ISAYA 65:17 - Biblía Axweesantá Hhohho' ar Mungú 2004

¹⁷ «Ga/aawaak, dooraá /aben nee yaamaá /aben i tlehhiít, muruú aáng ku male inslayká, sleeme u iitleesaaká.

ISAYA 65:17 Iomraidhean Croise

ISAYA 43:18

‹Muruú aa waaraahh mu inslaslawara' laqaá muruú aáng mu aldakuutara'.

ISAYA 46:9

Muruudá' aáng aa tleehharuut inslawaak. Asma aníng a Mungú, Munguú hatlá' i kaahh. Aníng a Mungú, Munguú adór aníng i kaahh.

ISAYA 51:16

Aníng axweesante'eé' aga qaás baraá afkók nee ugwa luú/ baraá mahhtuú dakw'eé'. Doori ngiri hhaáf nee iihhafiirír yaamu ngiri qaás, múk Siyoni nguri báw, ‹Kuungá' an muk'eé'.› »

ISAYA 66:22

AAKOÓ MUNGÚ i kaahi, «Asma adoodá' dooraá /aben nee yaamaá /aben kudá' ni tleehh nir hotatina' dír geeraaeé' wa alé, an adoodá' xwaylarók nee umuuwoge ir kumamitiya' daqisleém.»

YEREMIA 3:16

Nee qoomár bar aga tlahhé' tay doogiindé' baraá yaamuwo, de'emadae muu sandakmoó alqadór AAKOÓ MUNGÚ ku daanda ooiiká. Ngu baloó inslay'aaká, laqaá ngu baloó yaahasiaaká, tam sleeme oo hatlá' ngu tleehhiaaká.

1 Korinto 2:9

Sagalooarí an tidá' Gooi iwa kat, «Gadá' taa baloó ariiká nee iltá hee, nee ar taa baloó axaasiiká nee iiár hee, nee slám ar hee aa baloó xuiiká baraá muunaáwose, gaarí an tidá' Mungú aa amohhe'eés as mukdá' inós gu slaá'.»

2 korinto 5:17

Gawaá adoorihe, hee bir baraá Kristó i dirii', inós a heé /abén. Tidá' qaren aa waaráhh, ga/aaweek, ar /aben naa hardát.

Ebrania 12:27

/Aymi'iiká' tawa oó', «Malé ale sagaáwa wake» Gár i laqaqana' a tí, muruudá' diingisaro ta aleeslay, ku hingees. Muruuwí a kudá' sleémeero taa tleéhh. Ala muruudá' diingisaro ta aleeslayká, i kumiit.

2 Petro 3:13

Ala Mungú al'axweesani ngina dirén i haniís, ar dooraá /aben kiwa slawaan, nee yaamaá /aben. Baraadaádae gár dáw a gan'amu. Nee atén muruuwí un haraxuaán.