ISAYA 66:15 - Biblía Axweesantá Hhohho' ar Mungú 2004

¹⁵ Ga/aawaak AAKOÓ MUNGÚ ni hardah ar asla. Nee gaarduuwós an adór bambaaór fukukuu'. As kahhó' iwa buhhi ar xarasleema, nee gahhaatarós gan boo/ees ar tsángw asla.

ISAYA 66:15 Iomraidhean Croise

WARA'AMI 11:6

Tlakuuse gan gil'ór ásltií ku'uus nee tsángw aslto. Fur'ár dooraá kaahaar an slahhta'ín.

WARA'AMI 18:9

Doori gina kiís iri aweér, iri sihhiít gawaá tlaftá huunkír iiloo'.

WARA'AMI 21:9

AAKOÓ MUNGÚ, kuúng binda hardát, in qwaarés ar asla. AAKOÓ MUNGÚ inós gin hhaamiis ar buhhtaawós, inooín asla giri fák.

WARA'AMI 50:3

Munguúrén ni hardah, slám ni qawti hardihiiká, asltá /ayiim i dír geeraawós wa hi'ít, nee bambaaór duhhúm i fukuukú' nguwa harwedit badu sleémeero.

WARA'AMI 68:17

Gaardaá Mungú i /uuruú koná', ki ló'wa yaariir. Faaror'ín a kumér kúm. Aakoó Mungú nina Sinaír wa tláy, ay dirós tidá' hhoohhoo'.

WARA'AMI 97:3

Asla i geeraawós wa hi'ít, nee wakuuseerós tidár tsuf'i sleémeero asltidá' giri xaawuúr.

ISAYA 10:17

gwa/aateemaá Israeli nin asla tleehhitiyá', nee Kudá' Hhoohhoó' oo Israeli a tsángw asla. Tsángw asla fuquráy nee laqayaawose gin da/aa/án giri qororo'oos, baraá deelór wák i ale.

ISAYA 26:11

Aá AAKOÓ MUNGÚ, dakók ugwa mak gáwtí tlés, ala inooín ngu ara'ariaaká. Ala sla'aarirók tidá' daanduú mukoge u tliw/iim ngi ariye', nee mureekeeseek, asltá wakuuseerók kawa i búhh inooín ngi hhaamis.

ISAYA 30:30

AAKOÓ MUNGÚ afoorós tidár aleesleemu gan tlees, as kahhó' kawa axaasi nee muu sleémeero, nee slahhtós tidár /uuru kawa ari ar buhhtaá yaariir, nee tsángw asltá /ayima nee kwarara/aaro nee duktá yaariir ar tluwoó tlaa/e.

ISAYA 30:33

Asma dír waawutmoó Ashuru kway da/i kaa qaroó amohhe'eés iimír aange. A baraá bohóngw yaangaariír oo bihheérí intlaáxw, oo taa ásltí slaáx ar migiruú yaariír. AAKOÓ MUNGÚ gun hiinsluwósí ufaahh kuduú adór asltá wa óh as nguwa da/i.

ISAYA 31:9

Waawutmooín kuduú adór tlaa/a iri /akuút daeero, nee geeraharuuseerós bendeérar'ín gari geexeér as dae. Adoorí AAKOÓ MUNGÚ gan kah kudá' asltós baraá gixsár Siyonír wá oh. Kudá' asltós ar gufteeri baraá gixsár Yerusalemúrií dirii'.

ISAYA 5:25

Gawaá adoorihe, AAKOÓ MUNGÚ mukós gwaa i daa/atúy buhhtaawo. Inós gaa dákwí tleés as ngiwa muxi, tam tlom'i niri daaraaxiyé', tu'uuín baraá loohdaá tla/ángw gixsaro a adór xwaansláy. Tam adoorihe muneerós gaa gu/iiká, in kumiit muxtaaro.

ISAYA 5:28

Maheeri'ín ki afe ngwatsayen, ga/alduuín ngaa gawdeesiyé'. Fuqeenaá farsuuín ki gawden adór tlaa/e, /angegeeamaá gaarduuín adór ir tii'ina' a adór bambaao.

ISAYA 51:20

Daaqaywók aa /araarán, naa baraá afaá luhdií huhuaainé' adór saaragtá taa óh nee tsaaxweeli. Buhhtaá AAKOÓ MUNGÚ ngaa slayé', gahhaatár Munguúhúng.

YEREMIA 25:37

Daqtidá' amohhoo' kaa hhitín, asma buhhtaadá' xaraaslá' awa AAKOÓ MUNGÚ.

