ISAYA 66:18 - Biblía Axweesantá Hhohho' ar Mungú 2004

¹⁸ Asma aníng tlehhmi'ii'ín i xuú' nee inslaway'ine, aníng xoordu sleémeero nee tsifrír dimbadimbé an burumbuúr. Inooín niri hardihiyá' xirfueé' nguri ariyá'.

ISAYA 66:18 Iomraidhean Croise

YOBU 42:2

«Aníng a xuú' adór kuúng umuú gaaro kar aleesleér, nee umuú gár taa tleehhár wa sla'a ka baqiiká.

WARA'AMI 139:2

Bar iwiwiít nee bar sihhimiít, kuúng aníng i xú'. Iinslaway'eé' ugwa tsáhh amór saáw wa ale.

WARA'AMI 67:2

Adoodá' kuúng ta sla' i xu'utit baraá yaamuwo, xoordu sleémeero /uuruuwók kudá' ba/amaamís ngu xuiye'.

WARA'AMI 72:11

Kár ee, waawitá sleémeero ngu ilaiwaa/iye', nee xoordu sleémeero ngu sagadiyuusiye'.

WARA'AMI 72:17

Yaeemír waawutmo i kumaamit, waawutmo ku diidi'iimaamisi qooma sleémeero ar tsee/amá iwa gwa/aati, xoordu sleémeero tsuuqa ngi slaye' ar inós, nee inós ku bay, «Kudá' taa tsuúq.»

WARA'AMI 82:8

Mungú, sihhiít, yaamu sakwasleemuteek, asma xoordu sleémeero a kók.

WARA'AMI 86:9

AAKOÓ MUNGÚ, xoorduudá' sleémeero kuúng taa tléhh u i hardihiyá', kuúng turi i tumbararaa'amiit, umuuwók kuri xirfayemiis.

WARA'AMI 94:11

AAKOÓ MUNGÚ inslawoó hee gu xuu', adór tar gár tawo.

WARA'AMI 97:6

Doori hhoeemaawós ngi alki/iitiyá', nee xoordu sleémeero xirfuuwós ngun ariyá'.

ISAYA 11:9

Baraá tloomár AAKOÓ MUNGÚ tidá' hhoohhooe gár gi slahh'ees i káhh laqaá ar gi hhaamiis, asma yaamu nin hatsiyá' xu'utír AAKOÓ MUNGUHE, adoodár ma'aay tlawi ngira hatsisiyé'.

ISAYA 2:2

Adoorí an adór deelór alhhe'eesaywo tleehharuut. Tloomár Doó AAKOÓ MUNGÚ ka gawdees tlom'i sleémeero ba/a, nee kari gáwtí tlees tlom'aá hatlá' ba/a, nee xoordu sleémeero ngiri i daqayá'.

ISAYA 37:28

Ala aníng hotaawók i xuú', nee bar ti'imít u xuú' tam bar darát sleeme, tam buhhtaawók daanduueene i xuú'.

ISAYA 40:5

Daqaní xirfuú AAKOÓ MUNGÚ iri geehhooúy, muu sleémeero guri ar.» Asma adoorí AAKOÓ MUNGÚ gaa oó'.

ISAYA 45:22

Amor'eé' ki/aare' nee tundu ba/amisi, kuungaásíngaá ku/iyaá yaamu sleémeero. Asma aníng a Mungú, Munguú hatlá' i kaahh.

ISAYA 52:10

AAKOÓ MUNGÚ /uuruuwós kudá' xiríf gwaa laqán, dír geeraá xoordu sleémeero nee múk ku/uya sleémeero awa yaamu ba/amár Munguúrén ngi ariyá'.

ISAYA 55:8

AAKOÓ MUNGÚ i kaahi, «Inslaway'eé' nee koohúng ti slayká, tam lohduuhúng nee lohduueé' ti slay'aaká.»

