ISAYA 64:3 - Biblía Axweesantá Hhohho' ar Mungú 2004

³ Qoomaadá' kuúng muruú waa/oo/amo kudá' taa harahhifaniiká kuwa tléhh, niwa yaamií awét tlom'i niri daaraxatiyé' kuúng uwa ariyé'.

ISAYA 64:3 Iomraidhean Croise

2 SAMUELI 7:23

Slám baraá yaamuwo muu a gaalá oo ta slaqasi nee mukók oo Israeli? Kudá' Munguúín aa ba/amisár áy as tawa mukós. Muruú urén oo waa/oo/amo guri tleéhh baraá yaamuuwose dír geeraá mukose, umuuwós iri xu'utiít. Giri ba/amisár áy baraá Misri as inós, xoordu giri geeraaín wa guús nee mungui'ine.

WARA'AMI 106:22

gadiyér waa/oo/amo ar aa tleéhh baraá yaamaá Hamu wa ale, nee muruú dae tlaáq oo aa tleéhh dír tlawtá Shamu wa ale.

WARA'AMI 66:3

Mungú bawaak, «Tlehhmi'iiwók iwa dae tlaaqiya' a adór milá? Asma /uuruuwók ku úr, wakuuseerók ni hardát, tiri dír geeraawógií niinaweemís.

WARA'AMI 66:5

Qwalaasé', xuxuuaak tlehhma'aá Mungú aa tleéhh, tlehhma'aá Mungú aa tleéhh tla/ángw muko i dae tlaaqiyá'.

WARA'AMI 68:8

yaamu nina daaraxaatiyé', tluwaay iri tlúw gawaá doorií wa ale, as hardahamuú Mungú kuduú tloomár Sinai.

WARA'AMI 76:12

Inós geeraharuusér uren ga daba' tsaat, nee waawituú baraá yaamu nguri da'ayuutiyá'.

TI'INAANGW 34:10

AAKOÓ MUNGÚ iri oó', «Ga/aaweek, aníng hamí alqado a tleéhh. Muruú waa/oo/amo oo aa baloó tleehharutiiká baraá xoorduwo, laqaá tam baraá yaamu sleémeero u tleéhh dír ilaá muk'eé' sleémeero wa ale. Nee muu sleémeero, kudá' nee kuúng alhootá', gadiyér AAKOÓ MUNGÚ gari ar, asma gár waa/oo/amo ngi kuúngií tleéhh.

ISAYA 5:25

Gawaá adoorihe, AAKOÓ MUNGÚ mukós gwaa i daa/atúy buhhtaawo. Inós gaa dákwí tleés as ngiwa muxi, tam tlom'i niri daaraaxiyé', tu'uuín baraá loohdaá tla/ángw gixsaro a adór xwaansláy. Tam adoorihe muneerós gaa gu/iiká, in kumiit muxtaaro.

ISAYA 64:1

«Ahaá gár kuúng doori ngis feehhiská niri yaamií awét, as tlom'i niwa daaraxiya' kuúng bura ariyé'.

HABAKUKI 3:3

Mungú naa hardáh i Temanír daahh. Inósudá' Hhoohhoó' i gawaá tloomár Paranír daahh. Xirfuuwós doori gina tuuntuúk. Tam yaamu niri hatsiyé' xirfuwose.

HABAKUKI 3:6

In sihhiit yaamu giri diingiis. Iri qaytsiit xoordu giri kwisltis. Tlom'iidaá alhhe'eesay wasl niri feehhamiitiyá', nee gongooamadá hotaatimá' niri sluk'umitiyá', lohduuwós awa alhhe'eesay wasl.

DABE 10:21

Inós an xirfuuhúng, an Munguúhúng kudá' naa muruuwí urén i tleehh, nee oo waa/oo/amo kudá' taa aandé' ilahunge.

DABE 4:34

Xáy, kuungá' mungú taa axasé' i deéro oo mukós gwaa leehh baraá xoorór hatlá' i ale, adoodá' AAKOÓ MUNGÚ, Munguúhúng aa tleéhh ar loohír iiara'at, nee layu nee slaqsa'aá waa/oo/amo, ar slaqwara, laqaá ar /uuruuwós kudá' úr, muruú yaariír guri tleéhh, kudá' taa aandé' ilahunge baraá yaamaá Misriro.