ISAYA 64:7 - Biblía Axweesantá Hhohho' ar Mungú 2004

⁷ Heé kuúng u fiririím i kaahh tumu wák, nee heé naagamiís kuúng leelehhtuuwo i kaahh, asma kuúng aga atén wa nahhát hám daxta taa baraá tlakweemaarén i meér.

ISAYA 64:7 Iomraidhean Croise

YOBU 10:9

Inslawiím, kuúng aníng ina tléhh ar hhape, hám daxta in male ki/ísa baraá hhape?

YOBU 8:4

Barnaxes na/iiwók Mungú nguna sadakuusiyé', inós bu'utuú dakuúsar'ín gun buu'.

WARA'AMI 100:3

Xuaak adór AAKO tar Mungú! Inós an kudá' atén taa tleehh, nee atén an mukós, atén an mukós nee bee/ángw qawtantós.

WARA'AMI 14:4

Xáy, múk tlakweemaá tlehhiít ku tsuwá xu'uti wásle? Ahaá, masta hoot ar muruú muk'eé' kuwa hayohin ar /uuru. Slám inooín AAKOÓ MUNGÚ ngu firirina'aaká.

TI'INAANGW 32:12

Ahaá waáy, gár múk Misri tas ooi, ‹Aáng gár tlaakw gana qo qoomeés daanduuine, inooín gina baraá yaamuuká' wa duúx as ngiwa tsu/utár ay gawaá tlom'i nee ngiwa hhaamisi gawaá daanduú yaamuwo.› Buhhtaasingá' xaraaslá' maweek, warqáw baraá inslawaysíng tlákw ta koon daanduú mukoge.

ISAYA 1:15

Kuungá' bar dabaahúng iga gáwtí tlesé' as iwa fiririinda', aníng ilaaeé' in luú/, as munduwa ár, tam firór yaariir bar firirindá', a axaasaaká. Asma dabaahúng naa hatsiyé' tseerduuwo.

ISAYA 27:5

Ala bar inooín xuumar'eé' ngi slaiyá', ni wayduú aye' dir'eé', eeít, ni wayduú aye' dir'eé'.»

ISAYA 45:9

A tsaxwaawós heedaádá' ti tlaampa'aamiisá' nee tleehharusmoowós, Tleei tleeusmo gunqo tlaampa'ása. Hutloó adór hutla'aá hatlá'. Xáy, tleei tleeusmo gunqo beéra, «Gár ta tlehhit?» Laqaá «Gadiyér dabaawók i qoondaaká.»

ISAYA 50:2

Ahaá waáy, qoomár niwa hardáh heé naa didií áw mis kaahh? Qoomár niwa ateét heé aa ooin mis kaahh? Xáy, dakw'eé' ku ququmaáre ba/amisa gari aslayká? Laqaá aníng /uuruú nir ba/amis u koomaakáhe? Ga/aawaak, tlawi ngiwa i gahhaát, ma'aay niri kahiyé', yaae ngiri yaamaá xaanxay tleéhh, siyó iri diíx as ma'aay ngiwa dakuús nee ina qaátl as waxe.

ISAYA 54:8

Har afiqoomár niinawe niwa buúhh ina ilaa goów, ala ar sla'aarír warqawakahe iga gurtláw. AAKOÓ MUNGÚ ba/amusmoowók tí gan kah.

ISAYA 56:4

Asma AAKOÓ MUNGÚ i kaahi, «Mukdá' taa karmuumúy kudá' deelór Sabaáto ngi boo/eemisá', kudá' adoodá' aníng ni slaa' ngi tlehhiitá', kudá' alqador'eé' ngaa oohiye'.

ISAYA 57:17

Ina i buúhh asma tlakweemaaín nee as ilatleerir'ín ngiri muúx, niri nahhaát, as niwa buúhh. Ala nina ak kumiitiyé' loohir'ín tidá' i slaiya' eeharahaduwo,

ISAYA 59:16

Inós heé aa ár tumu wák i kaahh, iri waa/oó/ asma heé aa alee/isoó ay i kaahh. Naagáy inósuú kilá' dakós gway gáwtí tleés. Inós kuri tliwií/ nee gan'amuuwós.

ISAYA 59:2

Ala tlakweemaahúng kuungá' nuna dír Munguúhúng wa paraatliyé' nee dakumisuuhúng gitsee/aawós ngaa lu/iyé', as kiwa aanda'aaká. Gawaá adoorihe inós firorhúng ga axasiiká.

ISAYA 59:4

Heé muruú ganaá' gu iinuús i kaahh, heé kwasleemár tlehhiít ar inkihhimu i kaahh, axweesanoó tawo ngun harahhifiyá', kuungá' lameemo in axweemaamisá'. Kuungá' tlakweema in qoomaamesá', nee tlakweemaahúng i laqwaliná'.

ISAYA 63:16

Asma kuúng an baabuúrén, tam Abrahamu atén ti xuiikahe nee tam Israeli ti tsatsahhankahe. Kuúngú AAKOÓ MUNGÚ an baabuúrén, kuúng an gweerusmoorén, iimír aange umuuwók an kwí.

YEREMIA 9:7

Gawaá adoorihe AAKOÓ MUNGÚ Aleesleemusmo i kaahi, «Aníng in hhohhoeés nee in iiár. Xáy gár hatlá' ar muk'eé' ngway tleehh a milá?

ESEKIELI 22:30

Heé koo/i ga tleéhh nee oo sihhiít didaádaá fee/it dir'eene, as yaamu ngiwa harmagaahhi as miwa hhitiím, una leeleéhh baraaine, ala uga slawiiká tam oo wák.

ESEKIELI 24:11

Hutlaay un kaahareema qaás gawaá asla as asla ngiwa ló'wa /ak, muqslidá' kura tleéhh ngiwa eemu hhe'es, as slasla/aruuwós iwa wanana'aati nee kuútuwós asla nguwa /ak.

HOSEA 5:15

Aníng an kií/ dír kitangw'eé' tin paraátl dir'ine, ay dír tlakweemaaín ngay gwadidina' aníng iri leelehhtuú ayá', slahh'amu giri intsaahhatis aníng iri leelehhiyá' tawa kaahi.

HOSEA 7:14

Aníng i firirina'aaká ar muunuú ló', qoomár niwa gawaá qateenoín wa /a/amina'. Gár naa i burumburitiyé' a balaangw nee difaái, aníng iga aahhiyé'.

HOSEA 7:7

Sleémeero naa da/atuutuyé' buhhtaawo adór layu, geeraharuuser'ín nga haleleiyé'. Waawitaáín sleémeero aa huuhu'ún, baraá tla/angw'ine tam heé wák oo i fiririím i kaahh.

MALAKI 1:6

AAKOÓ MUNGÚ Aleesleemusmo kuungá' nun yaahamiis, «Na/aay baabuúwós gun ilaiwawaa/, nee sagadiyusmo aakoowós gun ilaiwawaa/, ala aníng bar baabuúhúng, ilaiwa/amer'eé' i amá? Nee aníng bar aakoohúng, ilaiwa/amer'eé' i amá? Kuungaá kaahamuusér Mungú, awa umuueé' ngu waaqaqa'á', kuungá' a kata', ‹Umuuwók adór ngura waaqaqa'aán a adoomá?›

MALAKI 2:10

Xáy, atén sleémeero baabuúrén a wákeéke? Munguú taa tleehh a wákeéke? Ahaá baré umuúqo heewo hhiyaawós gun muruú tlákw i tlehhiit, alqadaá baabi'iirén in hhititimaán.