ISAYA 65:3 - Biblía Axweesantá Hhohho' ar Mungú 2004

³ Mukwí an múk aníng i hayloórí lehhiít umuú daqto dír geeraaeene ilahhooár muruú ta tsu/i hanmiisiyá' baraá asalmaá wa ale mooyángw tsuú' ngu da/aa/aná' gawaá matofaali.

ISAYA 65:3 Iomraidhean Croise

2 WAAWITÁ 22:17

Asma aníng iga geexayé', munguaá hatlá' ngaa mooyángw tsuú' i da/iyé', aníng iga buhhtisiyé' ar gadiyér dabaaín sleémeero. Gawaá adoorihe, aníng iga i daa/atúw buhhtaawo, nee i baloó tsauya'aaká.

YOBU 1:11

Axáy dakók gawaawós i tleeseek, daqaari'iimarós kwatiiteek, áx buraqo /ooslinká.»

YOBU 2:5

Axáy daxta dakók gawaawós i tleeseek, slaqwtós ka kwatít, áx, bura qo /ooslinká.»

WARA'AMI 78:40

Nguwa si'iyé' baraá xaanxáy wa ale, ngway gurhaamírár ayé' baraá darmuú wa ale a sagaá wa magá'?

WARA'AMI 78:58

Nguna buhhtamiisiyé' ar wa/ameedá' taa tleéhh as sluufoó slaqsa'aá mungui. Ngway dá/tár ayé' ar murslaaqatuú munguiidá' naa tleehhiyé'.

ISAYA 1:29

Asma kuungá' tundu mureekees kuwa sluumisá', as ti'ituudá' taa ilaatleerusé' kuwa sluufmisa', tunduri amoqwaarees as asalmoodá' taa tsawdé' kuwa sluufmisa'.

ISAYA 3:8

Asma múk Yerusalemu taa dukuúts, nee oo Yuda aa huú', asma AAKOÓ MUNGÚ nguna si'iyé', ar tlehhmi'ii'ín nee axweesanay'ín, xirfuuwós ngwaa gaárií xui'iiká baraá tla/angw'ine.

ISAYA 66:17

AAKOÓ MUNGÚ i kaahi, «Mukdá' ti kilooín hhoohhoeemiís nee ti hamtliít as tawa dahi baraá asalmoó firór munguaá hatlá', kudá' nee kaahamuuser'ín ti alkoomá', fu'unaá baynamo ngiri /ayiyá' nee muruú hatlá' oo ta waki, nee gareeriiwo. Mukwí sleémeero ta tsuwa qaatl dinkwaárí alé.

ISAYA 66:3

Ala mukwí adór i slaiya' ngin tlehhiitiyá', dir'ine dimbé i káhh bar awu ngwa gaasiyé', laqaá hee, Bar deelmoó bee/i ngwaa ilahhooár wa haniisiyé' laqaá seeaay. Bar balaangw ngwa ilahhooár wa haniisiyé' laqaá tseerér baynamo. Bar ilahhooár inslaslaangw ar mooyángw koóm ngwaa haniisiyé' laqaá bar munguúduú murslaaqat ngwa sluufmiisiyé'. Mukwí lohduuín gina kilooín sláy, nee muner'ín ka sla'atamis nee muruuín kudá' ni waak.

YEREMIA 3:6

Qoomár waawuti'iimár waawutmo Yosia AAKOÓ MUNGÚ aníng ina báy, «Xáy aga aándi adoodá' múk Israeli kudá' inkihhimu wásl aa tleéhh? Ina geexayé' niri tsa/ané' gawaá umuúqo ságw tloomaro nee umuúqo dír gamuú xa'anoó loo/o naa/e as tsaatu'uuma ngiwa tleehhiya'.

ESEKIELI 20:28

Asma qoomár ngiwa huúw baraá yaamuudá' naa inooín i alqadiím ngiwa haniis, umuúqo tloomár tleere ngiwa ariyé', laqaá xa'anoó loo/ór naa/ koóm, inooín nguna ilahhooárií gaasiyé' as aníng iwa hayloórí leehhiya', amooqaáqae ta ilahhooár mooyángw tsuú' hanmiis nee ar tsipipi'iimisuuwo.

TLAHHOÓ LAÁWI 17:5

Hara'ayaarí kana qaás as kahhó' xoorór Israeli hikwaaín kudá' geera ta tsu/i baraá aykú wa ale, ngiwa huwiya' dír AAKOÓ MUNGÚ, dír geeraá kaahamusmoó Mungú, nee dír afkú heémár Mungú, inós giri tsuu/, giri ilahhooár waydú wa haniis dír AAKOÓ MUNGÚ.

DABE 32:21

Aníng ina da/tár ayé' ar gár munguheeká. Inooín iga mune duuxiyé' ar slaqsi'ii'ín kudá' naa dabár tleehhiyé'. Aníng inooín in da/itár aw ar muruú mukooká, nee in buhhtís ar xoorór múk daktana.