayen, xoorór dae tlaaq ar tsewen nee ar sawen, xooroodá' /uuruú koom nee baalaaliim, tidá' yaamuuwós taa qasiís nee yau, sluufaay kungun huuw amór tloomár Siyoni didá' AAKOÓ MUNGÚ Aleesleemusmo kuwa sluufmaamisi.»

ISAYA 2:16

Nee gawaá daanduú miringe sleémeero ar yaamaá Tarshishi, nee gawaá daanduú miringe sleémeero tidá' hhohhoe.

ISAYA 29:24

Mukdá' baraá hotaá qeeruuwo aa dakuus tsaahha gari ya/án, tam mukdá' qununu/umamiít intsaahhatisa gari ya/án.»

ISAYA 42:12

Inooín AAKOÓ MUNGÚ ku xirfú haniisi, nee xirfuuwós ku alki/iiti umuú diiro.

ISAYA 42:4

Inós i diqay tsatitiiká laqaá i munesi'iiká. Ay dír sakwasleemár ganaa' ngay gawdeesi baraá yaamuwo. Yaamaá sawen hara'ayaarós ngin daamaraná'.

ISAYA 43:6

Aníng bihhaá /iya in baw, ‹Muk'eé' geemawaak.› Bihhaá basa ngiri baw, ‹Muk'eé' mu ila/amara'.› Daaqay'eé' amór saáw wa ki/isare' nee dasuueé' amór alhhe'eesoó yaamuú wa ki/isare'.

ISAYA 49:1

Aníng iiárií qaasaré' kuungá' hhapaá sawen, iia qaasaak kuungaá múk sawén, AAKOÓ MUNGÚ ina ateét qoomár aníng niwa baraá guruú aayoórí kaahh, ina umií tsaát qoomár niwa baraá guruú aayor'eéní kaahh.

ISAYA 49:12

Ga/aawaak, muk'eé' ngu amór saáw wa ki/ís, bihhaá /iya nee /uwaawo, nee amór yaamaá Sinimuwo.

ISAYA 49:22

Aakoó MUNGÚ i kaahi, «Ga/aaweek, aníng dakw'eé' u gáwtí tleés amór xoordu, laya ngiri tleéhh dír muu, inooín daaqayhúng nguri da/eewér huwyá', tam dasuuhúng nguri gawaá sum'i'ínár huwiyá'.

ISAYA 51:5

Ba/amar'eé' ni gaanslár hardát. Ba/amaadá' naa huúw ka geehhoo'. Dakw'eé' muu gu sawaawuti'ín. Kuungá' hhapeemaá sawen daamaré', /uuruueé' na harahhifaak.

ISAYA 52:10

AAKOÓ MUNGÚ /uuruuwós kudá' xiríf gwaa laqán, dír geeraá xoordu sleémeero nee múk ku/uya sleémeero awa yaamu ba/amár Munguúrén ngi ariyá'.

ISAYA 52:15

Inós xoordu gi kwisltis, waawitá afe gari ohín as inós, asma muruudá' naa ari'iiká ngu ariyá', nee muruudá' naa axaasi'iiká ngway tsaahhiyá'.

ISAYA 55:5

Ga/aawaak, xoordaá kuungá' ta xua'aaká in atetá', nee xoordaá kuungá' nu xua'aaká ni tii'íngwár hardihiyá' amorhúng. As anuú AAKOÓ MUNGÚ, Munguúhúng, kudá' hhoohhoó' oo Israeli, an kudá' kuungá' naa iia tleerees.»

ISAYA 60:9

A miringér baraá ma'aay tidá' yaamaá afaá tlawtá daahh, kinga geerahaár nee miringér Tarshishi. Tidá' na/iiwók ngaa amór saáwa ki/is, peésar'ín nee sahaábu ngi koná' as daanduú umuú AAKOÓ MUNGÚ, Munguúhúng, nee daanduú Kudá' wák oo Hhoohhoó' oo Israeli, asma inós kuungá' nuna xirfayeés.

ISAYA 62:10

Kuungá' múk Yerusalemu, afér gixsaaro tsee/ay ti'iitaak, loohi amohhe'eesaak as muu. Loohír ur tleehhaak, tlaa/e hingeesaak, laya laqamaak as muu.

ISAYA 65:1

«Aníng taa amohhe'eés tiwa slaawaan nee kudá' i yaahamisa'aaká, aníng taa amohhe'eés tiwa sláy nee kudá' i leelehhita'aaká. Aníng xoorduudá' i firirima'aaká ngiri báw, ‹Aníng a diirí, aníng a diirí!›

YEREMIA 46:9

Kuungá' faras, geera i kumitaak, haraatlawé', gaardaá faras, masók miguuse i geerií kumít. Múk Kushi nee Putu kudá' gaambu ngaa oohiye', múk Ludi kudaá ga/aldu tlaqooro ngi baalá'.»

