ISAYA 66:13 - Biblía Axweesantá Hhohho' ar Mungú 2004

¹³ Adoodá' hee kur gurkwa/amisi nee aayorós an adór aníng kuungá' nur gurkwa/as kuungá' baraá gixsár Yerusalemuro tundu gurkwa/as.

ISAYA 66:13 Iomraidhean Croise

WARA'AMI 137:6

Afkwe'eé' i tawaraaki, án kiíng bira gunqareés, bar Yerusalemu aga uráy haniisiiká, ta ak qwal/uueé' kudá' ure.

WARA'AMI 94:19

Muunaáeé' amoqwaqwadiingo bira buúhh, aníng kuúng i gurkwa/ás nee in qwal/amís.

ISAYA 12:1

Baalaadae kuúng an o', «AAKOÓ MUNGÚ án kuúng u sluufmiís, asma tam geeraawo aníng iga i buuhhi, buhhtaawók iga meér, nee aníng iga gurkwa/ás.

ISAYA 40:1

Munguúhúng i kaahi, «Muk'eé' gurkwa/asak, inooín gurkwa/asak.

ISAYA 40:2

Axweesé' ar afór tsa' nee yaamuloouusér Yerusalemu, ádbawaak ar afór ur, inooín kibeeto' slaqwararhúng aa fák. Tlakweemaaín kaa gurtláy, AAKOÓ MUNGÚ inooín gaa slaáhh sagáwa tsár wa alé, asma tlakweemaaín kudá' sleémeero naa tleehhiyé'.»

ISAYA 49:13

Kuungaá doóri daaé' ar qwala/, kuungaá yaámu xirfayeemisé' kuungaá tlóm'i baraa/é', asma AAKOÓ MUNGÚ mukós gwaa gurkwa/ás nee mukós kudá' aa slahhahhaa' gwaa gurtláy.

ISAYA 51:12

AAKOÓ MUNGÚ i kaahi, «Aníng a kudá' kuúng u gurkwa/ás. Ahaá waáy gár heé gwaá' kus da'ayuumit Heé qo ilaá wa qwaár adór gitso?

ISAYA 51:3

Asma AAKOÓ MUNGÚ Siyoni ga gurkwa/as, wa/angwdá' sleémeero a hhiturumiit un amohhe'eés. Darmuuwós un adór Edeni tleéhh, xaanxaywós un adór asalmoó AAKOÓ MUNGÚ tleéhh, qwala/ nee bara/uuwo niri deerutiyá' baraawose sluufaay nee afór daa'aangw kari baraawósí axaas.

ISAYA 66:10

Qwalala/é' dinkwa nee Yerusalemu, baraa/é' as inós kuungá' sleémeero awa inós ngi sla'á'. Qwalala/é' dinkwa nee inós kuungádá' aáng aga tsuunqumise' as inós.

2 korinto 1:3

Mungú, Baabuú Aakoorén Yesu Kristo i xirfuuti. Inós an Baabuúdá' gurtleemu sleémeero ngu hanmiís, nee slám an Munguúdá' gurkwa/asa sleémeero ngi hanmiís.

2 korinto 1:4

Inós atén tin gurkwa/amis baraá slahh'amuurén sleémeerowo, as kahhó' atén múk hatlá' nguwa gurkwa/asan baraá slahh'amuuine, ar gurkwa/amisuudaádá' atén tira gurkwa/amís nee Mungú.

1 Tesalonike 2:7

Ala geeraawo a gár hariim atén ar yaariir kawa dirhúngií sla'aan as atén tawa ya/abuusér Kristo. Ala qoomár atén tawa tla/angwhúng i diriiaan, atén a múk tsatsaa'arén dirhunge, adoodár aayo na/iiwós ngir amohhe'eemaamis ar tsatsaa'areema.