ISAYA 65:24 - Biblía Axweesantá Hhohho' ar Mungú 2004

²⁴ Dír aníng ira firini'iiká in geerií mu/aywaáts, tam qoomár barta baraá axweesántií dirii' aníng in iiárií qaás.

ISAYA 65:24 Iomraidhean Croise

IIMU/UUNGW 24:15

Tam qoomár firooro iwa hhe'eesiiká, naxés Rebeka dasír Betueli, garmoó Milka, harér Nahori hhiyoó Abrahamu, ina hardát, i sirwirós koón ar suuma.

2 WAAWITÁ 19:20

Aluuwo Isaya garmoó Amos afo gari ilahaniís dír Hesekia, iwa kaahi, «AAKOÓ MUNGÚ, Munguú Israeli i kaahi, ‹Aníng kuúng iga firiín daanduú Senakeribu waawutmoó múk Ashuruwo, nee aníng firiirók aga axaás.›

WARA'AMI 32:5

Án dakuúsar'eé' ngiri dirók i alki/iít, nee adór nira qwaár aga duqumiiká diroge. Niri oó', «Dakuúsar'eé' a gwadidiím dír AAKOÓ MUNGÚ.» Kuúng dakuúsar'eé' kari gurtleér.

WARA'AMI 50:15

Án ateetáng deelór slahh'amaayeero. Án kuúng u ba/amís, aníng iri xirfayés.»

WARA'AMI 91:15

Aníng bira ateét, u iiárií qaás, aníng a dinkwa nee inós baraá slahh'amaayeero, un ba/amís ngway xirfayeés.

ISAYA 30:19

Kuungá' múk Siyoni, kudá' Yerusalemúr hootá' kuungá' a sangw baloó /aa/eé ki/a'aaká. Asma looeemawo Mungú kuungá' nu gurtláy as afór /aa/eehúng, qoomár /aa/eehúng birnga axaás, inós kuungá' nun mu/aywaats.

ISAYA 41:17

Múk narkuute nee oo gaa wásl bir ma'aá leelehhiitiyá', ma'aay i kahhiyá' waxeero hhehhuuín birna kahiyé'. Aníng AAKOÓ MUNGÚ i mu/aywaáts, Anuú Munguú Israeli i geexawaaká.

ISAYA 55:6

AAKOÓ MUNGÚ leelehhitaak qoomaarí iwa deér firirimaak qoomaarí kuwa tseéw.

ISAYA 58:9

Daqaní kuungá' anuú AAKOÓ MUNGÚ bira firiindé', aníng kuungá' nu mu/aywaats. Slám bira ateté', aníng an oo', ‹Aníng a diirí.› Barnaxes kuungá' baramaani aga meeré' baraá tla/angwhunge, nee muu bur looloqoomisa'aaká nee muruú tlákw axweesanto bura meeré'.

ISAYA 59:1

Ga/aawaak, dákw AAKOÓ MUNGÚ ku ququmaareeká tam ba/amisaro nuri harslaqaát. Laqaá iaawós i giwiaaká tam iri axaasiiká.

DANIELI 10:12

Naagáy inós iri báy, ‹Daniéli, ma da'ayumiitaar, Mungú firoorók gaa axaás iimír bál geera tiwa niinawés geeraawós i alé, as tsaahha kawa sleer. Aníng hamí nina hardáh as daanduú firoorók tidá'.

SEKARIA 13:9

Aníng daqtadár tám ngiri waarahhaás ar baraá asla, aníng in kwahhuút ngiri hhohhoeés adór peésa kar kwahhuumaamiti, aníng i iiár adór sahaábu kur iiara'ari. Umuueé' nguri ateetiyá', án ngiri axaás, aníng niri oo', ‹Mukwí an kwe'eé'› Inooín niri ooiya' ‹AAKOÓ MUNGÚ an Munguúrén.› Anuú AAKOÓ MUNGÚ tí ngina oó'.»

Marko 11:24

Gawaá adoorihe nun baw, umuúqo gaaro ar ta fiririinda' baraá saalingwhunge, haratlintiaak adór kara sleeré', nee a toohúng.

Tlehhema'aá ya/Abuuse 4:31

Mungú firooro kuwa hhe'eés, didaádá' tay burumburiít iri daaraxát, sleémeero tari haáts Qeeruú hhoohhoó' oo Munguhe. Axweesantá Mungú kari alki/iít ar pihh'uuma.