ISAYA 65:7 - Biblía Axweesantá Hhohho' ar Mungú 2004

⁷ AAKOÓ MUNGÚ i kaahi, «Tlakweemaaín nee awa baabi'ii'ín in dinkwaárí buú'. Asma inooín mooyángw tsuú' nguna gawaá tlom'ií wa da/a/ané', ina gawaá gongoamoó wa /ooslisliné'. Aníng qoomoó haáts un dir'ín i qoomeés, kin buu' as tlehhmi'ii'ín kudaá aáng naa tleehhiyé'.»

ISAYA 65:7 Iomraidhean Croise

1 WAAWITÁ 22:43

Inós hhooeema gina tleéhh dír geeraá AAKOÓ MUNGUHE adór baabuúwós Asa. Ala inós wa/angwdá' oo gawaá tlom'i oo ta ilahhooár munguiidá' hatlá' wa hanmamisi gwa fee/iiká. Muu ina kumiít ilahhooa hanmisuuwo, nee ilahhooár mooyángw tsuú' da/a/aango, tana kumiít sleeme.

1 WAAWITÁ 22:44

Yehoshafati ina kumiít ilahhooár muruú ta tsu/i hanmisuwo, nee waawutmoó múk Israeli kana axweés.

2 WAAWITÁ 12:3

Tam adoorihe kiteeridaá munguaá hatlá' awa gawaá gongoama' kaa fee/iiká nee muu ina kumiít ilahhooár muruú ta tsu/i hanmisuwo nee mooyángw tsuú' kuwa da/aa/an gawaá gongoama.

2 WAAWITÁ 14:4

Inós kiteeridaá ilahhooa kawa hanmiisi dír munguaá hatlá' gawaá gongoamawo gaa hingeesiiká, muu ina kumiít ilahhooár muruú ta tsu/i kawa hanmiisi nee mooyángw tsuú' da/a/ango.

2 WAAWITÁ 15:35

Tam adoorihe wa/aameedár kiteeridá' munguaá hatlá' kiwa ilahhooárií hanmamisi ar gawaá gongoama' ka hingeesiiká, muu ina kumiít ilahhooár muruú ta tsu/i hanmisuwo, nee mooyángw tsuú' da/a/aango gawaá kiteeridá gawaá gongoama'. Yotam Afkuduú Bihhaá /iya oo Doó AAKOÓ MUNGÚ guna tleéhh.

2 WAAWITÁ 16:4

Aluuwo Ahasi ilahhooár muruú ta tsu/i nee mooyángw tsuú' gina hanmiís gawaá gongoamá wa ale, nee dír gamuú umuú xa'anoó naa/e.

2 QOM'I 21:11

Dinkwa nee tihe inós wa/angwduú gawaá gongoama' kudá' munguaá hatlá' kiwa sluufmiisi guna tleéhh gawaá tlom'aá Yuda, múk Yerusalemu guri inkihhimu wasleerár áy, nee múk Yuda guri qwaareés.

TI'INAANGW 20:5

Kuúng slaqsi'iidá' mi i tumbarara'amitaar, laqaá mi sluufmisuú awaar, asma anuú AAKOÓ MUNGÚ, Munguúwók, a Mungú da/tá koóm, kudá' li/oó tlakweemaá xwayliité tidá' aníng i ahhiit gu dír na/ii'ín buú' tam ay nángw sagaáwa tám laqaá ay tsiyáhh.

ISAYA 10:12

Qoomár Aako bar gadiyeérós sleémeero ngaa boo/eés gawaá daanduú tloomár Siyoniro nee Yerusalemuro, inós saga gawduú waawutmoó Ashuru nee daara/aangose gi sakwasleemuut, nee adoodá' tiwa kilós xirfayeemisi.

ISAYA 13:11

AAKOÓ MUNGÚ i kaahi, «Aníng yaamu i muúx asma muruudá' tlákw i tlehhaahhitiya', nee múk tlákw un muúx asma tlakweemaaín. Aníng daara/ángw daara/uuse un faák, nee sagabi/uuín nguri yaamií hhaáf, sleeme a baabaqasaaká.

ISAYA 22:14

AAKOÓ MUNGÚ Aleesleemusmo kaangwí nguna dir'eéní geehhooeés, kaahi, «Looeemaawo, tlakweemaaká' ki gurtlayká ay dír tay qatli.» Aako MUNGÚ Aleesleemusmo tí gana oó'.

ISAYA 26:21

Asma ga/aawaak, AAKOÓ MUNGÚ ni tláy dirós tidá' i dirii'i, as yaamuloouusér yaamuuká' ngiwa muxi as tlakweemaaín, tam tseerduudá' taa ku'umamiís hhape sleeme gi gu/uká, tam tu'uudá' sleeme hhape gi tuuntukká.

ISAYA 28:21

Asma AAKOÓ MUNGÚ ni sihhiit adoodá' aa tleéhh amór tloomár Perasimuro. In daa/atúy buhhtaawo adoodá' aa tleéhh baraá xatstá Gibeoniro, as tlehhmi'iiwós kudaá' waa/oo/amo aa qoomeés ngiwa tleehhi, nee gadiyeérós tidá' xuaawasl ngiwa tleehhi.

ISAYA 29:14

Gawaá adoorihe, ga/aawaak, aníng tlehhmuú waa/oo/amo u malé tleehh dír mukwí, tlehhmuú waa/oo/amo nee oo dae tlaáq. Mukdá' sageelooén iri sageeqwaar, nee daharuú mukduú daharuú koóm iri suquut.»

ISAYA 3:11

Ala mukduú tlakuuse a tsaxwaaín ado gi alxir'imít, asma adoodá' naa tleehhiyé' an tidá' gi slaw.