YEREMIA 4:13

Ga/aawaak, wakusmo ni hi'iit adór huunki. Gaarduuwós awa slaqwara a adór bambaao, nee farasuuwós i gaanslár ti'ii'ín gwares ba/a. Tsaxwaarén asma aga hhaamaán.

YEREMIA 4:3

Múk Yuda nee yaamuloouusér Yerusalemu, AAKOÓ MUNGÚ i kaahi, «Qamuuhúng awa /aben dooslaak, dahaasiingw mu dahamisara' baraá laqaya'.

YEREMIA 46:15

Ahaá a milá, Munguúwók kudá' ta bay Apis misa /akuút? Inósuduú adór awu mis sihhmitiiká? Asma kuna yaamií daáhh nee AAKOÓ MUNGÚ.

ESEKIELI 38:17

Anuú Aakoó MUNGÚ a kah, ‹Kuúng an kudá' aáng kaangós naa geerií qaroó oó' ar loohír sagadiyuuser'eé', aaruusér múk Israeli, tidá' qoomaadae aa aaririin adór aluuwo ur hara'awmis nee múk Israeli tawa slaqwa'.› »

ESEKIELI 5:15

«Kiíng tari gár waaqa'atiit, nee gár mureekeemiis, adór slaqsoó gár buhhtamis dír tlahh'i kudá' iga harweeriye', qoomár sakwasleemár buhhtaeé' kudá' xaraaslá' bara boo/eés daanduuwoge. Anuú AAKOÓ MUNGÚ tí ngina oó'.

DANIELI 11:40

«Qoomár alhhe'eesaay birna xeér waawutmoó basa i haratláy amór waawutmoó /iya, ala waawutmoó /iya iri fi'iit ar /uuru adór bambaao ar gaardaá faras, nee mukdá' faras gwa i tsa/an, nee miriingér yaariir. Yaamaá yaariir giri haradah iri waaraahh adór alwuór ma'aay.

DANIELI 7:10

Baraá kitangwdae duxuú asla niri waá/, dír geeraawós wa ale. Múk kumér Inós kuri sagadiyuús, slám múk kumér kúm ina geeraawós i sihhiít. Doó kwasleema kawa tleehhi kuri amoohhe'eés nee kitaabi'i kiri gweér.

HOSEA 8:7

Asma inooín gár ta dahamiisi a fur'a, inooín gár ta bu'un a bambaao. Hhaansli i balaalír koondaaká, balangw'ín i wa'amír konká, sleeme i puuruú konká. Ala tim i laqwaali, a dahaaye gun /ák.

AMOS 7:4

Aakoó MUNGÚ ina malé iigu'utúy laqán. Aníng niri qaytsiít, AAKOÓ MUNGÚ asla gana ateét as sakwasleema. Asltadá' iloodaá tlabeemo gina /ák, tam yaamaá kaahaar sleeme gina iimu/uún /aymaaro.

NAHUMU 1:6

Heé buhhtaawós gi ilií óh a heemá? Heé xarasleemaawós gi aleedaám a heemá? Xarasleemaawós gin tsaafmiis adór asla, tam tlaa/e gin feehhamiis sleeme.

HABAKUKI 3:8

Aá AAKOÓ MUNGÚ, kuúng anaqo búhhi gawaá yau? Laqaá anaqo tláwtí búhhi? Qoomár tawa tsa/aán gawaá farsuuwók, nee tawa tsa/aán gawaá gaarduwók kudaá arba/ati.

SEKARIA 6:1

Aníng niri malé gáwtí qaytsiít, naxés gaardaá tsiyáhh nina ti'iitiyé' baraá tla/ángw tlom'aá tsár wa ale, tlom'iidá' a tlom'aá muqslár sirda/aten.

Matayo 22:7

Waawutmoodá' iri ló'wa buúhh, daqtá askaári gari ya/aáw, mukdaádá' aa tsu/uut kuri tsuú/, nee gixsar'ín kari daá/.

DABE 28:20

«AAKOÓ MUNGÚ kuúng' un lu'us, uri amotlakweérí huuw, nee amoqwaqwadiingw, nee diqiya' tsatmit baraá gadiyeeduuwók sleémeerowo ay dír tay hhaan nee tari gaanslár suqút, asma tlehhmi'iiwók kudá' tlakw taa tléhh, awa Mungú kuwa geexeér.

2 Petro 3:7

Doori nee yaamu kuká' hamí dawá' kina amohhe'eés nee kin xún ar axweesantá Mungú sleeme, nee in kumiitiyá' ar adoorós tidá' i dirii'iya' ay bál deeloodár sakwasleema. Baldá' bira xeér, kiri daa/ ar asla, nee múk tlakuuse kuri sakwasleemuut nee kuri qwaarees.