ISAYA 66:16 - Biblía Axweesantá Hhohho' ar Mungú 2004

¹⁶ Asma AAKOÓ MUNGÚ sakwasleema ga tleehh ar asla, muu sleémeero gwaa muúx ar paánga. Múk AAKOÓ MUNGÚ i daasli ku ló'wa yaariír.

ISAYA 66:16 Iomraidhean Croise

ISAYA 10:4

Gár ti meta' aqo an kulala'amitá' tla/ángw múk taa tseegi, laqaá an pahhá' baraá tla/ángw múk ta baraá slaqwarár wa tsu/i. Tam adoorihe, AAKOÓ MUNGÚ muneerós gaa gu/iiká, tam hamí dakós i loloqoosárí kaahh.

ISAYA 27:1

Baalaadae AAKOÓ MUNGÚ makiito'odá' ur ta bay Lewiatani gan muux ar paángarós tidá' yaangariir xaraasl. Inós i ni/iín baraá tlawtá wa ale, a dayshamoó úr oo baraá tlawtá hoót.

ISAYA 3:13

AAKOÓ MUNGÚ daxta taa amohhe'eés sakwasleemaro, aa sihhiít as mukós nguwa sakwasleemuuti.

ISAYA 30:30

AAKOÓ MUNGÚ afoorós tidár aleesleemu gan tlees, as kahhó' kawa axaasi nee muu sleémeero, nee slahhtós tidár /uuru kawa ari ar buhhtaá yaariir, nee tsángw asltá /ayima nee kwarara/aaro nee duktá yaariir ar tluwoó tlaa/e.

ISAYA 31:8

Múk Ashuru ku tsuu/ ar paánga ala ar dákw heewooká. Inooín kin /aay nee paánga ala ar dákw hee ba/a, múk Ashuru tari /akumiit, nee masoombar'ín gadiyér tawa bihhií noongo'otiiká gari tléhh.

ISAYA 34:2

Asma AAKOÓ MUNGÚ xoordu sleémeero gaa i buúhh, ina amór slaqwaruuser'íní qa/iít buhhtaawo, inós gina qwaareés giri haniís kiwa tsu/i.

ISAYA 65:12

Aníng aga qoomeés tunduwa tsu/i ar paánga sleémeeró tundun tsuú/. Asma qoomár nuwa ateetiim, aga ooindi'iiká qoomár niwa axwees a axamisa'aaká. Ala kuungá' muruú tlákw una tlehhé' dír geeraaeene, nee tidá' aníng i sla'atimisaaká kari tsawdé'.»

YEREMIA 25:31

Tsimaahhirí iri hardát ay hhapeemo sleémeero. Asma AAKOÓ MUNGÚ daanduú xoorduwo i kwasleemár kón. Muu sleémeero gwaa sakwasleemuút, múk tlákw gu tsuu/ ar paánga. Anuú AAKOÓ MUNGÚ tí ngina oó'.»

YEREMIA 25:33

Baalaadae awa ta tsu/i nee AAKOÓ MUNGÚ i qaatiyá' bihhaá wák awa yaamu ay bihhiiqá'. Ki sa tsuunqumisiiká, sleeme ki burumburiiká, laqaá ki foliitiiká, aqo nin meetiyá' gawaá daanduú yaamu adór tsuunkoó hikwa.

YEREMIA 45:5

Xáy kuúng muruú urén u leelehhíta? Muruusíng mu leelehhitaar, asma ga/aaweek, aníng amotlakwe ngin huúw gawaá daanduú muu sleémeero, ala aníng slafiingók u ba/amís baraá slaqwaraaro umuú dír ta keera.»

YEREMIA 46:15

Ahaá a milá, Munguúwók kudá' ta bay Apis misa /akuút? Inósuduú adór awu mis sihhmitiiká? Asma kuna yaamií daáhh nee AAKOÓ MUNGÚ.

ESEKIELI 28:18

As tlakweemaawók kudá' naa tlahhiye', nee halaanu'uumarók tidár /ayta taa tlehhít, dirók tidá' hhoohhoo' kari meetagás. Gawaá adoorihe aníng asla ngi baraawók wa duúx, inós kuúng uri hhaamís. Aníng kuúng uri da/ara tleéhh baraá yaamuwo dír ilaá muu sleémeero kudá' kuúng ga/aawa'a.

ESEKIELI 38:17

Anuú Aakoó MUNGÚ a kah, ‹Kuúng an kudá' aáng kaangós naa geerií qaroó oó' ar loohír sagadiyuuser'eé', aaruusér múk Israeli, tidá' qoomaadae aa aaririin adór aluuwo ur hara'awmis nee múk Israeli tawa slaqwa'.› »

ESEKIELI 5:15

«Kiíng tari gár waaqa'atiit, nee gár mureekeemiis, adór slaqsoó gár buhhtamis dír tlahh'i kudá' iga harweeriye', qoomár sakwasleemár buhhtaeé' kudá' xaraaslá' bara boo/eés daanduuwoge. Anuú AAKOÓ MUNGÚ tí ngina oó'.

Yoeli 3:2

aníng xoordu sleémeero in burumbuúr, ngiri huúw ay baraá xatstá Yehoshafati, ngiri baraadá' wa sakwasleemuút, asma tlehhmi'iidá' naa tlehhaahhitiyé' dír múk'eé' oo Israeli, kuduú aalir'eé'. Asma inooín muk'eé' nguna diyaya/iyé' baraá tla/ángw xoordu, nee yaamuueé' ngiri ka'amisiyé'.

AMOS 7:4

Aakoó MUNGÚ ina malé iigu'utúy laqán. Aníng niri qaytsiít, AAKOÓ MUNGÚ asla gana ateét as sakwasleema. Asltadá' iloodaá tlabeemo gina /ák, tam yaamaá kaahaar sleeme gina iimu/uún /aymaaro.

NAHUMU 3:15

Amoosinge asla in /ák, paánga iri supaapiín, in /ák adór ingigi ir /ayayin. Gím ti yaarese' adór ingigitá wa ale, ti yaarese' adór tsaxw'i wa ale.

NAHUMU 3:3

Slaqwaruusér faras gwa i tsa/aan nun i haraatláy, paangaduuín nee lawluuín i mitsiihhiyá', múk taa tsuú/ a tlaftá yaariir, ufér tu'u i alhhe'eesoó koondaaká, muu ya'aaín giri tuunqala/án gawaá tu'uudá'.

SEKARIA 14:5

Kuungá' a ta'aaindá' ar baraá xatstidár tla/eeraá tlom'aá tsár awa AAKOÓ MUNGÚ, a ta'aaindá' adór baabi'iihúng nira kunseelír wa ta'aainé' qoomár waawutmoó yaamaá Yuda tawa Usia, aluuwo AAKOÓ MUNGÚ, Munguúhúng niri hardah dinkwa nee mukós kudá' hhohhó'.