ISAYA 63:7 - Biblía Axweesantá Hhohho' ar Mungú 2004

⁷ Sla'aarír warqawaaká ar AAKOÓ MUNGÚ an alki/iít, xirfuú AAKOÓ MUNGÚ un oiím, ar har qoomoó muruudá' AAKOÓ MUNGÚ naa atén i tlehhiít, nee hhooeemadá' yaariir aa tlehhaahhiít dír múk Israeli, kudá' a tleehhaahhiít ar harqoomoó gurtleemuuwós, ar harqoomoó yaareemaá sla'aarírós ar warqawaaká.

ISAYA 63:7 Iomraidhean Croise

1 WAAWITÁ 8:66

Bál dakaate Solomon muu guna deelór báy, inooín waawutmo kuri tsuúq. Tari waátl amór maraay ar bara/, nee qwal/uú úr, asma hhooeemaadá' AAKOÓ MUNGÚ aa tleéhh dír sagadiyusmoowós Daudi, nee dír mukós Israeli.

2 QOM'I 7:10

Baalár alhhe'eesay a bál mibeeri tsár nee tám ar slahhángw faanqw. Baalarihe waawutmo Solomon muu gway watlís amór maray'ín i aleeró. Inooín tana qwalaá/ as tsuuqadá' AAKOÓ MUNGÚ aa dir'ín i haniís, dír Daudi nee dír Solomon nee dír mukós oo Israeli.

NEHEMIA 9:25

Gixsadudaá koo/i gawden ngina ar tlayé', yaamaá daqaari'iimár koomá' ngina hayoohiyé', maraydá' muruú yaariír koomá' oo hhohhó', nee hhaleeridá' taa foliiti, nee qamaá sabiíbu, nee seituúniro dinkwa nee xaa'aá yaariir awa mamaá koomá'. Gawaá adoorihe ngiri /ayiyé', nay aaxiyé' niri wahhditiyé', hhooeemawók ngay saqwala/iyé'.

NEHEMIA 9:27

Aluuwo kiri qás gawaá dabaá wakuuser'ín, wakuuser'ín giri slahh'eemís. Ala qoomár tawa baraá slahh'eemisií dirii'i, kuúng una i /aa/iyé', kiri iiárií qás iimír gawaá doorí wa alé. Nee ar gurtleemuuwók kudá' yaariire geeraharuusér inooín gi tuu/ gawaá dabaá wakuuser'ine kari hanís, kingiri tuú/ gawaá dabaá wakuuser'ine.

NEHEMIA 9:31

Ala as gurtleemuwók kudá' yaariire iga meeriiká tawa ak hhan laqaá kiwa kwahh, kuúng a Mungú tsuuqaá koóm nee gurtleemuuwo.

NEHEMIA 9:35

Inooín kuúng ugwa sagadiyusi'iiká baraá waawuti'iimar'ine nee baraá hhooeemawók kudá' yaariir taa dir'ín i hanís, tam baraá yaamuudá' yaariir awa hhapér hhó' koomá', inooín tleehhmi'ii'ín kudá' tlakw ngaa may'iiká.

WARA'AMI 103:2

Muunaáeé', AAKOÓ MUNGÚ diidi'iimiseek, hhooeemawós mi baloó gunqareesaar!

WARA'AMI 107:15

AAKOÓ MUNGÚ ngu sluufmiisiye' asma sla'aarirós ar warqawaaká, asma muruú waa/oo/amo oo aa dir'ín i tlehhiít.

WARA'AMI 107:21

AAKOÓ MUNGÚ ngu sluufmiisiye' asma sla'aarirós ar warqawaaká, asma muruuduú waa/oo/amo aa dir'ín i tleéhh.

WARA'AMI 107:31

AAKOÓ MUNGÚ ngu sluufmiisiye', asma sla'aarirós ar warqawaaká, asma muruuduú waa/oo/amo aa dir'ín i tleéhh.

WARA'AMI 107:8

AAKOÓ MUNGÚ ngu sluufmisiye', asma sla'aarirós ar warqawaaká, asma muruú waa/oo/amo oo aa múkií tlehhiít.

WARA'AMI 145:7

Tidaádá' baraá iinslawáy dirii' kari dahareemiis, nee kángw gan'amuuwók kuri daa'.

WARA'AMI 25:6

AAKOÓ MUNGÚ, gurtleemuuwók nee sla'aarirók inslaweek, asma iga qaroó geehhooés iimír aange.

WARA'AMI 51:1

Mungú na'ás, án gurtlawáng, ar afi qoomoó sla'aarirók ar warqawaaká, ar yaareemaá gurtleemuwók, tlakweemaaeé' na fiitseek.

WARA'AMI 63:3

Asma sla'aarirók ar warqawaaká a gár hhoo' ta slafiingo, afkwe'eene kuúng u xirfayemiís.