ISAYA 56:8

Aakoó MUNGÚ kudá' mukduú Israeli aa tsiyayaxaat gu burumburiím i kaahi, «Aníng múk hatlá' ngu burumbuúr dír kwí naa geerií burumbuuri.»

ISAYA 57:12

Aníng gana'amuuhúng un alki/iít nee gadiyérhunge, ala inooín gár nuwa buiya' i káhh.

ISAYA 59:7

Umuú daqto an baraá tlakweemií ti'ii'indá' an gaansliindá' tseerér heé dakuús wásl kawa ku'usa'. Inslawayhúng umuú daqto ku tlákw. Umuú dír taraqo waarahhi'i aqo hhituru'uuma nee deewa'ame an tlehhtá'.

ISAYA 65:2

Aníng dabaaeé' ina laqaqaám tlatla/aangw sleémeero dír mukdá' a dee/aanuut. Kudá' lohdaá qooma'aakár hootá' kudá' sager'ín kilós ngi /ayá'.

ISAYA 66:10

Qwalala/é' dinkwa nee Yerusalemu, baraa/é' as inós kuungá' sleémeero awa inós ngi sla'á'. Qwalala/é' dinkwa nee inós kuungádá' aáng aga tsuunqumise' as inós.

YEREMIA 16:17

Asma aníng tlehhmi'ii'ín sleémeero i ga/áw. Gár aninge aa nahhat i káhh. Tlehhmi'ii'ín sleémeero dír geeraaeene ki geehhoo'.

YEREMIA 3:17

Nee qoomaadae gixsár Yerusalemu ka bay, ‹Kitángw aleesleemu oo AAKOÓ MUNGÚ.› Nee xoordu sleémeero niri burumburitiyá' dír geeraaeé'. Adoodá' tlaakw muner'ine ta slai ngi eehariaaká.

ESEKIELI 38:10

«Kuúng, Gógu, anuú Aakoó MUNGÚ a kah, baalaadá' birna xeér muruú tlákw kuri axwés baraá muunaáwók i ale, nee kuri qoomeemés tari o',

ESEKIELI 39:21

AAKOÓ MUNGÚ ina báy, «Aníng xoordu sleémeero i xirfuueé' i laqaám, nee adoodá' /uuruueé' ngur ar gadiyuús, as sakwasleemar'eé' tidár gan'amu ngiwa dir'ín i laqaam.

Yoeli 3:2

aníng xoordu sleémeero in burumbuúr, ngiri huúw ay baraá xatstá Yehoshafati, ngiri baraadá' wa sakwasleemuút, asma tlehhmi'iidá' naa tlehhaahhitiyé' dír múk'eé' oo Israeli, kuduú aalir'eé'. Asma inooín muk'eé' nguna diyaya/iyé' baraá tla/ángw xoordu, nee yaamuueé' ngiri ka'amisiyé'.

AMOS 5:12

Asma aníng adór tlakweemaahúng nira tlahhiyé' a xuú', nee adoodá' dakuúsarhúng kar yaangariír a xuú'. Kuungá' múk hota ganaá' un slahh'eemamisá', nee slukma an /aa/agá', nee múk narkuute una gan'amuú /ité' dír tlahh'aá kwasleemaro.

SEKARIA 14:16

Aluuwo heé aa meet baraá xoordu sleémeero kudá' naa slaqwi'i nee múk Yerusalemu, niri hardah as waawutmo AAKOÓ MUNGÚ Aleesleemusmo nguwa sluufmisuú ay, nee deelór ur ar Isleeri ngiwa harmagagaahhi.

MALAKI 1:11

Asma iimír amoodá' looa iwa tsiraarihh, tam ay amoodá' i darat, umuueé' ku úr baraá xoorduuwo. Umuúqo mooyángw tsuú' kun da/aa/án nee ilahhooár hhohho' kan hanmiis asma umuueé' ku úr baraá tla/ángw xoorduuwo!

