ISAYA 64:1 - Biblía Axweesantá Hhohho' ar Mungú 2004

¹ «Ahaá gár kuúng doori ngis feehhiská niri yaamií awét, as tlom'i niwa daaraxiya' kuúng bura ariyé'.

ISAYA 64:1 Iomraidhean Croise

WARA'AMI 46:6

Xoordu naa leexutiyé', waawuti'iima iri amoqwát. Mungú afoorós gay tlees, yaamu nari weeqiyá'.

WARA'AMI 68:8

yaamu nina daaraxaatiyé', tluwaay iri tlúw gawaá doorií wa ale, as hardahamuú Mungú kuduú tloomár Sinai.

WARA'AMI 79:10

A gár milá múk xoordu tiwa babay, «Munguúhúng kwisíng i amá ala?» Ka araané' ló' adór múk xoordu kura li/áy bú', as tsu/utár sagadiyuuseerók.

TI'INAANGW 19:11

Ti amohhe'eesiye' ay bál tám, asma bál tame anuú AAKOÓ MUNGÚ ni aweér gawaá tloomár Sinaírí ale, dír ilaá mukwí sleémeero.

TI'INAANGW 3:8

Aníng nina hardáh asma inooín ngiwa tuu/ baraá dabaá múk Misri wa alé, nee in huúw ay baraá yaamaá hhooá', yaamaá iintlaaxw, yaamaá diihooár ilwa nee dane, yaamuudá' ta hooti nee xoorór Kana'ani, nee ar Hiti, nee ar Amori, nee Perisi, nee Hifi, nee ar Yebusi.

ISAYA 41:15

Ga/aawaak aníng nu xooslmoó afa xaraásl oo xoosliingw tleéhh, xooslmoó /abén, afa xaraásl nee oo sihhnaá koóm. Kuungá' tlom'i i xoslá' nee kiri naasuurá', gongooama' kay muundáy tlehhá'.

ISAYA 63:15

«Gawaá doorí wa qaytsitáng nee ka aán, iimír dirók tidá' hhoohhoo' nee didár hotaawók ar xirfuú kooma. Ahaá da/itók tidár sla'aari nee aleesleemuwoge i amoomá? Sla'aarirók nee gurtleemuwo kaa ilaá/ dir'eene.

ISAYA 63:19

Atén a adór múk kuúng taa baloó sawaawuti'iindiiká, a adór múk taa umuuwók ar ateetiiká.»

AMOS 9:13

AAKOÓ MUNGÚ i kaahi, «Qaytsité', qooma ni hardát ar heé doósl kuwa ar ba/i nee heé bu'uúm, nee heé sabiíbuú tsoo/iít heé dahaasiím gu aleesláy, tlom'i difaáír tsuu' ngi duuxiyá', gongooama difaái ngi duuxiyá'.

AMOS 9:5

Aakoó MUNGÚ Aleesleemusmo, kudá' yaamu gi kwatiít, niri weeqiyá', nee kudá' sleémeero baraadá' hootá' nay tsuunqumiisiyá', yaamu niri sluufiyá' niri /aaruyá' adór ma'aá yaaér Nili ar yaamaá Misri.

SEKARIA 14:4

Nee baalaadár kilae AAKOÓ MUNGÚ in sihhiit gawaá tloomár seituúni tidár Yerusalemuro bihhaá da/ií dirii', nee tloomár seituúni iri tla/aa feehhít, tlapár yaariir niri baraá tla/angwdá' wa ti'ít, iimír da/aáw wa tleemu ay /uwa, tlaqtá tloomaadá' ar wák iri /íkwí tleér nee ar hatlá iri báskwí tleér.

Marko 1:10

Siiwadár kilá' iwa baraá ma'áy wa ti'iít, doori gina ár naa gweeritiyé', nee Qeeruú hhoohhoó' oo Mungú i gawaawósí awdiit adór hhooki.

Geehhoeemaá 20:11

Aluudae kitángw aleesleemu oo úr oo /awaák nguri ár, nee kudá' aa gawaadá' i iwiit. Doori nee yaamu gitsee/aawós ngiri ilaguwiyé', tam dir'ín iri qwát.