ISAYA 30:13

gawaá adoorihe, tlakweemasingá' kuungá' nu qwaareesiyá', adór koo/ír gáwtí tleér ar aa tsatit, adór koo/ír aa tsatit iri yaamií hú' hamtidár kilae.

ISAYA 30:14

Tsatiitarós a adór gwa'arár hutlaay, adór hutloó aa suwaawa'aat, tam qaambeesamoó asltá ya/aám i kaahh, laqaá oo ta ma'ár islaakwi baraá hhalaango i kaahh.»

ISAYA 57:12

Aníng gana'amuuhúng un alki/iít nee gadiyérhunge, ala inooín gár nuwa buiya' i káhh.

ISAYA 57:7

Kuungá' qateenoohúng iga hhafé' gawaá sagér tlom'aá tlet. Ilahhooár muruú ta tsu/i kari amoodá' i haniisár eeré'.

ISAYA 59:18

Wakuuse ga muux har afiqoomoó tlehhmi'ii'ín. Buhhtaawós nee li/aywo gin buu' gawaá wakuuseerós, tam múk ayeemaá afaá tlawi sleeme gun muux.

ISAYA 65:6

Ga/aawaak, tí kaa gooín dír geeraaeene, aníng a baloó xaslitaaká, ala tí aqo an buú' dir'ín.»

ISAYA 66:4

Gawaá adoorihe, aníng i amotlakweérií huúw tidá' i da'ayumitiya' gin sleér, asma qoomár ngiwa ateetiim heé aa ooin i kaahh. Qoomár niwa axweés inooín i axamisiaaká. Ala inooín muruú tlákw nguna tleehhiyé'. Tidá' aníng i sla'tamisaaká ngina tsawaariyé'.»

YEREMIA 13:25

AAKOÓ MUNGÚ i kaahi, «Gaarí an tidá' kuúng u slaw, gaarí an tidá' anuú AAKOÓ MUNGÚ naa kuúng i qoomeés, asma kuúng aníng iga gunqaarés, lameemo kiri harahhíf.

YEREMIA 13:27

Aníng muruuwók kudá' ni waak ugwa ár, fuqtók nee tsaatuuse kawa al/aa/amiin, sli'iimarók tidaá harwaarahh gawaá tlom'i nee baraá qamuuwo. Aá Yerusalemu, a tsaxwaawók. Ay xaylá hheehhe'eesa ka siaaiin?»

YEREMIA 16:18

Aníng li/oó dakumisuuín nee oo tlakweemaine un buú' sagaáwa tsár, asma yaamu nga meeta gaasiyé' ar tuaá munguii'ín kudá' naa aáhh, yaamuueé' ngaa dalaa/iyé' muruuín kudá' ni waka.»

YEREMIA 5:29

Xáy, inqo máwa slahhto as muruuwí sleémeero naa tleehhi'i? Li/aay bu'uto uqo tsuwa máwa dír xoorór adór tihe? Anuú AAKOÓ MUNGÚ tí ngina oó'.

YEREMIA 5:9

Xáy, aníng kaangwihe sakwasleemaro i qo máwa? Xáy, anuú AAKOÓ MUNGÚ daanduú xoorór adór tihe li/aay bu'utuuwo uqo máwa?

ESEKIELI 18:6

nee barnaxes i dinku'umisiiká ilahhooa hanmisuuwo dír munguaá hatlá' gawaá tlom'iiwo, slám slaqsi'iidaá mungui taa tleéhh nee múk Israeli gi haralintati'iiká, bar nee harér inslaawmoowós i alhi'iimitiaaká, laqaá naa alqaati'iiká deelór iwa baraá deeloorós i diri',

DANIELI 9:8

Aá AAKOÓ MUNGÚ, a mure direne, nee dír waawitaárene, nee geeraharuuserene nee bariiseerene, asma kuúng ugwa sadakusaán.

HOSEA 11:2

Adoodá' ngira alkoóm ateetiingo, án inooín tina ak geexáy. Ilahhooadár muruú ta tsu/i ta Ba'ali hanmiisi ngina ooha hhe'eesiyé', nee ilahhooár mooyángw tsuú' ngina hanmisiyé' dír munguaá slaqsi'i.

HOSEA 2:13

Aníng a muúx as deeloodá' ur ar munguaá ta bay Ba'ali i aaeer, nee ilahhooadár mooyángw koom deeloodae i da/a/ángw aaeer dír munguiidá'. Tina parootumaamís ar peéterós nee ar muruudá' tlaxo gawdén, iri tleér amór mulqeerós, aníng iri gunqaarés. Anuú AAKOÓ MUNGÚ tí ngina oó'.

TLAHHOÓ LAÁWI 26:39

Barnaxes bartaka aa mét baraá yaamaá wakuuserhúng, nin naduumitiyá' nee niri faakiyá' as tlakweemaaín nee as tlakweemaá baabi'ii'ín.

FAARO 32:14

Hamí daxta kuungaá qartá tlakuuse, kitángw baabi'iihúng una eeré', as buhhtaá AAKOÓ MUNGÚ kiwa doga' gawaá daanduú múk Israeli.

Luka 6:38

Muruú ta koonda'a muu qaqawaak, kuungá' tundu qáy. Qoomoó taa hatsiís, kway tiíl, kway /umamaa', iri yaamií waa/, an kudá' muu ni kuungí haniisi. Asma qoomaydá' tar qoomeemesa', an kudá' tindi kuungí qoomeesi.»

1 Tesalonike 2:16

Asma inooín atén tin ila/aná' as Ya/abtór hho' mawa alki/iitaán dír múk xoorduwo, as matawa ba/án. Gawaá adoorihe inooín harqoomayduú tlakweemaaín kun hatsmiis. Ala hám daxta sakwasleemár Mungú gaa i hardát.