ISAYA 64:2 - Biblía Axweesantá Hhohho' ar Mungú 2004

² Adoodá' asla xwaansláy ngur /aa/ak, nee adór asla ma'aay ngir dahhamaamis, as umuuwók kuwa tsaahhi nee wakuuseerók nee xoodu ni daaraxatiye' kuúng bura ariyé'.

ISAYA 64:2 Iomraidhean Croise

WARA'AMI 106:8

Ala tam adoorihe gina ba/amís as umuuwós, as aleesleemuuwós oo úr nguwa laqan.

WARA'AMI 46:10

«Haay xasliité', tsaahhaak adór aníng tar Mungú! Aníng taa iia tleereés baraá xoorduwo, ti iia tleér baraá yaamuwo!»

WARA'AMI 79:10

A gár milá múk xoordu tiwa babay, «Munguúhúng kwisíng i amá ala?» Ka araané' ló' adór múk xoordu kura li/áy bú', as tsu/utár sagadiyuuseerók.

WARA'AMI 83:13

Mungú, inooín diyaa/eek adór teerír wa ale, adór hhaanslaá tar tlatlay nee bambaao,

WARA'AMI 9:20

AAKOÓ MUNGÚ, muu na naxweek, xoordu ti xuiye' inooín a gaarooká, a múk tawo.

WARA'AMI 99:1

AAKOÓ MUNGÚ i waawuti'ii'ín, xoordu ni daaraxatiye'. Aa iwiít baraá tla/eeraá keruúbi, yaamu niri dingitiyé'.

TI'INAANGW 14:4

Aníng muunuú Farao u gawdeés, inós niri eeharín aluuhúng wa ale. Farao nee slaqwaruuseerós aníng i xirfúr ayá', nee múk Misri gari xuu' adór aníng tar AAKOÓ MUNGÚ.» Naagáy múk Israeli adoodá' kari tleéhh.

ISAYA 28:21

Asma AAKOÓ MUNGÚ ni sihhiit adoodá' aa tleéhh amór tloomár Perasimuro. In daa/atúy buhhtaawo adoodá' aa tleéhh baraá xatstá Gibeoniro, as tlehhmi'iiwós kudaá' waa/oo/amo aa qoomeés ngiwa tleehhi, nee gadiyeérós tidá' xuaawasl ngiwa tleehhi.

ISAYA 37:20

Gawaá adoorihe hám daxta aá AAKOÓ MUNGÚ Munguúrén, atén ti ba/amis baraá dabaá Senakeribuwo, as kahhó' waawuti'iima sleémeero ar baraá yaamu ngiwa xu' adór kuúng kilók tar AAKOÓ MUNGÚ.»

ISAYA 63:12

Inós handá' ar /uuruuwose tlehhma'aá waa/oo/amo gina tleéhh ar dákw Mose. Kudá' tlawi gaa dír geeraaín wa tla/a tsaat as tiwa umuú alhhe'eesay wásl i slay.

YEREMIA 33:9

Gixsarí dir'eene tari gixsár qwal/uú huwahuuw nee ilaiwa/ame nee xirif dír geeraá xoordu sleémeero awa yaamuwo, kudá' kaangwí ngu axaasá' oo hhooeemaadá' naa dír múk Yerusalemúr i haniís. Inooín tari da'ayuut nee tari daaraax as kaangwí.»

YEREMIA 5:22

Anuú AAKOÓ MUNGÚ a kah, «Ahaá aníng mis ilaiwawa/a'aaká? Ahaá mas daaraxa'aaká dír geeraeene? Aníng hhasaangw una qaás tawa harki/isoó tlawi, digmuú tlawi waarahhamko i baloó aleesleeraaká. Tam gwaanduú ma'aay digmuudá' ngu aya, ala gu waarahhiiká, tam i /orootli ala gu waa/akutiiká.

AMOS 4:12

«Gawaá adoorihe, aá múk Israeli kuungá' nu muúx. As adoorí ni dirhúngí tleehha, gimsé' ti amohhe'ese' sakwasleemar'eé' tihe.»

MIKA 1:4

Tlom'i gay ya'ár weeqatis adór boohhayángw bihhaá ásltí dirií'. Xatso nay feehhamiitiyá' adór ma'aá hhaahháy.

SEKARIA 14:4

Nee baalaadár kilae AAKOÓ MUNGÚ in sihhiit gawaá tloomár seituúni tidár Yerusalemuro bihhaá da/ií dirii', nee tloomár seituúni iri tla/aa feehhít, tlapár yaariir niri baraá tla/angwdá' wa ti'ít, iimír da/aáw wa tleemu ay /uwa, tlaqtá tloomaadá' ar wák iri /íkwí tleér nee ar hatlá iri báskwí tleér.

DABE 2:25

Aníng laarí muu sleémeero baraá yaamuwo u de'eérí tleés nee hor/iro as kuungá'. Inooín kangwhúng burngwa axaasiyé', tari daraxaat nee tari amoqwaqwadín.›