ISAYA 65:5 - Biblía Axweesantá Hhohho' ar Mungú 2004

⁵ Inooín muu ngun babaya', ‹Amoosíng saaw i sihhiteek, mindi diirí tseewuwaar, asma atén ti hhohhó' ta kuunge.› Múk adór kwí a adór quui baraá dungaeene, a adór asltá oh umuú baalaaro.

ISAYA 65:5 Iomraidhean Croise

AXWEESANOÓ SAGALOOA 10:26

Adór saaxí baraá afko i diri', nee adór quui ila' ngir /aa/amamis, an adór tli/usmo dír múk gwaa gadiyeédií saayini.

AXWEESANOÓ SAGALOOA 16:5

Umuúqo heé daara/ama ku waak nee AAKOÓ MUNGÚ, Heé adoorí sakwasleemaro i pa/iiká.

AXWEESANOÓ SAGALOOA 30:12

Mukko i deer oo ti hhoohhooeemiís ar afer'ín Ala iringér'ín kaa hamaatliiká.

Matayo 9:11

Múk Farisayo adoodá' ngiwa ár, eeharuusér Yesu kari báy, «Ahaá, asma milá, intsaahhatusmoohúng mis /ayín dinkwa nee ohomuusér koódi nee tlakuuse?»

Luka 15:2

Múk Farisayo nee intsaahhatuusér hara'ayár Mose tay qununuú/ ta kaahi, «Heewí mis tlakuusér dahi'iimis, slám nee inooín i al/ayiná'.»

Luka 5:30

Naxés múk Farisayo nee intsaahhatuuser'ín ar hara'ayár Mosewo eeharuusér Yesu kari i qununuú/, ta kaahi, «Mas al/ayiindá' nee mas alwahaanda' nee ohomuusér koódi nee tlakuuseero?»

Luka 7:39

Heedaáduú Farisayo oo Yesu gwaa dír do'ós i dah'ís, adoodá' ngiwa ár, ina baraá muunaáwós i oó', «Heewí geera bar aarusmo, /ameenirí gu kwatimiit gaa tsaáhh adór tar heemá nee a /ameenír adoomá, asma a tlakuso'o.»

DABE 29:20

AAKOÓ MUNGÚ, heé adór kwí gu baloó gurtlayká, nee buhhtaá AAKOÓ MUNGÚ nee da/itose heewí ngu al'oohiyá', lo'o sleémeero ar taa gooín baraá kitaábuuwí heedaádá' gu /ák, nee AAKOÓ MUNGÚ umuú heedaádá' gun fiits gawaá daanduú yaamuwo.

Yakobo 4:6

Ala tam adoorihe gurtleemuudá' ni atén i hanmiisi ku ak ló'wa ur. Gawaá adoorihe Gooi i malé kat, «Mungú múk daara/aám gu sii', ala mukdá' ti niinaweemiís gu gurtláy.»

1 Petro 5:5

Kuungá' masoómba sleeme, iialooemisé' dír múk urene. Kuungá' sleémeero niinaweema ya/aamaak, as tiwa kiloohúng sagadiyusa'. Asma kaa gooín, «Mungú múk daara/aám gu sii', ala mukdá' ti niinaweemiís gu gurtláy.»

Yuda 1:19

Mukwí an múk wakaarír huwahuúw. Inooín muruú ta eeharahari a muruú baraaká' yaamu kilós, múk Qeeruú Mungú gu koomaaká.