ISAYA 66:14 - Biblía Axweesantá Hhohho' ar Mungú 2004

¹⁴ Kuungá' a aandá' nee munerhúng iri qwalá/, faduuhúng /uureemo ngiri slayá' adór gitsór naa harma/, nee kari tsahhá' adór dákw AAKOÓ MUNGÚ tar dinkwa nee sagadiyuuseerós, nee buhhtaawós i gawaá daanduú wakuuseerós.»

ISAYA 66:14 Iomraidhean Croise

ESRA 7:9

Inós ti'inaangw nguwa iimu/ún yaamaá Babuloniro a bál slahhángw geera tawa wak, inós iri hardáh Yerusalemu bál slahhángw kooán tawa wak, asma inós kuna aleeslawtís nee Mungú.

ESRA 8:18

As Munguúrén kuwa hhoó' direne, atén tina heé daharuú koóm i huúw oo ta bay Sherebia, garmoó Mahli, garmoó Laáwi, garmoó Israeli, dinkwa nee hhaeewós awa mibaá nee dakaát.

ESRA 8:22

Asma aníng ana muruút waawutmo nguwa firiim slaqwaruuseero nee kudá' faras ngu i tsa/aamá', as tiwa xuna' dír wakuuseero, asma atén waawutmo una bawaán, «Hhooeemaá Munguúrén i gawaá kudá' ngu leelehhiitá', nee /uuruú xarasleemaawós i gawaá mukdá' sleémeero inós gwa geexay.»

ESRA 8:31

Aai kiri iimu/uumaán dír yaaér Ahafá wa ale, bál slahhángw geera tawa mibaá nee tsár, as tawa Yerusalemúr kawaan, dákw Munguúrén i dinkwa nee atén, inós tina tuú/ dír wakuuseero nee dír heé atén ti haramamahhamiita baraá loohiiro.

WARA'AMI 107:42

Múk hota ganaá' adoorí gan tsatsahhán, nee i qwalalaa/, ala múk tlákw sleémeero kwa xasltís.

AXWEESANOÓ SAGALOOA 17:22

Muunuú qwalalaá/ a maasoó lawiím, Ala slaqwa in naasút bar muuná i gurhaamuut.

AXWEESANOÓ SAGALOOA 3:8

Tí slaqwahhooa ngi húp baraá slaqwtoge, iri di/i tleehhít baraá faduuwoge.

ISAYA 10:5

AAKOÓ MUNGÚ i kaahi, «Ashuru a adór guhhláy'eé' oo mukdá' naa i buúhh ngur muux.

ISAYA 13:5

Amór ni dahhiya' ka ló'wa saaw, iimír ku/uyaá doori ngin dahhiyá', AAKOÓ MUNGÚ ni hardah nee xooslaá xarasleemaawós, as yaamu sleémeero ngiwa qwaareesi.

ISAYA 26:19

Mukók kudá' aa qaatl i waaslee/, slaqooín i waslee/iyá', kuungásingá' baraá yaamaá hootá' tlawaaré' daaé' ar qwala/, asma Mungú hara'uuwós oo slafiingw ngu paahhaas, nee gi'i múk baraaíní diriiá' ngu duuxiyá'.

ISAYA 26:20

Qwalaasé' muk'eé', dahé' baraá kutwayhúng, afér kutwayhúng aluuhúng wá tseegaak, baraasíng i nahhataak har qoomár niinawe ay dír buhhtakaá Mungú ni waaraahhiya'.

ISAYA 30:27

Ga/aawaak, AAKOÓ MUNGÚ ni amór saáw wa tláy. Aa daa/atúy buhhtaawo, nee quuír yaariire, afkós aa haáts xarasleemawo, nee tsifrangós a adór asltá /ayiim.

ISAYA 33:20

Gixsár Siyoni i qaytaak tidá' deeloorén ar ur kawa tleehhaán gixsár Yerusalemu xuxuaak yaamaá na xasliitiye' nee heemaduwós ki gawden, Kaaka/amaawós ki baloó tu/iiká nee him'eerós ka baloó tlaaqiiká.

ISAYA 34:2

Asma AAKOÓ MUNGÚ xoordu sleémeero gaa i buúhh, ina amór slaqwaruuser'íní qa/iít buhhtaawo, inós gina qwaareés giri haniís kiwa tsu/i.

ISAYA 35:2

/Ayór yaariir adór tiqár wariídi gari /ayuus, Iri baraa/, iri daa' ar qwal/uú yaariír, xaanxaay xirfuú adór kuduú Lebanoni guri sláy, xirif sleémeero oo Karmeli nee oo Sharoniro, muu xirfuú AAKOÓ MUNGÚ guri ar, nee adór Munguúrén kur úr ngiri ariyá'.

ISAYA 41:20

Muu doóqa ga ar nee gari xuu', gari aldaakw, kari dinkwár wa tsaahh, adór AAKOÓ MUNGÚ adoorí ngira tleéhh, Kudá' hhoohhoó' oo Israeli adoorí gana tleéhh.› »

ISAYA 42:13

AAKOÓ MUNGÚ ina geerií ti'iít adór pihhusmo, adór slaqwarusmoó slaáqw baraá slaqwaraaro, oo aa /aa/, oo tsee/amiím, inós /uuruuwós gun dír wakuuseerós i laqán.

ISAYA 58:11

Daqaní umuú daqto anuú AAKOÓ MUNGÚ kuungá' nun geeraharahaár, nuri diihhooár i haniís, nuri /uurií doóg. Kuungá' tari adór asalmoó ta eemamisi, adór duxuú ma'aay kudá' baloó /oomaaká.

ISAYA 59:18

Wakuuse ga muux har afiqoomoó tlehhmi'ii'ín. Buhhtaawós nee li/aywo gin buu' gawaá wakuuseerós, tam múk ayeemaá afaá tlawi sleeme gun muux.

ISAYA 66:5

Axweesantá AAKOÓ MUNGÚ iiárií qaasaak kuungáká' axweesantós ngi ilaiwawaa/á'. «Hhaeehúng kudá' kuungá' nu ahhiitá' nee naa si'iye' as umuueé' inooín i kaahiya', ‹Gimáy AAKOÓ MUNGÚ ti xirfayeesi as atén qwal/uuhúng nguwa araan.› Ala múk ta mureekeesi an inooín.

SEKARIA 10:7

Nee múk Efraimu tay adór miguusér /uureemaá koom, inooín tay haats qwal/uwo adór múk difaái gaa wah. Na/ii'ín adoorí ngi ariyá' niri qwalaa/iyá', muner'ín iri háts qwal/uwo as anuú AAKOÓ MUNGÚ.

MALAKI 3:18

Daqaní kuungá' kay tsahhá' dimbér awa tlakw nee awa ganaa'á', nee dimbér múk Mungú gu sagadiyuús nee oo gu sagadiyuusaaká.› »

Yohana 16:22

Ala dirhunge a adoorí sleeme, a gurhaamutá', ala án kuungá' nu malé ár, nee munerhúng iri qwalá/, nee qwal/uuhúng heé gu hingeés i kaahh.

Ebrania 10:27

Ala aqo an daamaaraamaán ar daér ur, ay qoomár sakwasleema nee buhhtaá Mungú awa xaraaslá'. Buhhtaadá' umuúqo heewo oo Mungú gwa sii' ngu /ayiyá' adór asltá wa ale.