ISAYA 65:13 - Biblía Axweesantá Hhohho' ar Mungú 2004

¹³ Gawaá adoorihe, Aakoó MUNGÚ i kaahi, «Ga/aawaak, sagadiyuuser'eé' i /ayiín, ala kuungá' qwari nu tsuu/. Ga/aawaak, sagadiyuuser'eé' i wahaán, ala kuungá' waxe nu fák. Ga/aawaak sagadiyuuser'eé' i qwalaalá/, ala kuungá' tundu mureekees.

ISAYA 65:13 Iomraidhean Croise

WARA'AMI 34:10

Tam na/aá diraangw i alná' niri qwariitiyá'. Ala kudá' AAKOÓ MUNGÚ ngu ilaiwawa/á' gár hhoo' ka dakumisiiká.

AXWEESANOÓ SAGALOOA 13:25

Heé hota ganaá' muruú /aymár afkós gu buú' gu sláy, Ala guruú heé tlaákw i tsii/ qwarko.

ISAYA 1:19

Bar aga ya/aandé' nee tay iialooeesé', daqaní hhooeemaá yaamu i /agá'.

ISAYA 41:17

Múk narkuute nee oo gaa wásl bir ma'aá leelehhiitiyá', ma'aay i kahhiyá' waxeero hhehhuuín birna kahiyé'. Aníng AAKOÓ MUNGÚ i mu/aywaáts, Anuú Munguú Israeli i geexawaaká.

ISAYA 41:18

Aníng gawaá tlom'aá kaaharene yau ngi duúx, nee kutlaay baraá tla/ángw xatsoowo. Aníng xaanxaay u tlahhsár ma'aay tleéhh, nee yaamaá kaahaar nin kutloó ma'aay tleehhitiyá'.

ISAYA 42:17

Kudá' munguaá slaqsi'i awa taa tleéhh ngi harahhifiitá' ki alií warqees kiri ló'wa mureekees, kudá' kaahá' dír slaaqsi'iidií aleeró, «Kuungá' a munguiirén.»

ISAYA 44:11

Ga/aawaak, mulqeerós sleémeero ka mureekees, inooín a gadiyér dabaá muu, gimáy inooín sleémeero ta burumburiiti, mawaak i kilooín sihhitiye', ki dae tsaat, sleémeero ki dinkwaárí mureekees.

ISAYA 44:9

Muu sleémeero kudaá slaqsa'aá munguaá tlehhiít a gár tawo ló'wa ale, muruuwí ta saqwalaala/i gár ngiwa bui i káhh. Mukdaáduú munguiiká lamabu'uumá' inooín a taampu nee gár i xuiya' i káhh. Inooín ki mureekees.

ISAYA 49:10

Inooín i qwariitiiaaká sleeme waxitiaaká, fur'ár age laqaá tsee/amá gi slahhaeesiiká. Anuúdá' inooín gi gurtlatláw in geerahaár. In huúw dír duxuú ma'aá koóm.

ISAYA 5:13

Gawaá adoorihe, muk'eé' ku loohatis asma sagawasler'ín. Mukhúng kudá' ta ilaiwawa/i qwari gu tsuu/, múk yaariír waxe gu tsú/.

ISAYA 50:11

Ga/aawaak, kuungá' sleémeero awa asltá oohamiisá', awa tsaa'aaso ngaa oohiye', gimsé' hi'iimité' ar gwa/aateemaá asltahúng, nee ar tsaa'asorhúng tisíng taa oohisé' Aníng kuungá' gár nuy tleehh a tí, kuungá' tundu yaamií hhaaf ar slahh'ama.

ISAYA 61:7

Kitángw mureero ilaiwa/ame a sagáwa tsár wa sleér kitángw waaqa'amaawo kuungá' yaamuuhúng in saqwalala/á'. Gawaá adoorihe baraá yaamuwo kuungá' yaamu i sagaáwa tsár wa sleerá'. Qwal/uuhúng i baloó fakiiká.

ISAYA 62:9

Ala kuungaádá' balaangw ugwa bue', un /agá' anuú AAKOÓ MUNGÚ iri xirfayeemisá'. Kuungaádá' mamaá sabiíbu iga bue', an baraá matla/ángw dooeé' kudá' hhoohhoó' wa wahaandá'.»

ISAYA 66:14

Kuungá' a aandá' nee munerhúng iri qwalá/, faduuhúng /uureemo ngiri slayá' adór gitsór naa harma/, nee kari tsahhá' adór dákw AAKOÓ MUNGÚ tar dinkwa nee sagadiyuuseerós, nee buhhtaawós i gawaá daanduú wakuuseerós.»

ISAYA 66:5

Axweesantá AAKOÓ MUNGÚ iiárií qaasaak kuungáká' axweesantós ngi ilaiwawaa/á'. «Hhaeehúng kudá' kuungá' nu ahhiitá' nee naa si'iye' as umuueé' inooín i kaahiya', ‹Gimáy AAKOÓ MUNGÚ ti xirfayeesi as atén qwal/uuhúng nguwa araan.› Ala múk ta mureekeesi an inooín.

ISAYA 8:21

Muu baraá yaamuwo tan tawo tambeeruus, taa ló'wa amoqwaár, slamí qwariitiyá'. Slám bir qwariitiyá' mune gaa farkiín amór waawutmooín nee munguine. Tan gawaá doorí qaytsiit,

YEREMIA 22:22

Geeraharuuserhúng ka haritlees nee fur'a, mulqerhúng karir tláy baraá loohaay, daqaní kuungá' tari muruta', nee tari amoqwaqwadiindá', asma tlakweemaahúng kudá' taa tlehhé'.

DANIELI 12:2

Múk yaariír kudá' aáng aa qaro qaatl, nin waaslee/, bahh'alé slafíngw alhhe'eesay wásl ngu slayá', nee bahh'alé mure nee waqaaqa' ngin slayá' ay alhhe'eesay wasle.

HOSEA 4:10

Inooín ta /ayín, ala ta axinká. Tan fuquus, ala ta dooginká, asma AAKOÓ MUNGÚ nguwa mayé' nee fuqi ngiri i xupuuiyé'.

MALAKI 3:18

Daqaní kuungá' kay tsahhá' dimbér awa tlakw nee awa ganaa'á', nee dimbér múk Mungú gu sagadiyuús nee oo gu sagadiyuusaaká.› »