Matayo 12:25

Ala Yesu inslaway'ín nguwa tsaáhh giri báy, «Umuúqo waawuti'iimaro birti kilós tlaampa'aamís, i hhitirút. Slám gixsa, laqaá umuúqo do'o birti kilós tlaampa'aamiis, do'dá' i sihhitiiká.

Matayo 9:4

Ala Yesu tidá' ta baraá muner'ín i axweesi gari tsaáhh, iri oó', «Muruusíng tlákw mus baraá munerhúngí axwesá'?

Luka 5:22

Yesu axweesantaín gari tsaáhh, giri báy, «Gár ta baraá munerhúngií aldakuta' a milá?

Yohana 17:24

«Baabá, kuká' kuúng naa hanís, gár ni slaa', masók i dinkwa nee aníng didá' án ni diriia. Nee xirfuudá' naa aní hanís nguwa ga/aya'. Asma án kuúng ina slá' iimír yaamu kiwa tleehhiiká.

Yohana 5:42

Ala án kuungá' naa tsaáhh adór sla'aarír Mungú ir káhh baraahunge.

Rumi 16:26

Ala hamí lu/aaráydá' kwaa geehhooeés ar baraá gooír aaruuse. Nee lu/aaráydá' kwaa alki/iít dír múk xoordu sleémeero ar hara'ayaadár Munguúduú alhhe'eesay wásl, as múk xoordu sleémeero masók Ya/abtoodá' hho' ga iialooees kawa haratlintii'i.

1 Korinto 3:20

Nee slám Gooi i malé kat, «Aako inslawoó múk sageeloén gu xuu' adór tar tawo.»

DABE 31:21

Qoomár slahh'amaaye birnga sleér, daa'angwí gi inslawtis as tawa lamabu'uungw, asma gunqarutaro daa'angwí i ya/anká dír afér na/ii'íne. Asma aníng gár inooín ta qoomeemesi a xuú' dír aníng inooín ngira huwiiká baraá yaamuudá' naa lo'ór wa /aáy ngiwa dir'íní haniis.»

Ebrania 4:12

Asma axweesantá Mungú i sláf. Nee slám i /uuruú koón. Nee i xarásl ló'wa ale tam paángár afe tsár ga bá/. Axweesantá Mungú in dát baraá heé i alé, qeeru nee muuná giri parátl, tam fadu nee waeemoowós giri parátl sleeme. Nee slám axweesantá Mungú inslawoó hee gu sakwasleemút, nee umuúqo gár i slai baraá muunaáwose.

Geehhoeemaá 11:15

Malaykamoó faanqw tarumbeéta gari ufaáhh. Afór yaariir iri gawaá doorí wa ilawáts, iri ó', «Waawuti'iimár baraá yaamu daxta ar Aakoorén nee Kristowós. Nee inós a waawutmo ay alhhe'eesay wasle.»

Geehhoeemaá 2:13

Kuúng dír ta hot aníng a xuú'. Kuúng dír ta hot a didár kitángw aleesleemu oo Neetlaangw. Ala án kuúng iga sa tlankká, slám ana kumaamít aníng iwa haratlintaati' tam qoomár de'emaá Antipa lamabu'usmooeé', slám a lamabu'usmooeé' oo inkihhím. Inós kuna gaás baraá tla/angwhúng i alé, didá' Neetlaangw i hooti.

Geehhoeemaá 2:2

Aníng kángw tlehhemi'iiwók u xuú', nee daawitimeerók nee qiqtliingók. Nee slám a xuú' adór múk tlákw sa qiqtliingo kur aleesleeraaká. Slám mukdá' ugwa iiát, kudá' káh, inooín a ya/abuuse, ala laatí a ya/abuuseerooká, kiri tsáhh adór tar lamuuse.

Geehhoeemaá 2:9

Aníng slahh'amaayeerók a xuú', nee narkuwoge. Ala kuúng a daqaarmo. Nee slám a xuú' /ooslislíngw mukdá' káh, atén a múk Yahudi, ala laatí a inooineeká, ala inooín a múk Neetlángw eeharahár.