ESEKIELI 27:10

«Múk Persiár daáhh nee Ludi nee Puti, inooín tina haragaasiyé' nee slaqwaruuseerók, gaambuuín nee kofiyaduín ngiri burumburiyé' baraá slumoowók, kiíng iri iia tleeresiyé'.

ESEKIELI 27:13

Múk Yafani, nee oo Tubali nee oo Mesheki halaanu'uuma ngina tleehhiyé' nee kiíng, inooín tiri muk'ín i weerimiís as kahhó' xooslaarók tidár muqslár sirda/aten kawa slay.

ESEKIELI 30:5

«Muu sleémeero kudá' taa dabe oohiye' nee múk Misri, adór múk Kushi, nee oo Puti, nee oo Ludi nee oo Ma/arabu sleémeero nee oo Libya kiri dinkwaárí hhaamiís.

ESEKIELI 32:26

«Waawituú Mesheki nee Tubali i baraadá' i diri'iyá' dinkwa nee muk'ín sleémeero, kaa harweér nee /aantaá slaqwaruuser'ín. Mukwí sleémeero taa hheehhe'eemisiiká, kuna tsuú/ baraá slaqwarár wa alé. Mukwí qoomár iwa slafi muu nguna daandeemo feehhamiisiyé'.

ESEKIELI 39:1

AAKOÓ MUNGÚ ina báy, «Heewí, aariím daanduú Goguwo, kubeeto, Anuú Aakoó MUNGÚ a kah, ‹Aníng nee kuúng, ti araán, kuúng Gógu, waawutmoó úr oo xoordaá Mesheki nee Tubali.

ESEKIELI 39:6

Aníng asla a huúw baraá yaamaá Magogu nee kudá' sleémeero hootá' ar wayda dír yaamaá afkú tlawto. Inooín ngiri tsaahhiyá' adór aníng tar AAKOÓ MUNGÚ.›

DANIELI 11:18

Aluuwo iri warqáy yaamaá yaariir awa afaá tlawi giri i haratláy nee giri baal. Ala slaqwarusmoó dahaaymo inós gu baal nee daara/aangós iri furguu/, waawutmoó /iya tsi'itós guri i kí/.

SEFANIA 2:11

AAKOÓ MUNGÚ inooín gin ló'wa dae tsaat. Inós munguaá hatlá' sleémeero baraaká' yaamuwo gin hhaasúy. Daqaní xoordu sleémeero inós nguri i tumbarara'amitiyá' umuú heewo dirós tidá' i dirii'i.

SEFANIA 3:10

Muk'eé' kudá' aa amór saáw í diya/aat gayuú yauudaá yaamaá Kushi, inooín aníng in firiiriná' nee ilahhooar'eé' ngin huwiyá'.

MALAKI 1:11

Asma iimír amoodá' looa iwa tsiraarihh, tam ay amoodá' i darat, umuueé' ku úr baraá xoorduuwo. Umuúqo mooyángw tsuú' kun da/aa/án nee ilahhooár hhohho' kan hanmiis asma umuueé' ku úr baraá tla/ángw xoorduuwo!

Matayo 28:19

Gawaá adoorihe tlawsé', xoordu sleémeero eeharuuse tleehhaak, ki baatimisá' ar umuú Baabá nee oo Garma nee oo Qeeruú hhoohhoó' oo Mungú.

Marko 16:15

Aluuwo Yesu giri báy, «Tlawsé' baraá yaamu sleémeero, Ya/abtór hho' alki/iitaak dír muu sleémeero.

Luka 2:34

Simeon giri tsuúq, Maria aayír na/aay gari báy, «Ga/aaweegáy, kwí kwa qaás asma awa yaariir niwa huuiya', nee kuqá' niwa sihhiitiya', baraá múk Israeliwo, nee iwa laya tleehhiti ar tar kaangaanuusi,

Rumi 15:21

Asma Gooi i kat, «Mukdá' taa baloó kangós bayká, gu ar, nee mukdá' kangós gwa axaasiiká, gu tsaahh.»

Efeso 3:8

Aníng ti niiná ta múk Mungú sleémeerowo. Ala tam adoorihe Mungú aníng ina tsuúq, gadiyeé ngiri aníng i haniís, ar Ya/abtór hho' ngiwa alki/iit dír múk xoorduwo. Ya/abtoorí a kángw daqaari'iimár Kristo tidá' faarooro ta aleeslayká.