WARA'AMI 86:15

Ala Aáko, kuúng an Munguú gurtleemu nee oo qeemu, tu inslaahheeká buhhtaawo, a háts sla'aarír warqawaakahe nee inkihhimuwo.

WARA'AMI 86:5

Kuúng tu hhoó', Aáko, tu amohhoó' gurtleemuwo, nee sla'aarirók i warqeeraaká, dír kudá' sleémeero kuúng u ateetima'a.

WARA'AMI 92:2

Matlaatleero sla'aarirók ar warqawaaká an alki/iitaán, nee inkihhimuuwók un alki/iitaán xweeraawo,

TI'INAANGW 18:9

Yetro kuri qwal/atís nee tlehhmi'iiká hho' AAKOÓ MUNGÚ aa tlehhahhiít dír múk Israeli, awa ngiwa ba/amís gawaá dabaá múk Misriro.

ISAYA 26:13

Aá AAKOÓ MUNGÚ, Munguúrén, bariisér hatlá' atén tina balít, ala atén kuúng kilók un lamabu'umaán tawa Munguúrén.

ISAYA 51:2

Baabuúhúng Abrahamu ga/aawaak nee Sara tidá' kuungá' naa laqwal. Qoomár án Abrahamu nguwa ateét na/aay gu konká, Ala aníng nguri tsuúq, na/iiwós ngiri ló'wa yaareés.

ISAYA 54:10

Asma tlom'i daqtakaaro i quutliyá', gongoama' ki surkuus. Ala sla'aarir'eé' ar warqawaaká i baloó qutlká diroge, nee alqador'eé' tidár wayda ka hingeesiiká diroge.» AAKOÓ MUNGÚ kudá' gurtleemuú koóm daanduuwonge tí gan kah.

ISAYA 54:7

«Ar har afiqoomár niinawe ina máw ala ar gurtleemuú yaariire aníng kiíng i ki/ís.

ISAYA 54:8

Har afiqoomár niinawe niwa buúhh ina ilaa goów, ala ar sla'aarír warqawakahe iga gurtláw. AAKOÓ MUNGÚ ba/amusmoowók tí gan kah.

ISAYA 55:7

Múk Tlákw lohduuín kudá' tlakw ki may, nee kudá' hota gana'a'aaká inslawoó tlákw ku may. I amór AAKOÓ MUNGÚ i ki/iye', inós gi gurtláy. I amór Munguúrén kaye', asma inós gurtleemuuwós ku yaariír.

ISAYA 64:5

Kuúng mukdá' hotaá ganaa'á' gi ar hoót nee gi saqwalalaá/ un ilaaót, kudá' kuúng u inslaslaawá' nee lohduuwoge. Ga/aaweek, tina i gahhát qoomár tawa múk tlakuuse. Atén ana dee/anutaán afiqoomár yaariire. Axáy tiqo ba/amísa?

WA/AA/I 3:32

Ala timti gurhaamír ar aya, inós iqo gurtleemuú kón, ar har qoomoó yaareemaá sla'aarirós ar warqawaaká.

HOSEA 2:19

Aníng kiíng iri sa'axweés tawa harer'eé' ar daqisleém, kiíng iri sa'axweés ar hotaá ganaa'á' nee ar sakwasleemár ganaa', nee ar sla'aarír warqawaaká nee ar gurtleemu.

SEKARIA 9:17

Xáy parootirós i hhohhoaaeér, daaqaay nee dasuuwo slaqo ngin tlehhiitiyá' ar balángw yaariír nee difaáír /aben.

Matayo 7:11

Ala bar kuungaásingá' tlakw muruú hhó' u xuá' kuwa na/iihúng i hanmisa'. Xáy, Baabuúhúng oo gawaá doorí dirií' i ak waaraáhhiíke muruú hhó' nguwa haniisi dír kudá' inós ngu firiiriima'a.

Rumi 2:4

Laqaá kuúng hhooeemaá Mungú kudá' yaariir nee qiqtliingós nee daamaaraangós, in waqaaqá'a? A xu'ukáhe adór hhooeemaá Mungú kuúng ur uuruxuná' as tawa hhu'u'uun?

Rumi 5:20

Hara'aya nina hardát as dakuúsadá' iwa doogiin ak alé. Ala tlakweema niwa tlahhiyé', gurtleemuú Mungú iri ak ló' wa doogín sleeme.

Efeso 2:4

Ala Mungú gurtleemuuwós ku úr, nee sla'aarirós ka ur direne,

1 Timoteo 1:14

Aníng gurtleemuú Aakoorén una ló'wa sláw, dinkwa nee haratlintaao nee sla'aari tidá' ta koomaan baraá Kristo Yesuwo.