ISAYA 65:9 - Biblía Axweesantá Hhohho' ar Mungú 2004

⁹ Na/ii ki laqwaal doó Yakobowo nee dír doó Yudawo aaliitmoó tlom'ieé' ni ti'iit. Kudá' naa tsawaár i aalín nee sagadiyuuser'eé' i baraadií hotaá eér.

ISAYA 65:9 Iomraidhean Croise

ISAYA 27:6

De'emaá hi'iita'a xwaylár Yakobo dee/ár gu síhh, múk Israeli iri /ayuus, nee iri harmaa/, mamuuín yaamu sleémeero ngiri niiqiyá'.

ISAYA 30:19

Kuungá' múk Siyoni, kudá' Yerusalemúr hootá' kuungá' a sangw baloó /aa/eé ki/a'aaká. Asma looeemawo Mungú kuungá' nu gurtláy as afór /aa/eehúng, qoomár /aa/eehúng birnga axaás, inós kuungá' nun mu/aywaats.

ISAYA 32:18

Muk'eé' iri hoot ar wayda, nin hootiyá' ar amohhooa nee ar yaanda hhe'eesa.

ISAYA 45:19

Aga axweesiiká ar naaqo baraá yaamaá giwtír wa ale. Aníng xwaylár Yakobo aga bawiiká, ‹Aníng leelehharé' tawo ale.› Aníng a AAKOÓ MUNGÚ kudá' looeemaá káh aníng muruú ganaá' un oiím.»

ISAYA 45:25

Xwaylár Israeli baali ga sleér nee xirfuuwo dír AAKOÓ MUNGÚ wa aleeró.

ISAYA 49:8

AAKOÓ MUNGÚ i kaahi, «Qoomaadá' hariima án kuúng una mu/aywaáts, baalaadár ba/amaro án kuúng una alee/iís. Aníng kuúng una amohhe'eés, uri haniís tawa alqado dír muko, nee yaamu kiwa kumiitis, nee yaamuudá' aáng naa deewaiye' kiwa aaluuseérí hanis.»

ISAYA 57:13

Qoomár bar /aa/amiindá', gimsé' kár ala munguiihúng awa slaqsi'i kwisiingá' taa burumburiindé' nu tu/iye'. Fur'a gin amór saáw i ufáhh, tam hiinsluú hee gin amór saáw i puruuts. Ala heé naa amor'eé' goow yaamu gi aal, nee tloomar'eé' tidá' hhoohhoo' tari tós.

ISAYA 60:21

Muu sleémeero tari múk hota ganaá'. Inooín yaamu kin aal ay alhhe'eesay wasle. Inooín an harma/itaeé' ar dabaaene naa dahaás. As kahhó' aníng ti xirfayees.

ISAYA 65:15

Mukdá' naa tsawaár umerhúng ganar lu'umis nee Aakoó MUNGÚ kuungá' nun tsuu/, ala sagadiyuuseerós gan umuú /abén i tsaat.

ISAYA 65:22

Inooín maraay ngi tleehhiaaká as múk hatlá' ngiwa i hotaá ay, laqaá balaangw ngu dahasiaaká múk hatlá' guri /aay. Asma muk'eé' kudá' naa tsawaár, kureeraá yaariir kin ló'wa hoot, adór kureeraá xaai i hotatina'. Muk'eé' oo naa tsawaár gadiyér dabaaín ngin saqwalaala/iyá'.

ESEKIELI 36:24

Aníng kuungá' nu duúx baraá tla/ángw xoordú wa alé, nee nuri burumbuúr baraá yaamaá dah'iimár wa alé, nuri ki/ís baraá yaamuuhúng awa kilá'.

SEFANIA 3:20

Qoomár aníng kuungá' burna baraá yaamuuhúngií ki/ís, bál burna dinkwaárií burumbuúr, Baalaadae aníng kuungá' nun iia tleereés nuri xirfayeés. Baraá tla/ángw xoordu sleémeerowo, awa baraá yaamuwo. Bál diihhooarhúng birnga ki/ís, kuungá kilá' ilahunge kari aandá'. Anuú AAKOÓ MUNGÚ tí ngina oó'.»

Matayo 24:22

Ala bar deeloodá' kaa /aareesiiká, geeraawo heé ba/ám i kaahh. Ala asma kudá' taa tsawaár deeloodá' ka /aarees.

Rumi 11:28

Múk Israeli a wakuusér Mungú asma Ya/abtór hho' kawa sií'. Adoorí ina tleehharút as kuungaásingá' múk xoordu. Ala múk Yahudi a múk taa tsawaár nee Mungú. Gawaá adoorihe inooín Mungú gi slaa' as baabi'ii'ín.